أقدار

أقدار ( الحلقةة الرابعةة عشر )

أقدار (الحلقة الرابعة عشر )
طبعاا ف سرعة مافاتت المدةة يلي فبريطانيا
وكانت أحلى فترهه تمر علي
سالي 😘
وأمير ونجوى 😘🤤
وكان ربي غير أقدارهم بعد فقدو كل أمالهم بالحب والزواج والعلاقاات وإلخ ...
وإنتم لانكم تبعتو القصه فلهذاا عارفين كل شي
بس المشكله يااهل بتبقى السعاده نهاايةة قصتهم
او بصير شي يخليهم يفترقو 🤦‍♀️🥺
......... هذا كله بتعرفوه لو كملتو قرايةة الروايه للأخير
ههي تعالوو مع بعض نعرفو شن بصير
🙏🌚
طبعاا زي ماعرفتو ان سفرتهم كملت
وقررو يروحو لليبياا
واول مااوصلوو للمطار
نجوى : اخخخخ قديش توحشتكك ياابلادي
سالي : اي روحنا بس ياريت مروحناش يابابا
نجوى : وعليش ياايبنتي
سالي : لان غادي حصلنا جو أكتر ومحلاناا غادي
نجوى : 😂🤤
امير : بس وعد يبنتي إن حتى هناا بنحصلوو جو بااهي هكي
سالي : وعد يابابا
أمير : وعد ...؟؟
سالي : اي وعد ان لا انت ولا ماما تمشو وتخلوني ونقعد مع بعض
نجوى : يااروحي وحضنت سالي ومن بالك بنسيبكك أني
🤤🥺
امير : هي أوعدوو بعض ف الحووش خليناا نروحو تو 😂😂🌚
سالي : بهي امتى بنعطو الهدايا لعمو سامي وألاء
امير : كلمتهم قالو اليوم تريحوو وبكرى نتلاقوو
نجوى : اخساره يااريتهم جوه والله توحشنااهم
امير : مش مشكله نشووفوهم بكرى
نجوى : اي اي بس أني تو نكلمهم ونقوللهم ايجو غدوةة من الصبحح يفطروو بحدااناا
أمير : خلاص إعزميهم بمإن غدوةة عطلهه مفيش دوام نكسدو مع بعضناا
نجوى : خلاص بهي انشالله تو نقوللهم
أمير : اي اي
.
.
طبعاا ركبو ف السيارهه
ومشوو للحوش
واول ماوصلو قعدو
يرتبو ف الحوش وينظفو فيه وبعد كملوو
خش أمير يدوش 🧖‍♂️
وسالي تتفرج ع تلفزيون 🖥
ونجوى قاعده ف المطبخ
دق الباب
سالي : ماما نفتح الباب
نجوى مسمعتهااش
مشت سالي تفتح ف الباب
سالي فتح الباب
سالي : منو انتي
المفاجأ او صدمه هياا مش مفاجأ
كانت ع باب ....
نرمين 🥵🥶
نرمين من كتر صدمتهاا ف بنتهاا يلي من يوم ولادتتهاا مشاافتهااكيف كبرتت ونسخةة بوهاا
ونرمين مقالتش حتى حاجهه وقعدت ساكته
لين سمعت
سالي : منو انتي ياااماما ف مراءه جت تعاالي شوفيهاا
نرمين : م مما...مام..ماما ؟؟
جت نجوى
نجوى : شن ف يابنتي من يلي جي
سالي : منعرفهااش اني ياماما وهي ساكته 🤔
نجوى : اهلين من حضرتكك
نرمين : وين أمير قولولي وين أمير فيسع
سالي : بابا ...؟؟
نجوى : لو سمحتي ليش تعيطي وشن تبي ف زوجي
نرمين : وين أمير
ودفت نجوى وخشت للحوش
وجي أمير
أمير نصدم
مصدقش
يحسااب رووحه يحلم
مفهمش شي
قعد وااقف ومش عاارف شن يقول
نرمين : هذه أخرتهااايأمير ....قولي
نجوى : أمير منو هذه 😵
نرمين : قوللهاا من اني كاانك فالح أني مرته وأمه بنته يلي حضرتكك واخده مكانهاا تو
نجوى : 🥵
نرمين : قولي هذه أخرتهاا يأمير تجيب عقااب وحده زي هذه وتعطيهاا مكاني
أمير : لا لا إياااك تم إياك تغلطي ف مرتي تفهمي ونتصرفك معااك بطريقتي وتو سلم بنتي إمشي
لان أني عاايش مع عيلتي ومنبيش مشااكل رااه
وإنتي تو عبارة عن ماضي وماضي أسود معاهاا
يعمي لمي رووحك وأطلعي
نرمين : ومن إنت ع خاطر تطردني براا الحوش
أني مزلت مرتكك يافالح لو تذكر وأني ام بنتك لو تبي أو متبيش هذه الحقيقه ومفيش حد يقدر يغيرهاا
سالي : لا انتي مش ماما ماما نجوى بس
نرمين جت لسالي
نرمين : لا متقوليش هكي اني مامتكك ياابنتي
سالي شدت ف قفطان نجوى
سالي : لا حااولي من احدايا منبيكش
نرمين : اه 🤦‍♀️😵
نرمين شدت نجوى من يدهاا بقوةةة
نرمين : كل ماانك يااحقيرهه خليتي بنتي تكرهني
نجوى : 🥺
جي أمير لنرمين
وضربهاا كفف
نجوى : لا للللللا يأمير مش هكي 🥺✋
وشدت أمير
أمير : قتلكك أطلعي ولا ههي بري درقي وجههك أطلعييييي
نجوى دخلت أمير لداار
وجابتله طااسه ميه
نجوى : مفيش شي ينحل بالعراك والهرجه يأمير
امير : شن عندهاا جاايه بعد ست سنين
شن تبي منهاا
نجوى : أمير هديي بالله عليك نتفااهم كل شي قلته بس متقدرش تنفي انهاا مزالت مرتكك وعندهاا حق عليييك
وهيا ام سالي مهماا صار
امير أعصابه متوترةة مشعاارف ميدير
يعني ف موقف لا يحسد عليه
المهم طلعت نجوى من الدار وأمير قاعد فيهاا
أول ماطلعت
جتها نرمين
نجوى : صدقيني أني معنديش نيه عليك وآصلا مش قاصده إن نسرق منك اي شي
نرمين : بهي إمشي روحي
نجوى : نعم ..
