#غائم_جزئي ⛅
الكاتبه همس القوارير 🌸🌸
البارت الثامن عشر
كلشي الي نريده بالحياة مو مثل الي نتمناه كلشي يمشي بالعكس حسيت اني طول عمري بدون حظ كلما اريد شي واتمناه مديصير برغم عايشه حياتي بحلوها وبمرها بس بقت بصمة العار مرافقه كل احلامي ومشاريعي واهدافي بقت هالغصه بروحي ومهدده صفوت حياتي
من اجتي سمر وبلغتني أمير يريدني طلعت لگيته گاعد بالحديقه ويشرب أرگيله وخال يمه كوب جاي
مريم
السلام عليكم
أمير
عليكم السلام تعالي گعدي اريد احجي وياج
مريم
صاير شي
أمير
لا تعالي
اجيت گعدت گباله وعيني عليه انتضر ينطق بالشي الي يريده سحب نفس من الارگيله ورفع راسه ونفخه بحسره ورد باوع عليه
أمير
شوفي مريم انتي وسمر اني ربيتكم على أيدي اعرف من مشيتكم او كلامكم شنو بداخلكم واعرف انتي وسمر انضف من النضافه لان تربيتي عمري كله ما كنتلج غير اخ وواكف وياج بكلشي واي شي تطلبه سمر الج او شي خاص بيج جنت ما ارفض اقبل واني سعيد بهالشي اني لا جاي اذكرج بفضل ولا جاي انبهج بشي بس انتي ديخطبوج واني ما اريد اضيع حياتج برفضي لكل شخص يخطبج مريم راح اجيبها الج من الاخر اني احبج من زمان من جنتي انتي وسمر صغيره واني اشوفج تكبرين گدام عيني مو بالساهل اسلم حب حياتي لشخص ثاني اريدج تعيدين النضر وتفكرين مرة الخ بس هالمره اريدج زوجه على سنة الله ورسوله وخلي ابالج اني احبج مو جاي هيج واخطبج واذا گلتي أي موافقه حتى نعقد اليوم اريد التحق واني مطمئن انتي ألي وحلالي تدرين بيه مجهز كلشي ومعندي نقص واذا مقبلتي راح تبقين معززه ومكرمه وهذا بيتج وتشوفين حياتج
دمعت عيوني واني اسمع كلامه لان حيل تأثرت بيه بقى يباوع عليه وبعيوني وينتضر مني جواب ما انكر تحركت مشاعري وكتها
مريم
بس عمري ما حسيت بهالشي منك جنت اشوفك تعاملني مثل اختك
أمير
لان حريص عليج وما اريد احد يمسج او يمس سمعتج بكلمه الي يمسكم يمسني اني بس لهنا وكافي ما اتحمل يوميه جايج خطابه وارفض وانتي ترفضيني انطيج فرصه تفكرين اذا تردين
مريم
انت صدك تحبني وتريدني زوجه الك بالرغم كل الي تعرفه عني وعن اهلي وأمي
أمير
الي اعرفه عنج مالج ذنب بيه انتم تربيتو تحت عيني واعرفج كلش زين شنو انتي اعرف انتي نضيفه وكلبج طيب واخلاقج عاليه الي صار ذنب امج مو ذنبج لا تتوقعين هالشي يأثر على حياتنا اني محتاجج ام بيتي وام جهالي والي يمسج يمسني ممحتاج بس ردج بالموافقه او الرفض حتى اعرف مصيري
