غائم جزئي

البارت السابع عشر

#غائم_جزئي ⛅

الكاتبه همس القوارير 🌸🌸

البارت السابع عشر

ويه دگات موبايله دگ گلبي عيوني وروحي كلها تنبض حسيت گلبي راح يطلع من مكانه اي راح اسمع صوتهم واسمع اخبارهم شعور واحساس مختلط ما جنها دگة موبايل حسيتها روحي دتنازع ويه الدگه مشتاقه شهور اني مشايفتهم  لكلشي رغم الي صار هم اهلي ومالي غنى عنهم گلت بلكي فراگهم ألي حننهم عليه وخلاهم يشتاقولي ويسألون عني وارجع الهم وانسى سالفة توفيق ويعاملوني زين

من بعد ما دگ أمير رفعته وحجت

أمي

الو

مريم

الو هلو ماما شلونج

أمي

هلو منو انتي

مريم

يوم اني مريم بنتج ( احجي وياها وابجي ) شلونج ماما مشتاقتلكم اني ما شردت منكم اني هنا بيت خاله ام امير بس ردت ابتعد شوي على ما تهدء سالفة توفيق وارجعلكم

امي

لج لا هلا ولا مرحبا بيج انتي شلون الج عين بعد وتدگين علينا وتحجين لج اني متبريه منج ليوم الدين على الفضيحه الي فضحتيها ألنا المن داگه

مريم

غصبن عني والله انتم ما خليتولي حل ثاني محد منكم سمعني ولا فهمني توسلت بيكم لا تزوجوني لواحد سكير وحقير وانتم ما سمعتوا جان لازم اسوي حل لنفسي سامحوني ماما

امي

انتي متي بالنسبه الي اني ما عندي بنيه اسمها مريم اصلاً احمد الله واشكره خلصت منج لا أني ولا اخوانج نريدج انتي عار بالنسبه ألنا

مريم

ليش اني مو بنتج ليش هيج تحجين گلبج ما حن عليه ليش انتي هيج وياي

امي

لا بنتي ولا اريدج وانسي عندج ام اعتبريني ميته وخلصانه منج لج شلون الج عين ودگين علينا متعرفين انتي شسويتي بينا لج انتي فضحتينا وشيليتينا من المنطقه علمود ننسى عارج ومحد يسألنا عنج

مريم

ماما والله غصبن عليه لو باقيه جان زوجتيني لتوفيق

أمي

لج لا توفيق ولا غيره انسينا من حياتج احنا منريدج

مريم

ليش اني مو بنتج لعد شوكت تحنين عليه اذا انتي ما ترديني خلاص دليني اهل ابوي اريد اروحلهم يمكن هم احن منج عليه

حسيتها تضحك بأستهزاء وبصوت عالي هذا كله واني فاتحه سبيكر ام امير وامير وسمر كلهم وياي يسمعون وامير يروح ويجي من كثر ما عصب