نرمين : اي اي روحي لحوشكم هذاا حوشي أني وأمير راجلي أني وبرضو سالي بنتي أني
يعني انت هناا بصفتك شن قولي
نجوى : نسإلك سؤال ليش جيتي بعد سته سنين شن خطر عليك عيلتك يعد هجرتيهم
نرمين : قصدكك تحققي معايا انتي ، اسمعي يابنت الحلال اليوم أمير حامق مني ومتعصب بس مع الايام حيرد يحبني ويتقبلني زي قبل وأحسن وكأنك ع سالي ف الأخير أمي أمهاا واكيده حتحن لياا وتحبني يعني إنتي ليش حتقعد هناا بالله علييك إمشي بكراامتكك أحسن ليك طبعاا
نجوى تأترت بكلام لدرجةة معاش قدرتت تتحمل وخشت لداارهاا وقعدت تفكر ف الكلام يلي سمعاته من نرمين
وف الليل
نجوى مشت لنرمين ودقت ع باب دارهاا
نرمين فتحتلهاا الباب
نرمين : انشالله خير ولابسه
نجوى : اي أني من مبدري بنمشي غير راجيت لعند ماتعشو أمير وسالي ورقدو
نرمين : كتر الله خيركك يااودي بهي وبعدين
نجوى : بعد فكرت بكلامك عرفت أني معاك حق
وقررت نمشي بس تعرفي اني بنمشي لحوش خويا لان أمير ميعرفاش لاني لو مشيت لأهلي بكرى امير حيجيني غاادي
نرمين : ع أساس حيهبلوو بعد تمشي بالله عليك سلم ؤخيتي إمشي راك جبتيلي الحموضهه شن هذاا يااربي
نجوى : خلاص بنمشي سلام تو وبالله عليك ردو بالك منهم بالله عللللليك🙏🥺 ونسيت نقولكك
متخليش حاجتين ف الحوش يلي هماا الموز
والفطر
لان سالي عندهاا حساسيه منهم
نرمين : بهي به هياا أمشي
نجوى : خلاص
نجوى طلعت من الحوش
ولقت خوهاا يراجي فيهاا بسيارةة
ركبت السياره ودمعتهاا ع خدهاا
ف الصبح
أمير مناضش لان تعود ع نجوى تنوضه من النوم
أمير أول مانااض وفتح عيونه
ملقااش نجوى إحداه
أمير شد التليفون ولقاهاا سااعهه 9:20
أمير : وووه قديش فات من الوقت
أكيده لان عطله مزال منوضتنااش
نزل أمير ويناادي
أمير : نجوووى سااالي وييينكم وخش للمطبخ وملقااش حد
نجووووى
نجوووى وييييينكك تي وووينكك سالي
نرمين : مشت
امير : شنو ...
