#اتعبني برودك
#للكاتبه ام النون
#البارت الرابع
نورهان: اي ولجن راسلني وكال اريد اشوفج باجر وأريد اتعرف عليج حيل فرحانة
علياء : دومج فرحه حبيبتي😍
جلنار : واخيرا حن الصخر
نورهان : بنات مرتبكة حيل شسوي وشنو البس باجر وشنو البس اكسسورات ويالون والبس شال لو شيلة ساعدوني بليززززز فدوه محتاره
جلنار: البسي شي نازك وبسيط ومكياج هم بسيط خليج على طبيعتج
علياء : اي اني هم اضم صوتي لجلنار
نورهان : بنات اني راح اروح انام وراي مشوار طويل باجر 😍 تصبحن على خير واحلام سعيده
علياء وجلنار : وانتي من اهل الخير باي
نورهان : وره ما كملت سوالف ويه البنات ضليت افكر بي وماكدرت انام يا ترى شنو راح يكول وشلون راح احجي وياه طبيعي وبلا توتر وشلون وشلون اووووف لازم اكون على طبيعتي حتى ليكول متصنعه هففف ولحد هسه ماقررت شنو البس خلي اكوم افتح الكنتور واقرر عجبني فستان بسيط ونازك لونه وردي فاتح وشال وردي وجنطه بيجي وحذاء بيجي فاتح خلي اروح انام لتأخذني النومة باجر ف وقتت المنبه وكوه نمت عبالك مثل الطفلة الفرحانة ب ملابسها الجديدة
في الصباح
نورهان: دك المنبه وكبل كمت عبالك متحظره 😂 بس اوووف راسي يوجعني يريد ينفجر لان ما نمت زين كضيتها بس افكر كمت غسلت وجهي وفرشت اسناني وسويت سكراب سريع لوجهي وسويت كهوه حتى اصحصح
الام : صباح الخير بنتي شنو هل نشاط اليوم
نورهان : صباح الورد على احلى ام بالدنيا.. مفتوحه نفسي اليوم
الام : اي يا يمه ظلي هيج ذيج الفتره حيل تعبتي.. الدنيا متسوى بنيتي بعدج شابه اضحكي وعيشي حياتج
نورهان : ان شاء الله ماما
الام : اسويلج ريوك حبيبتي
نورهان : لا ماما ما اريد مستعجلة اريد احضر نفسي بسرعة
الام : بعد وكت ليش مستعجلة
نورهان : توترت حيل مدري شلون طلع مني هل حجي.. هاا مو ماما صديقاتي الي عازمتني ف حبيت اغير ستايلي اليوم ويحتاج وقت اضبط نفسي واخاف ما الحك ليظل بالج اتريك بالكلية
الام: على راحتج بنتي.. ديري بالج على نفسج وسلميلي على صديقاتج
نورهان : هفففف كوه عدت سلامات.. يوصل ماماتي
نورهان : رحت ركض لغرفتي لبست الفستان وخليت مكياج خفيف واني ملامحي ناعمة حلوه بس برزت عيوني خليت لاينر خط بسيط وكحل اسود يبرزهم ورسمت حواجبي ومسكارا وحمره ورديه ولبست ساعة فضية واكسسوارات ناعمة ولبست الشال وخليت عطر باوعت على نفسي فديتني طالعة اجنن وين جان هل جمال مضموم😂 اجه الخط وصعدت بس جنت احس الطريق صار شطوله جان مبين عليه التوتر والارتباك اول مره احس اريد بسرعة اوصل للكلية احساس حلو وغريب كمت اشوف العالم بنظره ثانيه جنت اتعامل وية الكل بحب ف جانت اكو بنية وياي بالخط طلعت اغنية احبها حيل
رسل: هلوو اعرفكم عن نفسي اسمي رسل عمري ١٩ طالبة قانون مرحلة ثانيه شكلي يجنن وانثوي بيضة وعيوني كبار وكومه يزحفولي وما اهتم اغلب طلاب القسم كاتلين نفسهم عليه ما احب ارتبط احب اتونس واضحك عليهم
نورهان : علي الصوت رسولة خلي اسمع الاغنية
رسل : ادللي حياتي
نورهان : جنت احس كلمات الاغنيه علية اخذتني الاغنيه لعالم ثاني سرحت بيها
صدفة ومن بين كل الناس علكَني.. من يوم شفته وعيني جات ف عينه حسيت شي ف عيونه حلو يجذبني 😍 لما ابتسملي بانت بوجهي تناويله
رسل : منو هذا الي من دون الناس عجبج😉
نورهان : هاي شبيج رسولة بس مجرد كلمات الأغنية عجبتني
رسل: معقوله متعبر عليه هل سوالف
نورهان : ماكو شي حالياً من يصير اول وحده انتي اكولج
رسل : خلي نشوف
نورهان : كضيتها ضحك وسوالف ويه رسل بس ردت الوقت يمشي وجان اوصل للكلية قلبي كام يدوك سريع وعبالك مثل الطير الجان مسجون وطلع شعور يجنن رحت صعدت للقسم لكيت صديقاتي
نورهان : بنجور بنات 😌
علياء : شنو هل جمال عيني
جلنار: كب كيك طالعه حبي هذا كوله للحب 😉
علياء : اي شيريد بعد مؤيد
نورهان : هههه كافي بنات خجلتوني كولش متوتره وخايفة ما اعرف شسوي
علياء : عادي شعور طبيعي
نورهان : جانت مشاعري ابد مو طبيعيه احس قلبي يريد يطلع وجسمي يرجف اخذنه اول محاضره وجانت ممله حيل 😂 طول المحاضره شكله وخياله ونظراته بعيني طلعت من القسم ودعت البنات وكتلهم يدعولي 😂 كعدت بنفس المكان الي تفقنه عليه وهمزين مالكيته موجود 😂 عدلت نفسي ومكياج بسرعة ف شفت من بعيد اجه اووووف احس روحي تريد تطلع حيل جنت خايفه ومرتبكة ردت ارجع للكلية الا شوية😂 بس حاولت اسيطر على نفسي واسوي روحي ما خايفة ف اجه قريب عليه اني درت وجهي على الجهه الثانية عود ما منتبهه عليه ومدا اباوعله 😂
مؤيد : جنت بيومها متوتر ومشاعري متخربطة ف كلت خلي اشوفها بلكي نظرتي الها تتغير وانعجب بيها ف كعدت لبست بنطرون كابوي مشطب وقميص ابيض وستره سوده وساعة وعطر خلصت محاضره وطلعت بسرعه لهذا المكان اني شلون نسيت اسئلها شلون لابسة اوووه شلون نسوة شلون راح اعرفها وجان اشوف بنيه من بعيد تباوعلي بس سبحان الله قلبي دك الها عبالك عرفتها هيه بس شو دارت وجهه معقوله مو هيه خلي اروح اسئلها احسن وصلت الها
مؤيد : السلام عليكم انتي نورهان
