السلام عليكم شونكم حبايبي قصه جديده حقيقيه والابطال موجودين ومتابعين القصه هنا وياكم وبعدين اكللكم شلون تعرفت على البطله
الحب الذي لا يفنى بقلم :- ايه القيسي الروايه حقيقيه
. . . . . . ملاك :- في احد مناطق البصره الجميله عام 2009 جنت كاعده اني و بابا و ماما طبعا اني عندي 4 اخوان و 6 عمام عمري جان 7 سنوات بابا جان مطلوب وانسجن آخر شي عمي الجبير المهيمن هوه الشيخ طلعه من السجن كله
المهيمن :- شيل لبغداد وبعد لا تجي للبصره فد مره لأن خطر على حياتك هنا
فعلا ثاني يوم مشينا لبغداد بس اني وبابا وماما اخواني بقوا بالبصرة علمود البيت واني اخذوني وياهم لأن جنت بعدني صغيره كلش اشترينا بيت وكعدنا بيه وبدت حياتي هناك سجلت بالمدرسه وصرت اداوم بالأول ابتدائي هسه تكولون عاشت ب بغداد ونست أصلها وعاداتهم وتقاليدهم لا بالعكس ما نسيت اصلي لأن بابا و ماما كولش حريصين عليه خلصت الابتدائيه وما رسبت اي سنه ورحت للمتوسطه ودرست زين وصرت متفوقه ورفعت رأس بابا وماما واخواني بعد سنوات لمن صرت بالخامس اعدادي طبعا اخواني كانوا كل كم يوم همه يمنه حيل اتونس من يجون وخصوصا معا اخويه الجبير ياسر كان لبسي مثل بنات البصره حسب العادات والتقاليد بالبيت دشداشه ومن اطلع فستان طويل وعبايه عمي الشيخ جان كل فتره يجي ويشوفنا وبيوم أجه عمي وكال لبابا
المهيمن :- يا أخي تعال ارجع لبيتك والله ما عليك شي
ملاك :- من فرحتي رحت ركض وبلشت أجمع بالغراض اني وماما وثاني يوم أجو اخواني وأخذوا الغراض وطلعنا احنا وغراضنا كلها للبصره وبعد طريق طويل وتعب وصلنا للبصره طبعا اني منطقتنا منسيتها ابد اذكرها ومابيها أحد غريب بس احنا وعمامي خاصه بينه هيه بيها بيت بصف بيت وعمامي كلمن بحيرته وحديقته وبستانه الخاص بيه حيل حلوه والمنظر جان كلش حلو من ناحيت الخضار و الجو والطبيعة ماكو احلى منه وصلنا لبيت عمي الشيخ لأن جان عازمنا اول شي من وصلنا شفت عمامي واكفين ومترأسهم عمي ابو فهد و ولده هم وياهم واكفين وكعت عيني على واحد حلو وضخم امبين من ولد عمي شو هاذا كبل خزرني ...
البطل
فهد :- مرحبا اني فهد طبعا عندي اخوان 2 و خوات 2 جان عمري 21 سنه لمن عمي ابو ياسر أخذ مرته وملاك وسافر لبغداد واستقر طبعا اني وياسر حيل اصدقاء اني طبعا جنت احبها لملاك بنت عمي هسه تكولون شلون حبيتها وهيه من جانت صغيره راحت لبغداد اني حبيتها من جانت صغيره وبيوم عمتي شوفتني صورة كالت شنو رأيك بملاك بنت عمك اني انصدمت بيها صايره تجنن ومن هذاك اليوم رجعت جددت حبها بقلبي من صار عمري 31 سنه اليوم عمي ابو ياسر راح يرجع للبصره بعد غياب عشر سنوات عنها حظرنا كلشي وابويه كلش فرحان لرجعته واكفين برى لمن أجو اول ما نزلت من السياره دحكت عليه اني كبل خزرتها لأن ما اتحمل احد يشوفها غيري جانت ملابسها مثل باقي البنات يلي بالبصرة تعجبت انها ما غيرت لبسها لابسه فستان و عليه عبايه دخلنا جوووه ووووووو.......
يتبع ..
السلام عليكم
هاي القصه الجديده طبعا التنزيل راح يكون يومين ويوم استراحه
تتوقعون فهد وملاك علاقتهم تتطور لو شنو يلي راح يصير
