الحب الذي لا يفنى (بقلم ايه القيسي قصه حقيقيه)

part 3

السلام عليكم

هلو حبايبي مثل ما وعدتكم البارت الثالث وطويل وباجر انشاءالله  البارت الرابع

الحب الذي لا يفنى
بقلم ايه القيسي
القصه حقيقيه 100%
‏ليست كل امرأة يمكن استبدالها بأخرى ....؟
هناك إمرأة لو ضاعت منك وفرطت بها فلن تجد من يشبهها ،، سوف تمضي بقية حياتك تجمع بقايا صورتها من ألف إمرأة أخرى لكنك لن تتمكن من جمعها لتعوض غيابها.
#لـغصون
.
.
.
.
.
.
.

ملاك :- لمن وصلنا سلمت وبلشت اساعد بالبنات وتفاجأة بسؤال رفل شنو رأيي تجاه فهد كلت شاب وحلو ورجولته مبينه عليه ورى ربع ساعه كالت هاذا آخر سؤال شنو رأيج بفهد كزوج  اذا مشينا عليج لفهد توافقين صدمتني بسؤالها
كلت

ملاك :- انتي شبيج اليوم خاف شاربه شي شنو هاذا الكلام (ملاك هاي مثل من سويتيها بيه بنص الليل تذكرين😂😂)

رفل :- لتضوجين والنبي بس اتمناج ما تروحين لغير فهد مو بس اني اتمناج لفهد حتى أبويه و امي و رسل كلهه تريدج

ملاك :- رفل مو وكت هالحجي خلي نخلص

صحيح سكتنا بس ما انكر فرحت من كلتلي هيج وخلت فهد أبالي وضليت افكر بيه  هوه صح اني ما مفكره بيه بس من رفل كالت تذكرت نظراته و شكله الرجولي ضل أبالي ودائما عمتي ام فهد تلمح إليه
انها تريدني لفهد

ورى فتره واكفات بالمطبخ اني والبنات واجه فهد كال

فهد :- ها صار  الأكل إذا صار صبن

يحجي وعيونو عليه شوية وطلع بس هوه كلش هيبه وشخصية

صبينه واجو هوه و الولد حتى ياخذون الأكل بس هوه أجه قبلهم كال

فهد :-  ملاك بس عادي تصيحيلي امي وابقي يم امج علمود الولد

ملاك :- من كال فهد هيج ما اعترضت ورحت كعدت يم ماما ما صحت عمه لان اعرفها حجه حتى يطلعني بس ماكو احد غريب همه بس اخواني وإخوانه بس يلا
جنت عيني ما اشيلها من الكاع من يحاجوني لأن احسهم ينصحوني كمت صليت ورجعت يم ماما

خلصنا الغده وجابوا المواعين كملنا نصهن بس بالي مشوش اول مره هيج يصير وياي (طبعا اني من البنات يلي أفضل الزواج التقليدي وما ائامن بالزواج عن حب لأن احسه كله كذب ) خلصنا كلشي اني والبنات وصعدنا فوك نحجي شويه علما اروح وماما  و عمه جوه ضلن

ورى شوية واحنا كاعدات نحجي اندك الباب وطب فهد كال

فهد :- رسل حضريلي الحمام

رسل :- تمام فهد هسه احضره

فهد :- دزيت رسل علمود تحضرلي الحمام هاي حجه حتى بس احجي ويه ملاك  كلت

فهد :- ملاك عمتي تصيحج كلت هيج وجان تكوم
تريد تطلع صرت مقابيلها همست الها ... إذا كلتلج على الروحه ابقي وعود بالليل اني اوديج ويه البنات دنكت وكالت

ملاك :- ما ادري

ملاك :- كلت هيج وطلعت بسرعه بس اتمنى اموت من ورى الخجل حتى ما اعرف شنو احجي وياه
نزلت على ماما كالت

الأم :- يلا نروح

ملاك :- براحتج يلا

كلت هيج ونزلو فهد ورسل من فوك جانوا واكفين كالت رسل

رسل  :- عليج الله ابقي ضوجه وكلشي ما فتهمنا منج اليوم من جيتي بس نشتغل ضلي علمود نتونس سوى

ام ياسر :- تردين تبقين حتى اكول لأبوج

ملاك :- براحتج ماما

فهد :- خليها عمه بالليل انجيبها اني والبنات

ام ياسر :- لعد بس اكول لأبوج

اتصلت ب بابا كال عادي خلي تبقى راحت ماما ما جان اكو شغل المطبخ نضيف بس اكو ستكاين غسلتهن رفل خلينا رفل بالمطبخ تغسل الستكاين
خلصنا البيت اني و رسل

دخلنا للغرفة كلت لرسل انو ملابسي كلها تبللت اني ورسل تقريبا نفس الجسم نطتني دشداشه مارونيه وشال كريمي فهد راح يودي ماما للبيت وبابا وعمو طلعوا عدهم فصل يتأخرون و الولد بالمعمل خلصنا ورحنا كعدنا يم عمه و سوالف و نضحك وووو.....

يتبع

ها حبايبي شون البارت

ترى اني زعلانه ماكو تفاعل وحتى ملاك زعلانه عليكم سوو تاكات لأصدقائكم خلي يقرون القصه

وبس باي