جحيم الجاسر

البارت الاخير الجزء الثاني

اما عند مريم خرج الطبيب من العنايه المركزه فهرول إليه تولين ورقيه واهل تولين ووالد مريم
أدهم بحزن:-"بنتى عامله ايه يادكتور طمنى عليها ارجوك"

الطبيب:-"اطمئنوا ياجماعه هيا دلوقتى حالتها فى تحسن الصبح هتولد انشاء الله"

تولين:-"ينفع ادخل اشوفها يادكتور لو سمحت"

الطبيب:-"خمس دقائق بس مفيش غيرهم عموما هيا صاحيه وانتوا(ونظر لباقى الأفراد) تقدروا تشوفوها من الشباك اللى هناك"

دخلت تولين للعنايه
تولين بإبتسامه باهته:-"الف سلامه عليكى ياروما شدى حيلك بقى علشان تقومى بالسلامه انتى والبيبى"

مريم:-"انشاء الله ياتولين بس مالك ياتولى فيه ايه انت مش على طبيعتك"

تولين بإرتباك:-"هاا هكون مالى دا انا زعلانه علشانك"

مريم:-"مبتعرفيش تخبى عليا حاجه ياتولين قولى فيه ايه"

تولين بإنهيار:-"سيف يامريم سيف بيموت خلاص هيسيب الدنيا كلها لينا علشان ترتاح"

مريم بصدمه:-"انت بتخرفى تقولى ايه انتى اتجننتى سيف ماله جوزى ماله ياتولين"

تولين:-"سيف عمل حادثه كبيره اوووى والدكتور قال إنه مستسلم للموت بطريقه رهيبه وقال لو عدى عليه ٤٨ ساعه يا هيدخل فغيبوبه أو النزيف اللى عنده هيستمر ويقضى عليه"

مريم بإنهياار:-"انتى اكيد بتهزرى علشان تعرفى انا بحبه قد ايه اكيد بتكدبى عليا انتى كدابه ياتولين امشى اطلعى بره وابعتيلى سيف وقوليله انى سامحته سامحته ايه قوليله انى اصلا مزعلتش منه دا انا بس كنت بعاند فيه علشان ميعملش كدا تانى (واكملت بدموع) يلا ياتولى اخلصى عاوزه اشوف جوزى وابو ابنى اخلصى"

تولين بدموع:-" أهدى يامريم انتى تعبانه أهدى علشان متتعبيش اكتر وانشاء الله ربنا ينجيه من اللى هو فيه اهو ربنا انتقم ليكى"

مريم بصراخ:-"انتقام ايه انتى اتجننتى انا عاوزه جوزى امشى روحى جيبيه قوليلهانى محتاجاه وخلاص انا مش زعلانه منه ولا زعلت يلااااااا"

دخل الطبيب والممرضه فى هذا الوقت ومعهم حقنه مهداءه
الطبيب:-"أهدى يامدام مريم علشان صحتك وصحة ابنك انتى تعبانه" وجاء أن يعطيها الحقنه

مريم بصراخ وعصبيه وهى تمسك المشرط من على الكومود وتضعه على رقبتها:-"اقسم بالله لو اديتنى الحقنه دى أو قربت منى لموت نفسى انا عاوزه جوزى حالا لو مجاش انا هموت نفسى جيبوه ليا حالا"

الطبيب وهو ينظر لتولين:-" وجوزها فين ياتولين هانم"

تولين بدموع:-"جوزها فالعنايه المركزه هو كمان يادكتور حالته خطره الشاب اللى عمل حادثه"

الطبيب:-"طيب يامدام مريم انا هشوف حالته ولو حالته تسمح هنخليكم انتوا فالعنايه بس من فضلك أهدى علشان ميبقاش فيه خطوره عليكى انتى والطفل"