أقدار

أقدار (الحلقة الخامسه عشر والاخيرهه)

أقدار (الحلقة الخامسة عشر والأخيرةة 🥺🍂)
وطبعاا نجوى قاعده ف حوش خوهاا
ومحدش يعرف وين هياا
وتعالو نشووفو الوضع عند أمير وحوشه
طبعاا نرمين كل يوم طلعه مش مهتمه بأي حد
تمشي وتطلع وحتى جاابت خدامه معاهاا ف الحوش
أمير : كل مكان يذكر بنجوى وين مااايمشي وين مااياكل
وكل شي يذكرهه بيهاا
بس هوا قاعد يقاوم بس ع خاطر سالي
وطبعاا متريحش لعند عرف مكانها ورقم تليفونهاا وهو يسإل عليهاا ف المستشفى وبعد عرف عليها كل شي
وسالي
ميعلم عليهاا حد أمير دماغه مش معاه
وميعلم ع روحه شن إدير
وأمهاا (نرمين ) مش فاضيتلهاا فاضيه بس لطلوعهاا ولبسهاا وصحباتهااا
المهم شن صار
خش الشغاله (أسماء )
لدار سالي لقتهاا مقعمزةة ع سريرهاا وتعيط
أسماء : شن في يااسمحهه ؟؟
سالي : نبي ماما
أسماء : حبيبتي ماما طلعتت هيا وصاحبتهاا شوي وتجي بهي خيركك إنتي تبي شي
سالي : لا هذه مش ماما أني نبي ماما نجوى
بس ماما هذه منبيهااش
أسماء : شني ؟؟ ماما هذه وماما نجوى ومتبيش هذه أني مفهتش شي راه
سالي : أني نبي ماما ؟؟😭😭
أسماء : بهي وين نلقاهاا ماما ولو ماما نجوى
هذه منو مالا
سالي : كلمي عمو سامي تو إيجيبهاا
أسماء : وين نلقااه عمك سامي
سالي : كلميه بالتليفون
أسماء : مش معمديش رقمه
سالي : راجي مكتوب رقمه ف الكراسه يلي بحداا التليفون (المفكرةة متاع التليفون )
أسماء : خلاص ياماما انتي معاش تعيطي واني تو نمشي نكلم عمك سامي
سالي : بهي هييا كلميه
أسماء : حاضر ههي
ومشت أسماء للمفكرةة
قعدتت إدور ولقاته أول رقم مكتوب
خدت التليفون وتصلت بسامي
أسماء تصلت بسامي
أسماء : آلو السلام عليكم
سامي : وعليكم السلام نعم وخيتي
أسماء : معايا الاستاذ سامي صحح
سامي : اي تفضلي
أسماء : شن بنقولك ياخوي أني نخدم ف حوش الاستاذ أمير
سامي : أمير خويا
أسماء : اي ع مأظن عنده بنيه إسمهاا سالي
سامي : اي اي خيرهه صاير شي ولا شنو
أسماء : لاوالله بس تبي الحق يااخوي البنيه مفيش حد مهتم بيهاا راه وديمه ف دارهاا وتبكي صح أني مدخلنيش ف الاخير هذه بنتهم ولكن حبيت نساعدهاا وهياا طلبت مني نكلمك ع خاطر تجيب معاك أمهاا نجوى
سامي : لا حول ولا قوة إلا بالله، أمير وين بهي
أسماء : والله ياخوي معاش نشوف فيه ف الحوش شكله يبات برا
سامي : بهي به تماام وخيتي تو نتصرف أني ولا يههمكك
أسماء : خلاص تمام
سامي : بارك الله فيك
أسماء : لا ولايهمك البركه ف الجميع
__________________________________
سامي : والله معااش فيهاا راه تو اني نتصرف ولي يصير إيصير
سامي مشي للمستشفى ولقي الممرضه ذكرتوهاا صح
نفسهاا يلي صاحبةة نجوى
وجاهاا سامي
الممرضهه عرفااته
الممرضه : تعرف كنت ندور عليك بهي يلي جييت
سامي : شن في انشالله خير
الممرضه : تعال شووف نجوى شن قعد ادير فرووحهاا
سامي : شن قوولي بالله علييك
الممرضه : اول حاجه نجوى حامل
سامي : حامل ؟؟
الممرضهه : اي أول امس داارت تحليل وطلعت حامل ليهاا شهر
سامي : اي به
الممرضه : وقتلهاا خبري زووجي وأهل زوجك المفرووض يعرفوو
سامي : اي صحح ف الاخير هذاا الطفل لينا وإحني أهله
