اولاد جهنم 🔥 (مكتمله )

الحلقـه (4)🔥

#اولاد_جهنم (4)🔥

جت نور وشاده شدى معاها ... كانت شبه دايخه ... على طول مشوووو للمستشفى ودخلوها طوارئ ...

امير :- كالعاده ، نظرات الناس في المستشفى كلها خووف ورعب 🔥 ... بس هو متعود وماعدلش ... كان يفكر كيف حيوصل في شهاب .... لحد ما قطاعهم الدكتور 💔 ...
الدكتور :- لوسمحتو وين شهاب ؟؟....
امير :- مش موجود ، ان شاء الله خير ...
الدكتور :- المريضه من امبكري تهلوس بأسمه... كيف اهمال هذا ...
نور :- كيف يادكتور ...
الدكتور :- اول شي هي صايرلها هبوط ومش واكله ولا حاجه ، وتاني شي حرارتها مرتفعه ، وتوه ضربنالها مضاد وحالها احسن شوي .... بس مفروض في حد يتابعها ويشوفهاا ....
امير :- تمام تمام ان شاء الله خير ....
الدكتور :- كمل كلامه معاه ومشي ...

امير :- طايرتلهه 😡...
نور :- خلاص هدي اعصابك ، الي صار خطا ومعاش يتكرر ان شاء الله ...
امير :- نورتي شهاب مهمل ديما هكي ، لو ماتت البنت ولالسمح الله شن صارلها ، شن بتقول الناس علينااا ...
نور :- سكتت ... بالكي شن عنده ومشغول ...
امير :- بهزوه .. خوي ونعرفه زييين ...

———————————-

.... ( روايـات كـارمن ✨ ) ....

سيرين :- شاده الفون وتتكلم ... سبوعين وحنكمل مهمتي بس ... مش غرور ولكن الي ماقدرتوش تديروه في هالسنين كلها حنديره في سبوعين 😌🔥 ...
كانتِ في وذان مركزه معاها ، لحد ما حست بحد وراهـاا ... تلفتت ولقـااتـه 🔥....
تيم :- يفصل فيها بنظراااتـه وبشـك ...
سيريـن :- على طول سكرت الخط ... وبدت تتصرف بحركات مجنونه ... قربت من تيم ... اشششش هادو الشررطه ... ماتخليهمش يسمعوك ...
تيم :- استغرب ... وينهم ...
سيرين :- هنـي هني ، في التلفون ... بنشدوو مجرم ....
تيم :- اممم ، وزااد قرب منهـااا ... وكيـف شكله هالمجرم ؟....
سيرين :- توترت ... بلعت ريقهاا... هو حلو بس شرير ...
تيم :- ابتسم ... حلو صار ... ارجعي لفراشك هي ...
سيرين :- مشت بخوف وهو وراهاا ... لحد ما وصلت لفراشها...
تيم :- كان يفصـل فيهااا تفصيـلل ، مشيتهـاا كلامهـااا ابتسامتهااا ... بغض النظر على انه اغلبية البنات يعجبوني ، بس زيها هي ماريتش ... مستحيل تكون مجنونه هادي ... في شي غلط ... لحظات وخداه النوم

—————————————————

في الوقت هذا ، رقدو تيم وسيرين ....
اما عن امير ونور وشدى ... بعد ماضربولها المضاد روحو ... وشهاب لتوه ماروحش ...

صباح يوم جديد ...

نيروز :- اليوم عندي طاااقه 🤤 ، خشيت جهزتلهم الفطور ، خاطري نحطلهم سم لكن حرام ....

سليمان :- مقعمز على طاولة الفطور ...وشوي الممرضه جابت امنه وحطتهااا ...
امنه :- كاانت غااله على سليمان بشكلل ... عشان هو السبب في ضياع صغارها ....

قاطع تفكير كل منهم صـووت ...
شهاب :- خش ... صباح الخير ...
سليمان :- صباح النور ، وين كنت ...
شهاب :- بايت عند صاحبي امس ... صباح الخير نورتي ..
نور :- مابتش ترد عليه وخشت ...
شهاب :- استغرب فيها ... قعمز على الطاوله ..
امير :- نازل من الدروج ... صباح الخير ياحاج ... ومشي باس على راس امه وقعمز ...
شهاب :- وحني مايصبحوش علينا يعني ...
امير :- ماعدلش عليه ، وبدي يفطر ...
شهاب :- خير ان شاء الله ؟....
امير :- ههه اي خير بيجي منك ؟؟...
شهاب :- فكني من الالغاز تكلم ...
امير :- نتكلم ، مافكرتش ف مرتك نفس الشي ماتغيرتش بكل ، في كل مره تحشمنا قدامها ...
شهاب :- بعصبيه ... تكلممم زين واشرحلييي ، بعدين خيرهاا شدى 😡 ...
امير :- امشي شوفها خيرها ، لما تسرح وتمرح قريب ماتت لين رفعتها اني ونور ...
شهاب :- انصدم ... يعني ...
امير :- لو ماتبيهاش ردها لحوش بوها ، كلنا مانحبوش المسؤليه بس مش هكي ...
سليمان :- اول ماسمعهم تعفلق ... كيفففف كيففف 😡 ؟.... جبناااهاا ليك بيش تهينهااا ، شن ناقصهااا البنت عقل واحترام ... ولاتبيها زي ...
شهاب :- بعياااط ، تييييي خلاااص خلاااص ، تبي ناخدهااا قلنااا باهي ، لكن نحبهااا بالسيف لااا....
امير :- وقف وخدي حاجاته ... امورك ، نورتي بنركب بنرقد لو تجهزيلي البروتين وتجيبيه ...
شدى :- كيف نازله وطاااحت في وذنهااا الكلمه 💔 ... نزلووو دموعهااا 💔 ... على طول رجعت لغرفتها ... حسيت روحي ثقيله عليه ... للدرجة هادي اني رزينه ، للدرجه هادي اني رخيصه ، للدرجه هادي هنت عليه ؟؟... نفس الشعور في كل مره ، شهاب ماشفتش منه الا كسرت الخاطر ، بس شن الشي الي يمنعني نمشي رغم كل هذا 💔 ...