هلو حبايبي شونكم شكرا على تفاعلكم الحلو واسفه على التأخير بس مو بيدي مجان عندي نت
الحب الذي لا يفنى ( هسه تكولون شنو معنى الاسم المعنى :- الحب يلي ما ينتهي ابدا طول العمر ) بقلم :- ايه القيسي القصه حقيقيه مرات أكرهك وأشتهي أشكيلك ، ومرات أشوفك غاثني وما أغثك أدعيلك .🖤
. . . . . .
ملاك :- دخلنا للغرفه كلت لرسل انو ملابسي كلها تبللت اني ورسل تقريبا نفس الجسم نطتني دشداشه مارونيه وشال كريمي فهد راح يودي ماما للبيت وبابا وعمو طلعوا عدهم فصل يتأخرون و الولد بالمعمل خلصنا ورحنا كعدنا يم عمه و سوالف و نضحك ورى شوية رفل كالت
ملاك بس سمعته كال الووو والله احس كلبي طفر من مكانه الله شاهد اول مره يصير بيه هيج بحياتي كلبي كام يدك عالسريع (طبعا حبيبتي هوه هاذا الحب حبيتيه يولي وعبرتي مرحلة الحب هم 😂)
فهد :- هسه شوية واجي اخذجن اني يم بيت عمي نص ساعه واني يمجن ماشي ما اتأخر
رسل :- ماشي ننتظرك
يلا كومن خلي نتحضر علما يجي فهد لا انتي متعرفينه شلون مينطي مجال لأحد علمود يتحضر
ملاك :- اني معندي شي مخلصه بس البس العبايه مالتي
رسل :- ماشي لعد اني بس ابدل وارجع
وحضرت كل وحده عبايتها حتى من يجي فهد مايمل من الانتظار
وصدك ورى نص ساعه أجه فهد كال
فهد :- يلا امشن مخلصات مو
وصاح على رفل ما اعرف شنو حجه وياها
فهد :- من كلت لملاك تبقى جان أبالي انو اعترفلها اليوم بس خايف ترفضني من دخلت للبيت شفتها كدامي وشلون طالعه تجنن ردت أخذها وانهزم بيها بس تمالكت نفسي وسكتت صحت على رفل وكلت
فهد :- رفل اريد اكلج شي بس ما اعرف شلون راح اكولج
رفل :- اي فهد احجي اسمعك
فهد :- رفل اني ... احب ملاك بس ما اعرف شلون اعترفلها بحبي الها
فهد :- وجعوي اريدج تروحين وتكليلها اني انو اني احبها وأريد اخطبها من عمي بس إلا اسمع موافقتها حتى من اطلبها من عمي اكون متأكد انها موافقه لأن اعرف عمي كبل راح يوافق بدون حتى ميسألها
رفل :- تدري هاذا احلى شي سمعته اليوم يياي راح تصير ملاك ويانه بنفس البيت
