أقدار

أقدار (الحلقة التالته عشر )

أقداار (الحلقة التالته عشر )
طبعاا هما ركبو
سامي : أقسم بالله مهبوول وميكساب عقل
الاء : اي من اول مااخشت حياته نجوى وتزوجهااوبدت تصارفاته مش مزبووطه وعبيطهه شوي
سامي : عبيطهه واجد مش شوي تي وربي حركاته حركاات مراهقين
ألاء: الحب ومايفعل يؤخيتي 🙅‍♀️🔥
سامي : اي صح يكفي ان بيمشي لبريطانياا
بعد ست سنواات
ألاء : اي صحح تعرف نتمنى انهم ميفترقووش بكل
سامي : انشالله بصرااحهه
الاء : اي اي خليناا نمشوو حتى إحني
.
.
.
.
وصلو لبريطانياا
🛩🛩
أول ماانزولوو
نجوى : وين بنمشوو تو
امير : للحووش طبعاا
نجوى : حووش
سالي : اي حووش
أمير : حوشناا
سالي : حوشناا اول مرةة نعرف ان عنا حوش هناا
امير : القصه كلهاا إن اني زمان كنت نقرا هناا ودرت حوش وقعدت هنا وبعد اتزوجت جيت هناا وحتى أمك حملت فيكك هناا
وبعد نولدتي وحصلتي الجنسية البريطانيه
امك سيبتناا ومشت
واني مقدرتش نتحمل ورديت لليبيا 💔🥺
وتو رديت لبريطاانياا مع عيلتي الحلوهه 💜
ههي تعالوو
ووقفو تاكسي وركبو
واول ماوصلوو
أمير : وحقاا نسيت نقوللكم
نجوى : شن ان عندكك حتى عيلهه هناا متلا
أمير : اي صح
سالي : وعيله تي كيف صاار
امير : تو تشوفوهمم أصبروو أنتم
امير : أمييي يا أمي وينكك
سالي : امي ع من تناادي يابابا
طلعت الحاجه من الحوش
الحاجه سكينه 🤶
أمير : أمي عااش من شاافكك ياغاليه
الحاجه سكينه : منوو أمير انشالله
أمير : اي اي يأمي أمير
وحضنااته وكأنها ام متوحشه ولدهاا😍
الحاجه سكينه: تي وينكك يااولدي ف حد يسيب أمه الفتره هذه كلهاا
أمير : والله سامحيني يأمي هذوين تشجعتت وجيت
الحاجه : ومنو هذيماا
أمير : هذه بنتي وهذه نجوى مرتي
الحاجه سكينه : اي خبرني عليهاا سامي
مشالله عليهاا تباركك الرحمن 😍😍
كنتي السمحهه
نجوى : أهلين امي
الحاجه سكينه : اهلين فيك ياابنيتي نورتوو حوشكم ههي تفضلوو
أمير : بويا وين مالا
الحاجه سكينه : طلع ايجيب ف حاجات نااقصه
تو شوي وايجي
وبعد شويه جي الحاااج خالد
وسلموو ع الحاج خالد
وتعشوو
وهدرزو وضحكوو
وجي وقت النوم 😴😴
وخشو لديارهم
امير مقعمز ع سرير
وجت نجوى بحداهه
😍🙏
أمير : أسئلي لو تبي تسألي شي
نجوى : لا وعلاش بنسإل عاادي ع رآحتكك يعني ....
أمير : من الاخير ونعااود نقولهلك أكتر من مرةة
أني كنت عباارة عن شخص كائيب ومعااش طمعتت ف اي شي ف هالحيااة غير ان نربي هالبنيه وبس
لان والله يلي مريت بيه كاان مش ساهل
نجوى : بهي شن صاار بالضبطك ؟؟
امير : أني جيت نقراا هناا طبعاا الكلام هذاا قبل عشر اسنين يمكن وبعد مقعدتت نقرا ف الجامعه
تعرفت ع "نرمين"
وطبعاا حبيتهاا ومقدرتش نوقف تفكير بيهاا
وع طول إعترفتلهاا وهياا كانت ليبيه
وجايه هناا مع بوهاا لان عنده عمل
وطبعاا بعد أربعه سنواات حب وعلاقهه قررت
نطلب يدهاا لزواجج 😍😍
وفعلا واافقتت وكاانت الدنياا مش سيعتني
ورجعناا لليبياا ودرناا عرسناا غادي
وبعد فترهه محبتش العيشه ف ليبياا ع خاطر تعودتت ع براا
ورديناا لبريطانيا
وبعدهاا بشهر او أقل حملتت
ومن هناا تبدأ الحيااه المأسويه 🥺🙏
نجوى: وعليييش؟؟
أمير : والله علمي علمكك
وطبعاا أني كنت نسكن هناا معاه أمي سكينه
والله والله العائلة هذه من يووم تلاقيت معااه وهماا يعاملو فياا معاملة الاهل لولدهم
وبرضوو نرمين فترةة حملهاا معااش احترمتني أني ولا النااس يلي عايش معاهم
نجوى : هماا كيف تعرفت عليههم
أمير : منوو قصدكك أمي سكينه والحاج خالد
نجوى : اي
أمير : هاذم تعرفت عليه من لماا كنت نقراا ف الجامعه كان الحاج خالد عند ولد وهو يعيش معاهم وبعد اتزوجج قرر ينفصل عليهم ومعااش اهتم بيهم وأني وقتهاا كنت مستفقداهلي ورأفت بحاالتهم وقتلهم أني حوشي كبير ومتأكد ان يكفيناا كلناا
فلماا قتلهم كان معندهمش مانع
والحاج خالد كان يخدم ف الجامعه يلي نقرا فيهاا
نجوى : اي اي صحح ومن حتى تعوضهم ع ولدهم يلي مشي وسيبهم
امير : اي اي وحتى هماا قعدوو يقولولي هكي
وبعد هاا زاادت الحاله عند نرمين
ومعااش تقبلت حد فينااا
وقعدت تصاارفاتهم غريبه
أني بصرااحهه تعاملت مع الموضوع بكاامل هدوء وقعدتت نقول هذه أكيده من تاتير الحمل
ومن حبي ليهاا كنت مش قاادر نسمع اي كلمه ضدهاا يعني ديمه نحط لنااس مبرراات
وطبعاا تسعة شهوور ماافاتو لبعد وين وين
ويوم يلي ولدت فيه سالي
يوم كامل واحني ف المستشفى مبتش اتشدهاا ولا حتى اتشوفهاا وأول مروحناا للحوش
نضت الصبح ملقيتهااش قااعده
ولقيت أمي سكينه براا طاايحهه
وأني أعصاابي متوترةة ومش فااهم شي
واول مااناضت الحاجه سكينه قتلي
.
.