الممرضه : اي هكي قتلهاا أني بس هياا شن قتلي
سامي : اي شن قتلك
الممرضه : قتلي لو جيت بيقعد ف توتر ف الحووش من ناحيهه الكل فلهذاا بنقعد ف حووش خوياا وبعدين بنسافر أني وأمي لبريطانياا
سامي : اقسم بالله شي عااار بهي وين نلقااه تو أني
الممرضهه : مع إنهاا حلفتني ولكن بنقولكك ع خاطر مصلحتهاا
سامي : اي اي به
الممرضه : ف حووش خوهاا
وهاات تو نكتبلكك العنوان بالضبط ف ورقهه
سامي : ههي
خدي سامي الورقه ومشاالهاا
وهو ف الطرييق
شن فكر
طبعاا سامي جااته فكرهه خطيرهه
خدي التليفوون وبعت رساله لي
نرمين وقاللهاا تعالي للمستشفى سالي مريضه
وبعت للأء جيب سالي للمستشفى
وقال لأمير تعال نجوى مريضه ف المستشفى
وهواا مشي لحووش خوهاا
ودق الباب فتحت بنت خوهاا
البنوتهه : نعم من تبي عموو
سامي : نادي عمتو نجوى يااسمحهه
البنوته : ههي هي
البنوته جت لنجوى
ياعمتو تعالي ف وحدين يبووك
لبست نجوى وطلعت
نجوى : منوو سامي
سامي : فييسع تعالي
نجوى : شن في
سامي : تي سالي مريضههه
نجوى : اهاااا خيرهااا بنتي شن فيهاا
سامي : تي تعااالي قتلكك
ومشت نجوى وهياا خاايفه
ركبت فسياارةة هيا وسامي
ومشوو
للمستشفى
وأول مااوصلو نجوى كانت متوترةة وعيونهاا يدمعوو وحالتهاا حاله
وقعدوو يمشوو فالكرادوري
وشبحت ألاء وامير وسالي مقمعزين ع كرااسي الانتظاار
نجوى : سااااالي
سالي : ماااااااماااااا🤤
وحضنوو بعض 😘😘
سالي : ماما اول ماعرفت انك مريضهه جيت طوول
امير جي لنجوى وقعد شاد إيديهاا
أمير : شن فييك قوليلي شن صاار معااك
نجوى : اني شن فياا مفياا شي أني جيت هناا ع خاطر سالي مريضه
أمير شبح لسامي
أمير : والله مااحد مريض هناا غير سامي ولا شنوو
سامي : معليش رااه أسف
جاته نجوى وضربته ع كتفه
نجوى : معقووله تفااول ع بنتي حاجه شينه زي هذهه
سامي : خليني نوريلكم حاجهه
شد تليفونه ورالهم رساله بعتهاا لي نرمين
ورادةةعليه وقتله
تو نبعت أسماء تشوفهاا اني عندي طلعهه ضروريه
ونجوى جت تجري هنااا
سامي : من الاخير نجوى انتي تعني هلباا للحوش وصرااحهه تضحيتك كاهاا مشت ع فااضي سالي اين خبرتني عليهاا الخدامه إن ليهاا فترهه محد يعلم عليهاا
وامير حتى لشغل ميجييش وصرااحه مش نرمين يلي تستااهل فرصه تانيه
لان اني اكتر واحد نعلم هياا شن وشن جاايهه تي بالاعلامهه قتلي اني جاايه هناا لان ف بريطانياا معااش ف حد يصرف عليهاا
وهياا من يوومهااا تستغل ف طيبتك وحبك ليهاا يأمير
وطبعاا احني خليناهاا تستغلناا زيااده بحركهه ان نجوى تسيب الحووش
وبعدين مش انتي حامل ليش اضحي حتى بولدكم
امير : حااااامل 😘😘😘
جت أسماء
أسماء : أستاذ أمير أني معااش فهمتت شي ف ام يقولوهاا بنتك مريضهه وتساافر
نجوى : تسافر
أسماء : اي خشت فالحووش هياا ومعاه واحد خديت دبشهاا وقتلي أمشي للمستشفى قالو سالي مريضه شوفيهاا
سامي : وربي قتلكم مااافيش منهاا أمل هالابنى أدمه 🤦‍♀️🤦‍♀️
امير من الفرحهه مركزش ع الموضوع ومن ساافر ولا مساافرش مركز بس ع يلي سمعه
🤤🤤
أمير جي لنجوى وهو واقف حداه
أمير : حامل 🤤
نجوى: اي 😘
أمير حضنهاا بالقوهه 🤤🤤🤤
.
