الحب الذي لا يفنى (بقلم ايه القيسي قصه حقيقيه)

اعتذار + part 2

هلو حبايبي

السلام عليكم

شونكم حبايبي اسفه على التأخير بس جنت مريضه وأريد اكلكم شي الف الف مبروك البنوته ملاك البطلة مالتنا قبل يومين ولدت بنوته و الاسم على البارتات الجايه تعرفوه

الحب الذي لايفنى
بقلم :- ايه القيسي
القصه حقيقيه

كـالنقطه انت في اخر السطر ע احد يأتي بعدك 💜❢l❥

.
.
.
.
.

ملاك :- من وصلنا شفت عمامي واكفين ومترأسهم عمي ابو فهد و ولده هم وياهم واكفين وكعت عيني على واحد حلو وضخم امبين من ولد عمي شو هاذا كبل خزرني اني دنكت و لزمة بالعبايه مالت ماما بأيدي دخلنا من باب المطبخ لأن جان اكو زلم اهواي يم مدخل البيت شفت عمتي ام فهد جانت تجي معا عمو المهيمن اعرفها سلمنا عليها وعرفتنا على الموجودين وعلى بناتها رفل و رسل حيل حبابات وبنات عماتي

وعمامي كلهن حبابات ساعدتهن بالمطبخ بقينا نسولف ونضحك صبينا الغده رحنا تغدينا وما قبلوا اساعدهم بالمواعين ولا بالجاي ورا ما بابا وعمامي والشيخ و ولد عمامي شربوا الجاي دخلوا جوا سلمت على عمامي وكعدت يم ماما شوية وبابا ترخص من الشيخ ورحنا للبيت اني وبابا و ماما و اخواني و رحنا للبيت كل واحد راح لغرفتوا صاحني ياسر اخويه الجبير نمت يمه بقينا على نومه وحده للمغرب

كعدت وساعدت ماما بالعشه اخواني كعدتهم من كعدت لأن جانت الدنيا مغرب وموزين عليهم ينامون المغرب صحتهم تعشينا احنا وبابا وماما اني كعدت بصف ياسر يأكل وياكلني حيل تونست خلصت كمت غسلت و سويت الجاي خليته على الطباخ ورحت ساعدت ماما شلنا المواعين سووه صبيت الجاي و وديته على اخواني وبابا شربوه وراحوا يتعللون يم بيت عمي الشيخ أبو فهد رحت لزمت التلفون ضليت اتصفح بيه وضايجه بعدين بال12 نمت

ورا اسبوعين مرت عمي الشيخ مسويين عزيمه اتصلت على ماما وبلغتها انو نجي عليهم حتى نساعدهم لأن عزيمه جبيره عدهم ماما كالت

ام ياسر :- ام فهد تدللين خيه بس اشوف ابو ياسر واردلج خبر

راحت ماما اتصلت على بابا وبلغتها كال الها اي عادي روحن

راحت ماما اتصلت على عمه ام فهد كالت الها انو بابا قبل نجي كالت

أم فهد :- الشارع كله زلم هسه اشوف فهد يجي ياخذجن

ورا تقريبا عشر دقايق صار صوت هورن كدام الباب راحت ماما فتحته كالت يلا أجه فهد

جنت لابسه فستان اسود وبيه حزام ذهبي وشال اسود وبيه ذهبي وعبايه طلعت صعدت بالسياره من ورا و ماما من كدام كلت

ملاك :- السلام عليكم

فهد :- وعليكم السلام ورحمة الله وبركاته

لمن وصلنا سلمت وبلشت اساعد بالبنات وتفاجأة بسؤال رفل شنو رأيي تجاه فهد كلت شاب وحلو ورجولته مبينه عليه ورى ربع ساعه كالت هاذا آخر سؤال اذا مشينا عليج لفهد توافقين

فهد :- لمن وصلو بيت عمي من بغداد وشفت ملاكي اني قبل فترة عمتي شوفتني صورتها لملاك وكالت إذا تريدها حتى نخطبها الك وأحسن من انو تأخذ غريبه

اني الصراحه من شفت الصوره نعجبت بيها ولمن رجعوا للبصره خزرتها لأن غرت عليها شفتها شلون لزمت العبايه مالت امها بخوف هنا صدك ضحكتني دخلن جوه واحنا أخذنا عمي وفرحانين بيه للمضيف تغدينا وشربنا الجاي وراها أبويه الشيخ كال علمود ندخل جوه لأن ماكو احد غريب دخلنا جوه وشفت ملاكي سلمت على أبويه وباست ايده وراسه وعلى عمامي هم هيج وراحت كعدت شوية يم امها وراحوا لبيتهم

شكثر حاولت اشوفها وراها ما شفتها جانت تجي على رفل و رسل باللتعليله لو العصريه وهم ما اشوفها إلا أن ورا اسبوعين جنت بالديوان وعدنا عزيمه جبيره حيل اتصلت عليه امي كالت روح جيب ام ياسر وملاك من بيتهم اني حيل فرحت رحت شوية واجت هيه وامها سلمت وصعدت مدنكه واني الطريق كله اراقبها كلت خلي تمر فتره انوب واخطبها من عمي صار وقت الغده دخلت اني وإخواني و ولد عمي حتى ناخذ الأكل هيه جانت تساعد البنات بالمطبخ كلت الها

فهد :- ملاك بس عادي تصيحيلي امي وابقي يم امج علمود الولد

ملاك :- من كال فهد هيج ما اعترضت ورحت كعدت يم ماما ما صحت عمه لان اعرفها حجه حتى يطلعني بس ماكو احد غريب

.
.
.
.
يتبع

حبايبي ورى ثلاث ايام البارت الثالث لأن كملنا البيت وداي ننتقل انشاءالله بهاي الأيام اكتب الكم بارت أطول من هيج

باي حبايبي احبكم كلكم

ادري قصير بس والله مريضه وداي ننتقل بالكوه صار عندي مجال اكتب

657 عدد الكلمات