قبل ست سنواات😴
الحاجه سكينه : والله ياولدي اني نضتت مع الساعه أربعه إلا ربع
ولقيتهاا تلم ف دبشهاا وطالعه
واول ماقعدت ندويلهاا وهياا متردش علياا
قعد ف جرتهاا نجري لين طحت ع الدروج
وبعدين معااش نذكر اي شي لحد تو
.
.
وتواا (ف الوقت الحااضر )
أمير : من كتر الصدمه معااش قدرت نقعد هناا
وسافرت لليبياا وخشيت ف حاله إكتئاب ومقدرش حد يطلعني منهاا
إلا لماا جيتني إنتي وكبعاا حياتي نقلبت 360°
نجوى : 😍
امير : وحبيتكك وبصرااحه صح حبيت نرمين
بس صدقيني الحب يلي ف قلبي ليكك أكبر من الحب يلي كااين ليهاا
نجوى : بهي لو شفتهااا من جديد ممكن انك ترد تحبهاا
أمير : القلب لماا يعتاد ع فرااقك معاااش ايحس
نجوى : بس الحب الاول ديمه يأتر فيناا
وطبعاا بما إنكك حكيتلي قصتكك
اليووم حتى اني بنقوولكك قصتي 😓
كان ف شاب فحيااتي
اسمه (جلال)
كان قريبي من جهة أهل أمي
كنت نحبه من حد كنت صغيره وبعد كبرناا
قررت أمه تزوجه من وحده تانيه
وهوا قبل وفات كل الحب يلي كااين بيناا
ومن وقتهاا ان فقدت تقتي ف الحب
وقررت معااش نبي نتزووج ونركز ع شغلي بس
وطبعاا اقتنعت بكلام سامي لياا
ووجعتني سالي
بس بألاكتر حبيت شخصيتكك واجد
وطبعاا كله كوم وانكم جيتوو بعد دعاء
أمير :" دعاء " شن
نجوى : ف يوم عيد ميلاد سالي
واني مشيت لسوق وشبحهه تحفه عجبتني
فقررت ناخدها البنت خوياا
فسألتني عجوز
عجوز : بتااخديها لبنيتك
نجوى : ولا الله مش متجوزةة ياخويله
عجوز : انشالله ربي يرزقكك براجل يحبكك ويصونك وبنيه عسل تحبيهاا وتحبك
نجوى : انشالله😍❣
نجوى : وبعد ربط المواضيع ف بعض حسيت ان ربي غيرلي قدري وبعتلي انت وسالي
راجلي وبنتي ❣
امير : 🥺❣
........يتبع
✍نجيةة عادل
نحبككم💜