.
بعد مرور تسعه شهور
ف الصبح
سالي : ماما يااااماما
نجوى : نعم يااغلاتي
سالي : مش ديمه تقوليلي ان اي شي نبيه ندعي لربي ان يعطيهولي
نجوى : اي يااسالو اي حاجه نبووهاا نطلبووهاا من ربي
سالي : خلاص اني ندعي لربي انك تجيبي بنيه بااش اتكون أختي الصغيرهه
نجوى : 🤤🤤😂😂
وبعد سااعات خشت نجوى لغرفة الولادهه
والكل متوتر ويراااجوو فيهااا
طلعتت الممرضه
ألف مبررووووك الام بخير والوليد كويس
ساامي : الف مبرررك ياابروو وحصلناا وليد جديد
سالي : قلتي ولد 🤦‍♀️🤦‍♀️😭😭
الاء : ههههه وخيره يااسالو المهم ماما نااضت صحيحه
سالي : نبي مامااا أني
خشوو كلهم لنجوى
سامي : الحمدلله ع سلامهه يتربي ف عزكم انشالله
نجوى : سلمكك يارب
ألاء : الف مبرركك ويتربى ف دلالكم
نجوى : نشووفه عندكم ياارب وخير ساالو حامقهه
سالي : ياماما مااهو جي ولد ، مع ان دعيت لربي 🤦‍♀️ان اتجي بنت
نجوى : ف حاجهه بنقوللهلك يااسالو ونبيك تفهميها من تو
ان لماا تحبي شي وتدعي ربي ،وربي ميستجيبش ليك أعرف ان ربي حيجيبلك شي أحلى منهاا
متلا زي الولييد تو اكيدهه ربي بتلك الولد ع خاطر لماا يكبر يقعد مع بابا وأنتي تقعدي معايا
مشصح
سالي : اي اي صح 🤤🤤
سامي : شن بتسموو البطل
سالي : بابا عادي نسموه" عمر "
امير : ليش عمر
سالي : نحضرو اني وماما ف مسلسل والبطل إسمهه عمر 🤤🤤🤦‍♀️
سامي : 😂😂😂😂
نجوى : 🤦‍♀️😂😂🤤
أمير : البطل صار 🤤🤤😂🤦‍♀️
النهاية ....
___________________________________وهكي اتكون تمت قصةة أمير ونجوى
وانشالله تكون عجبتكم وتعلمتوو منهاا
اول حاجهه واهم حاجه الدعاد يغير الأقدار
ومتعلمش ربي شن يرزقكك وشن كاتبلكك
والحب يجي يجي للإنسان والحب ماليشي اي قااعده الحب لما ايجي للإنسان ايجي ع هيئةة فرح وسعاادهه للإنسان ويخلي حيااته أحلى
وطبعاا امتى تقول الدنيا متوقفش ع حد لماا تتلاقى مع الشخص يلي يعلمك الشي هذاا
ومش كل إنسان يستااهل فرصه تانيهه
وديمه خلييك واعي ونااضج ومحد يضحك عليك
والحب 🔥
تضحيةة وفرح وسعادهه وإهتماام
وكل إنسان يحب صح بس كل واحد يحب بطريقته
وف حاجه انحب نقولهاا
أني نحبككم كلكم نفر نفر
وأحلى متاابعين وأحلى من يتابعني
إستنووني ف رواايتي الجديده
(حب هذا أم مجزرةة )
نحبكككم💜
مع تحيااتي
✍نجيةة عادل أبورويص
نتمنى تكتبولي رآيكم ف الكومنت 🌚🔥