#غائم_جزئي ⛅
الكاتبه همس القوارير🌸🌸
البارت الثاني
مثل الحلم وتحقق يعني الي جنت متوقعته صح سجاد يحبني مثل ما اني احبه كل احلامي يمه وليليه احلم اني لابسه البدله البيضه واغفى على انفاسه دقائق غزاها الخجل والصمت على وجهي معرفت وين اضم خجلي صار وجهي احمر وعيوني تلمع فرح ما احس بيها دقائق احسها دهر بينه وبين امي بالكلام صغيت بكل مسامعي وخليت روحي وگلبي يحضرون وياي وكانما داسمعه بكل جوارحي كانما ديعزف على اوتار گلبي ويلحن بأعذب الالحان واخيراً نطقها
سجاد
خاله اني احبها واريد اتزوجها صح تگولين عني جريئ بس ما احب احد يسبقني وياخذها مني
امي
بس خاله مريم بعدها صغيره مو مال زواج
سجاد
خاله مستعد انتضرها شگد متردين بس نقرا الفاتحه وتبفى محجوزه ألي المهم احسها ألي ومتروح لغيري
امي
ما اعرف شنو اگولك والله بس اني اريدها تكمل دراستها لان تشوفها شاطره حرامات تضيع مستقبلها ببيت وزوج وجهال واخاف تفشلني وياك لان بعدها مو گد المسؤليه
سجاد
اي تكمل دراستها عادي منو گالج راح ابطلها كتلج بس نخطب وتبقى تكمل ما عندي مانع وانتي وامي وخواتها تعلموها شوي شوي وشوكت ما ترديني اتزوج نتزوج يعني الفتره مفتوحه الى ان انتي تأمريني بالزواج هااا شگلتي
امي
والله يمه ما ادري شأگولك ما عندي مانع بالعكس وين الگه احسن منك لمريم بس فاجئتني وممتوقعه هيج مريم صغيره وتنخطب
سجاد
خاله يا صغيره شوفيها چنها العافيه مره كامله مكمله
أمي
ما عندي مانع بس خلي خطبتكم بالعطله الكبيره يعني تأجلها هالفتره احسن علمود تركز على دراستها وهمين لازم تحجي ويه امك
سجاد
هسه اهم شي موافقتج وموافقة مريم والباقي عليه لا تفكرون
امي باوعت عليه اني ابتسمت ودنگت
امي
انتم بينكم شي لو اجيت هيج من ذاتك
اني نصدمت وتغيرت معانيي واباوع عليهم كل شوي احول نضري عليه وعلى امي
سجاد
لا خاله ما توقعتها منج مريم عرضي وشرفي وبنت خالتي تتوقعين اخون الامانه هسه گدامج اسئليها اذا متعرضلها فد يوم بشي خاله اني مو مال حب وغراميات اني اجيت وطلبتها منج يعني اجيتج من الباب لا تتوقعين اخلي مريم تعيش هيج سوالف الا تنحجز ألي يلا
