الحب الذي لا يفنى (بقلم ايه القيسي قصه حقيقيه)

تكملة البارت الخامس //الحب الذي لا يفنى

السلام عليكم

شونكم مشتاقين اسفه على التأخير بس جنت ارتب الأحداث حتى ابلش كتابه براحتي

الحب الذي لا يفنى
تكملة البارت الخامس
القصه حقيقيه

.
.
.
.
.
.
.
.
ملاك :- كرصني من خدي وطلعت نزلت لكيت رفل كلت الها مراح اروح

رفل :- غمزت وكالت اكيد اخويا حبيبي قنعج ضحكت وضربتها خفيف ورحنا نساعد رسل بالعشا ونضحك ونسولف وفجأه دخلو بابا وعمو سلموو وكعدو بالاستقبال يم عمه سوينا العشا كملنا تعشينا بس عمو وبابا ما أكلوا لأن متعشين ورى العشا فهد كعد يم عمو ما اعرف شنو كاله بس شفت عمو فرحان حيل

ابو فهد :- خويه اريد اطلب منك طلب

ابو ياسر :- اي يخوي اطلب

ابو فهد :- خويه اريد اطلب ايد ملاك لفهد على سنة الله ورسوله

ابو ياسر :- اني رأيي كبع وأخذ بس لازم اشوفها هيه واخوانها

ابو فهد :- هههههه شوفها شون صارت حمره هاي موافقه

ملاك :- من كال هيج عمو من الخجل كمت رحت ركض للمطبخ

لكيت رفل تهز وتضحك من شافتني اجتي تركض حضنتني كالت

رفل :- ولج ملاك ما اصدك صرتي مرت اخويا

ملاك :- تسريع الأحداث شويه

رحنا للبيت وبابا أخذ موافقة اخواني وموافقتي بس جنت خجلانه حيل كوه كتله بكيفكم  (😂😂 ولج ملاك من شوكت هاي هيج خجلانه وخجلانه وانتي تحبيه وتموتين عليه 😂)

صارت المشيه وقروا الفاتحه و اليوم المهر يمنا العادات المهر يصير قبل الخطوبه بكم يوم

بيوم المهر جنت حيل متوتره

التمو يمنا عماتي وعمامي وعوائلهم واخير شي اجوي بيت عمو ابو فهد صارت كلها تركص وتهوس واني حيل متوتره رحت حفيت وجهي ورتبت حواجبي وحطيت مكياج ولبست البدلة يلي اشترالي اياها فهد حيل حلوه لونها ماروني كصيفه من فوك ومن جوه كلوش شويه وردانها ربع ردن حيل حلوه ولفيت الشال لفه تركيه تجنن

رجعت للبيت من اجوي بيت عمو ابو فهد جايبين الشيخ وياهم صاح ياسر

ياسر :- يمه حضريها لملاك علمود يعقدون

ملاك :- جتي ماما وكعدتني ورى الباب على الكرسي وبلش يقرأ الشيخ إلا أن كال

الشيخ :- بنتي كولي موافقه وانته وكيلي

ملاك :- كلتها وصارت الهلاهل وراه فهد هم ضل يعيد ورا الشيخ وانطه الموافقه

مدا اصدك اني صرت مرته لحبيبي هسه

مدخل فهد لأن حفلة مهر بس ورى مفضت شويه كعدنا بالاستقبال وحدنا بقى حاضني ويسولفلي عن عمتي شون مشوفته صورتي وانو من جنا صغار هوه يحبني واني هم حجيتله من تيروح حضني واني هم حضنته باسني من خدي وراسي وراح

جنت حيل فرحانه رحت سبحت طلعت مشطت شعري ولكحت نفسي على الجربايه وافكر واضحك ممصدكه ما اعرف شون غفيت كعدت على صوت التلفون رقم يتصل مرديت من فصل باوعت لكيت رسايل كومه من نفس الرقم على الواتساب

هلو حبي

شونج

ملاك وينج ردي اني فهد

اوهو ملاك وينج تعالي

اشتاقيتلج

احبج

وينج راح اجي اموتج ترى

ملاكي تعاي والله مشتاقلج

ومتصل 9 مرات جانت الدنيا ليل

سجلت الرقم فهودي

خابرت رفض ورجع اتصل كال حبيبي وين جنتي صار 3 ساعات اراسل ماكو اخابر متردين

ملاك :- جنت نايمه وهسه كعدت اسفه حبيبي قلقتك

فهد :- يروحلج فدوه حبيبج

بقينا نحجي شويه ونمت كعدت ب9 الصبح بعد 4 ايام الخطوبه لازم نطلع نجهز الها فهد هم كال من تخلصن الملابس نروح نشتري الذهب

ملاك :- رحنا وجهزنا كلشي وتمت الخطوبه وصارت تجنن وهسه اني كاعده لابسه بدله حمره نفش واليوم الحنه مالتي كلشي صار على السريع دخل فهد حناني وطلع بس مخلت طبته من الرومانسيه

شبعنا ركص بس بقيت خايفه من باجر ثاني يوم كعدتني ماما الصبح رحنا للصالون اني ورفل ورسل وساره بنت عمتي بلشت بيه ام الصالون من كملت كامت تصلي على محمد لبست البدلة واجه ياسر أخذنا رجعنا للبيت واجت الزفه جان كلشي حيل حلو والزفه مالتنا صارت تجننن  (صحيح أني شفتها بالمقطع تجنن)

وصلنا لبيتهم ذبحوا يم رجلي ودخلنا جوى شويه وطلع فهد ورى العشا كالو راح يزفونا دخلني البنات وعمه للغرفه شويه ودخل فهد

( وبس كافي طردونا من الغرفه كلنا)

يتبع....

ها شونه البارت حلو مو

أنطوني رأيكم بيه

607 كلمه أكثر من البارت القبله ب100 كلمه

     هاي تقريبا بيها شبه لملاك