نامجون عم يحكي :
اطلعت فيها من بعيد جاية لعندي عم تبتسم حطت ايدها ع شعرها فلتتو رمت شنطتها ع الأرض خلعت كعبها العالي و قربت علي حطت ايدها تحت قميصي و اجت تبوسني حطيت ايدي و بعدتها شوي و رحت و تركتها اطلعت فيني بعصبية و صرخت .....
روز : رح يجي يوم الي رح تتمنى فيه تلمسني يا نامجون .....
ضحكتلها عالجنب ضغطت ع الزر سكرت السيارة من بعيد و اجيت فوت عالبيت شفت خيال شي .. طالعت سلاحي و تخبيه و راء الحيط عم حاول اعرف شو هو شفت بنت عم تطلع بالبيت ما عرفتها اول مرة بشوفها عصبت .. خبيت سلاحي و رحت لعندها اول ما شافتني صارت تجري و تهرب ركضت وراها .....حسيت نفسي انقطع ما كنت مفكرها بهالسرعة غيرت الطريق لحتى لحقتها طلعت من الجهة الثانية لقيتها جاية عم تلهث شافتني ارتعبت و رجعت لوراء زلقت رجلها وقعت كلها بالوحل قربت عليها اطلعت فيها معصب ....
انا : عندك دقيقة واحدة بس تقنعيني ما اقتلك ...
اطلعت فيني كلها طين قامت من الارض و حطت ايدها ع قميصي مسحت فيه كل الطين
هي : ماني خايفة منك ...
عضيت ع شفايفي و ابتسمت
انا : تمام بتقدري تروحي .... ما رح الحقك
هي : شو يعني بالسهولة
عملتلها براسي اي
اطلعت فيني ع جنب
هي : ليش لحقتني من الأول
انا : بتروحي هلا او بغير رأيي
هي : بس
انا : اذا تجرأتي تحكيني من دون خوف فهذا بدل انك ما بتعرفي عني شي .. لهيك قبل ما افقد صبري .....انقلعي من خلقتي المنطقة محظورة ممنوع تقربي من بيتي
قربت عليها اكثر
انا : انقلعي مادام عندك فرصة
هي : لك انت شو مفكرلي حالك .....شو كل الغرور الي عندك
اخذت الشنطة تبعها من الارض و ضربتني فيها ....
هي : قال عندي فرصة قال ...تضرب انت و فرصك
ضغطت ع ايدي من الغضب و ربطلها ايدها من ورا عم بحكي باذنها
انا : كان ... كان عندك فرصة هلأ خسرتيها
هي : اتركني لك حيوان شو عم تستقوى ع مرا
حملتها ع كتفي و هي عم تصرخ و تضرب ....
هي : والله لحتى اخرب بيتك رح خليك تندم
انا : اممم ....
هي : لك اتركني ....اتركني يا حيوان
دخلت فيها عالبيت رميتها بغرفة جيمين و سكرت الباب رحت ع غرفتي غيرت قميصي و نزلت لتحت لقيت جيمين و جيسو عم يبوسو بعض مثل العادة ... رميت عليهم جاكيتي ..قامت من فوقو عم تضحك
جيسو : لك شي مرة يا نامجون لا تقطع علينا شي مرة بس
جيمين : ليش مكشبر وشك
انا : و لاشي
اتسطحت عالكانابا ... وغمضت عيوني بدي ارتاح شوي و قوم اشتغل عالبرنامج الجديد الي عم حضرو .. منين طلعتلي هالبنت الغبية كمان عم عد للعشرة مشان ما قوم اقتلها
دانة عم تحكي :
سكر علي باب الغرفة عملت حالي عم خبط بالباب و صرخ ما بعرف شو عم يفكر عني قلبي رح يطلع من مكانو قعدت عالتخت عم فكر ....
كنت عم حضر حالي نفسيا و جسديا الايام الجاية رح تكون صعبة كتير لازم انجح ما في حل قدامي كمية الضغط الي مسلطة علي كبيرة كتير صرلي أشهر عم اتحضر اطلعت بالمرايا كأني عم باخذ القوة منها حطيت ايدي بقلبي ما لازم يدق بخوف هيك مرة ثانية اجيت و كنت متأكدة ما رح ارجع كلام سوكجين لهلا باذني ...هذاك اليوم الي اخذت فيه هالمهمة
سوكجين : دانة ....هالشغل ما بيشبه شي ثاني عملناه قبل هالجماعة ما بنلعب معهم بهالفترة لازم تحاولي تضلي عايشة ...او بتعرفي انو ما بكون حقك غير رصاصة وحدة
أنت تقرأ
ديفرنجت || Differing ✔
Mistério / Suspense#ديفرنجت ملاحظة : رح وقف النشر لانو مافي تفاعل ابدا وهاد الشي منعني كمل القصة لو في تفاعل رح نزل كل يوم🌃 مقدمة : رح حط المقدمة كتنبيه ... القصة رح تكون غوص بعالم المافيا و كيف انو عالم ظالم و ما بيرحم ... نوع القصة اكشن درامي رومنسي مع لمسة كوميدي...
