اولاد جهنم 🔥 (مكتمله )

الحلقه (2) 🔥

#اولاد_جهنم (2)🔥

( توضيح كيكاتي ، بما انه الاغلب تلخبطو في العيلة  ، القبيلة اسمها اولاد المختار ، والعيلتين المطيري والرايس من نفس القبيلة ولكن من المشاكل والقتل والي صار صار تفرعو والي هذا كبر عيلته بروحه ، شهاب وامير خوت من المطيري ، وتيم من الرايس راشد وجلال جده وبوه ، اما نيروز صح من الرايس بس بروحهم وعلى حالهم خاطي العداوة القبليه كانت زيهم ، وان شاء الله فهمتو ♥️ )

في الصبح ...

مقعمز ويتفرج على التلفزيون وشـااد دخاانـه  ...
الاخبار  :- كانت كلها اليوم مشغوله بخبر واحد بس وهو ....  عـااجـل تم القبـض على امير المطيري احد اكبر رئيس للمافيات والاعمال الغير قانونيه 🔥....
امير :- يشبح بهزوه ... طفى السبسي ونااض  ... قاطعه صوت...
.... :- يلا كلكم وقت الاكل ...
امير :- طلع وتصرف عادي ... مش نفس ما متعود 🔥  ، بس نظرات الكل كانت استغراب وخوف ...

امير المطيري هنـي ؟
مستحيل في شي غلـط ....
كل التساؤلات نفسها تدور في بال المساجين ... مايندروش على الهدف مزااال 🔥 ....

........

نيروز :- كنـت راقـده ، نضت على صوت عياااط ... اول ماطلعت شفت  قدامـي دم متناثـر في كل مكـان💔 ... راسهـاا جسمهااا ... ولاكانهم يعرفووهااا ، مستحيل يكونو بشر هااادو وحوش بشريه ... الكـل كـان متجمـع عليهـاا 💔... ماعرفتـش نتصـرف بكـل ، بنعيط بس من الصدمه ماقدرتش 💔، التدخـل متاعـي فـي اي لحظه كان حيكون اكبر دمار ليا 🔥
ماكنتش متوقعه انه هذا كله بداية جهنم 🔥 ....

نيروز :- بعد ما وقفت للحظات نستوعب ... مشيت لأمي الي كانت تبكـي وتعيط 😭🔥 ... حضنتهاا وقعدت نبكي معاها ... مش مصدقـهه اختي الي امس معاي اليوم يقتلوو فيها قدامي ومش قادره نتحرك 😭💔 ... عارفه انه غلطت وانه وانه ، بس مافيش من توقع انها تكلم في حد وخصوصا من المطيري 😭💔 ... واليوم بعد مااكتشفوو قتلووهااا 💔 .... وبدم بـااارد ، مستحيـل الي قدامـي حق 😭💔 ....

( ايناس شدوها معاه ، ولاد عمها وبوها وبالجرم المشهود وتجمعو عليها وقتلوهااا بكل سهووله ، بيش يغسلو عارهم ع اساس🔥)

————————————-

  ..... ( روايـات كـارمن ✨ ) .....

بدت ايام العزي الثلاثـه ....
الـي هذا يجي يعزي ، بدو الناس يطلعوو في الاشاعات ، في الي يقول وفي الي يصدق ، بدت السمعه تتشوه 🔥...

نيروز :- من يوم مااتت وطيفهـا يمر قدامـي ، اختِ ونص روحي ، مهما تعاركنا في الاخير اني نحبها ولو قالت تكرهني 💔 ... شعور الوحده باايـخ بكل ، صح ماكنش في بينا هدرزه وماكنتش تحبني وو ، بس كانت مونستني 💔 ...

نيروز :- بوي من يوم توفت وهو معيشنا في جحيم ، لاطلعه لاخشه ، امي ماترقدش الليل لازم يضربها لازم يهينها 💔 .... تعبـت من كـل هـذاا 💔 .... بـدت الافكـار تخطر علياا ... تعودت من الشيطان وطلعت لمزرعتنا ندير في شغلـي ...