#اتعبني برودك
#للكاتبه ام النون
#البارت الثامن
وجنت اظل اخطط شلون يتعلق بيه بس انكلب السحر على الساحر كمت اعشقه اتنفسه اموت من دونه ماجان ابالي احبه وجنت من اسمع نورهان تكول حجه وياي وراسلني جنت اشتعل من الغيرة واحاول أبين نفسي طبيعيه ف جنت حاقده عليها حيل لان احس مؤيد ملكي اني وحدي محد يأخذه غيري او يحاجيه ف جنت اتعارك وياه لان يحاجيها وجان الرد مالته هيه تحاجيني وازعل وياه ويرضيني ويقشرني بكلامه المعسول خلاني اثق بي حيل وأدزله صور مخجله وفيديوهات وجنه نطلع سوه للمطاعم والمولات وهو يصرف عليه ف شفت محادثة هو ونورهان ف كتلة ليش مراسلها
مؤيد : جنت اسايرها حتى اخليها اثق بيه واسوي كولشي أريده بس الحظ جنت ما ماسح محادثتي اني ونورهان لان جنت حاط نورهان احتياط من اتعارك ويه رسل ارجعلها.. لا هيه راسلتني اني معليه بيها تعرفيني ما احبها ليش عيوني تكدر اشوف غيرج حبيبتي اروح فدوه لجمالج
رسل : اتعاركت وياه وكتلة اذا ما عفتها كولشي ينتهي بيناتنه ف اتفقنه يعوفها ف خابرتني نورهان وجانت روحي مشتعلة من الغيره من كتلها عوفيه ميفيدج اليوم راح يعوفج هو كلي هيه حيل انقهرت بس انانيتي وحقدي وغيرتي خلاني انسانة بدون ضمير وما اهتم الها
مؤيد : جان طلب رسل عندي حيل سهل مو مهم نورهان واذا عفته ما محصل شي منها شي ثانوي بالنسبة الي بالتالي اثنينهن عايفهن على اقل احصل شي من هاي ف ما عارضتها ورحت راسلتها وعفتها واحس ارتاحيت حيل حتى اتفرغ الرسل ما حسيت بأي مشاعر لان بالأصل اثنينهن اضحك عليهن وك رجل شرقي منحب البنية الخفيفه الي اذب نفسها علينه نحب الثكيلة الي تشلع قلبنه
مؤيد : هلو حبيتي عفتها لنورهان يدلل الحلو.. تأمريني أمر.. اهم شي متزعلين
رسل : فديتك حبيبي هسه ارتاحيت
مؤيد : هسة بقة اني اطلب منج طلب حياتي
رسل : ماطول عفت نورهان شتطلب اسويه الك ومن عيوني
مؤيد : تعالي باجر نطلع بالشقة مالتي
رسل : ماشي عمري ادلل
مؤيد : فديت الميرفضلي طلب
رسل : جنت مستعدة كولشي اسوي حتى يرضى ويحبني وحتى عفت نورهان كمت ما احجي وياها ولا اراسلها اكرهها اموت منها هيه صوجها شكو تحجيلي عنه وكل تفاصيل علاقتهم وخلتني احبه باجر نتواعد واشوفه بالشقة ميتة على شوفتة جنت احجي بصوت حسيت بطكطكه بغرفتي عبالك واحد جان وراي لا لا اني اتخيل خاف لا ماكو شي خلي انام باجر اروح اشوف حبيبي جنت حيل فرحانه
رسل : كعدت الصبح بحجه استلم النتيجة ومناك اروح لمؤيد ف طلعت وتلاكينه بالكلية ومناك وطلعنة بس جنت ما مرتاحة احس احد يراقبني بس مؤيد جان لطيف وياي ويضحكني ف كلت ماطول هو يمي ويحبني ما اخاف من شي وصلنه للشقة كعدنه نسولف وسوينه اكل سوه وما نحس الا شوية وواحد كسر الباب اني خفت حيل كتله انته كايل لااحد احنه جايين هنا ف هو هم جان خايف حيل كال لا هاي شقه صديقي وبس صديقي يدري ف كبل فتح الباب وجانت الصدمه هنا الأكبر اخويه طلع اجه ضرب مؤيد بوكسيات فلش وجهه وغلط عليه اني من الخوف كمت ما اعرف شسوي ووين اروح ف ردت اطلع وانهزم ف جرني من شعري وضربني حيل ف كتله اني احبه وهو يحبني لتضربه ف ضربني راشدي وكال فوك سوايتج الي تسود الوجه الج عين وتحجين وتكولين عادي بوجهي احبه اليوم اربيج عبالج البارحة ما سمعتج من تكولين متواعدة وياه بس ردت الزمج بأيدي واربيج وانته جيب عمامك وتعال انفصلكم
مؤيد : اني معلية اختك لازكه بيه وتراسلني وكالت تعال نتواعد بالشقة
رسل : عزه بعينك اني كتلك هيج
مؤيد : متفقه عليه انتي واخوج واذا ما تصدك تعال اشوفك صور اختك والفيديوهات شدزلي
رسل : هاي لان حبيتك ووثقت بيك هيج اسوي وينه حجيك وكلامك مو كلت تحبني
مؤيد : امشي بابا منو كلج احب وازوج وحده تنطيني نفسها وادزلي صور وفيديوهات بيها جسمها طالع
اني معليه اختك الي لزكتلي ربي اختك اني ما ضربتها على أيدي ولا جبرتها تجي وياي ولا مواعدها بشي
رسل : يعني تبريت مني مو الله لا يوفقك
عافني بعذابي ومصيبتي النذل وأخويه كسرني تكسر من الكتل وبطلني من الكلية وسحب من عندي الموبايل وحبسني بالغرفة خسرت كولشي حياتي وحريتي ودراستي ونفسي بسبب انانيتي وحقدي وطلعت حوبة نورهان بيه وربي ما وفقني ردت اروح احجي النورهان بالحقيقه بس بيا عين اروح احجيلها ما اكدر اواجهه بالحقيقه ما اكدر اكولها هاي الي وثقتي بيها وامنتي بيها على اسرارج خانت بيج وغدرتج بس حوبتها عثرتني وما ارتاحيت بحياتي وصرت مذلولة واخوية من يطلع ويرجع يضرب بيه ويعاملني ابشع معاملة تندمت واستغفرت بلكي الله يغفر ذنوبي ويسامحني على سويته
مؤيد : بعد هل حادثة شفت بنية بعرس كرايبنة ما شاء الله ايه من الجمال ف حبيتها حيل من كل قلبي ف ما حبيت علاقة بيناتنه لان جنت جدي بالموضوع وكلت خلي اخطبها رحت حاجيت الوالدة حتى تخطبها المهم خطبتها وجنت طاير من الفرح بيها بس هيه جانت احسها مجبورةشلعت قلبي بالخطوبة بارده لا تهتم بيه ولا تخابر بس كلت اخاف هيه هيج طبعها وره الزواج تتغير ف جنت مستعجل وحددت موعد الزواج وصار العرس