نرمين : روحت لحووش هلهاا
أمير : شن تخرطي إنت
نرمين : الموضووع واضح قتلتت مشتت مشتت روحتت خلاص معاش ف فحياتك غيري أني وبنتي
أمير دفهاا
أمير : تي إقلبي وجهههك
ونرمين خشت لدارها ولا ع بالهااا ولا كأن صاير شي
دقق الباب
أمير : نجووى
ومشي يفتح ف الباب
ولقاهم ألاء وسامي
سامي : تراا حااول وينهاا وينهاا
ألاء حضنت أمير
وسمعت نرمين صوت سامي
نرمين : اه سلفي جي هناا
حطت الوشااح ع راسهاا وطلعت
نرمين : يااهلا بسلفي الصغير لييكم وحشه
سامي : خيركك جيتي
نرمين : هذاا ترحيبي ياسامي
سامي : تي اي ترحيب شن تقولي إنتي
تي أني بنلزكك راه تي ولا تحلمي تقعد ف الحوش هنااا
نرمين : ومن إنت ع خاطر تمنعني نقعد فحوشي
سامي : حووشكك هجرتيه من سته سنين
وتوا هذا حوش نجوى يلااا سلم بنتي لمي روووحك وأطلعي والله مااهو مكاانك
سالي نزلت
وقعدت تشبح
وهياا مصدوومه
وبدت تعيط
سالي : وين ماما يابابا
سامي : سالي جيتي
أمير طبعاا شاد روحه قدام سالي
سالي : وييييييين ماااما وينهااا
جاهاا سامي
وقعد يسكتت فيها
أمير : كيف عرفتو إنتم
ألاء : خبرتنااا نجوى
امير : خبرتكم
ألاء : اي إتصلت فيناا اليووم الصبح مع الساعه تماانيه
أمير : وشن قالتلكم
ألاء : .......
قبل ساعه🕗
نجوى تتصل بألاء
نجوى بصووت حزين
نجوى : آلو 🥺
ألاء : يااهلا بالغواالي
نجوى : صباح الخير 🥺
ألاء : صباح النور خيركم صااير شي حسيت صووتك فيه شي غريب
نجوى: 🥺🥺
ألاء : قوولي شن فيه وربي شغلتيني
نجوى : أني سيبت الحوش ومشيت
ألاء : شنوو سيبتي الححووش
نجوى : إصبري شوي خليني نفهمكك
الاء : ههي شن قولي
نجوى : أمس جت نرمين للحوش وقعدتت تقولي ف حاجات وأني قتنعت بيهم
الاء : أخخخخ ياربي 🤦‍♀️🤦‍♀️
شن جاابهاا عطتهااا دي انشالله
نجوى : المهم أني لو قعدتت حنكون بنيت فرحتي ع تعاست حد تاني
ومتندريش مرات تكون تستحق فرصهه تانيه ولو أني قعدتت رسمي لا أمير ولا سالي حيعطوهاا فرصهه تانيه تصلح من روحهاا
الشي الوحيد يلي نبيه منك
إنك تكلمي أمير وتقوليله أني مش فالحووش يعني متعبش رووحك ودور عليااا ولو حبيتني أو ف يوم كانت معزةة بيناتناا تقبل نرمين وأعطيهاا فرصهه تصلح من روحهااا
وأني بإذن الله حندعيلهم ان يعيشو بخير وسعاادهه وهذا كله حتى ع خاطر سالي صح هياا مش بنتي بس والله شاهد ان نحبهاا زي بنتي وأعز سادهاا فعمرهاا هذاا وقاعده تعيش ف هالتوتر هذاا وطبعاا التوتر يلي هياا عاايشته
أني متأكده ان حيخف لما اني نمشي صح يمكن تتأتر بفقداني بس أكيده حترد طبيعيه لما بوها وامهاا مع بعض 🥺🙏🍂
الاء : وانتي
نجوى : ليااا ربي
ألاء : غير أسمعي ....
نجوى : سلام
وصكرت نجوى
(ف الوقت الحاضر )
ألاء : وبعد صكرتت عودت عليهاا أكتر من مرةة
شكلهاا قفلت التليفون
أمير : شن يعني توو
سامي : ضروري نلزوهاا هالبلي من هناا ونجيبو نجوى هناا
الاء : غير أسمع رااهوو ضروري تبرق ف هالبنيه المسكينه قصدي شن هذاا عمرهاا سته سنين وهياا قاعدهه تمر بهذا كله أرحموهاا
سامي : تي شن تقولي انتي ....
أمير : لشن تبي توصلي يألاء
ألاء : نعرف ان الشي يلي بنقولهلك صعب بس لو تجي تفكر حتى لو شوي تلقى إن نجوى رغم من انهاا مش أمهاا بس فكرت فيهاا وحطيتهاا قدامهاا ورحمت بيها
واحني هلهاا مش معبرينهاا
امير عداا وسيبهمم 🥺
سامي مشي لنرمين
سامي : أسمعي او تبي حقكك تو نعطيهولكك
المهم إقلبي وجههك
نرمين : أسمع بماا إنك تعرف عليااا كل شي
واني منبيش نفلم عليك أكتر اني فكرت وقلت لو أني خديت حقي من أمير أكيده شوي ويتمو صح بس لو قعدت مرته فهو مجبوور يصرف عليااا ديمه
سامي : اني نعرف انك وحدهه حقيرهه بس مكنتش نتوقعكك بالحقاره هذه صرااحهه طلعتي أحقر من توقعاتي ، من يومك وانت تستغلي ف طيبةة خوياا بس وربي حرآم عليييك الشي يلي إديري فيه
.............يتبع
للحلقة الخامسةة عشر والأخيرهه
✍نجيةة عادل
انحبككم💜