سالم خش للحوش
سالم : وينن حطيت المفتاح ! افف طالع معصب مش عارف حتى وين حدفته
خش سالم يشوف للباب ممكن نسي المفتاح فيه بس تفاجئ بالدار مفتوحة
خش بسرعة لقي نور مهناش والدولاب مفتوح برضوا مهناش ملابسها ولا شنطتها
سالم: ناقصككك انييي يانورر وقتكك
طلع بسرعة نزل لحوش اهله
سالم: رهااام ! يماااا ! وينڪم
امه عايدة
عايدة : نعمم! خيرك
سالم: وين نورر !
رهام متوترة وتسمع فيه من باب دارها
عايدة: وااك خلعتني علي هاديي انـت ! تمشي ولا تقعد واخد
سالم : لاا مش واححدد ! إلا نورر
عايدة : سالم عاد فڪنااا من حرق الدم ، نور تمت مش تبي تطلق طلقهاا شن تبيهااا ! اهو بتتزوج
سالم : به ، والله والله ڪان مارجعتيش نور للحوش ماخاطب وحدة
عايدة : تحلفف عليااا انييي ! بطلق وبتخطب وبتتزوج غصبن عنكك
سالم : لاا مش غصبن عنيي ! ومش لـو رضيـت براايك معناهـا أي راي نمشيي بيهه هاادي حيااتي رااا حياتي
عايدة : وطييي صوتككك، ولو ماتمشيش اطلقها معاش نبيي نشوفكك
سالم قعد يشوف لـ امه بـ عصبية وطلع
رڪب لـ سيارته بـ عصبية وقعد يتصل بـ نور مقفل
سالم وهو مرڪز فالطريق ومعصب : وينن بتڪوننن وين مشتتت!
اڪيد رهام تعرف اتصل بـ رهام
مقعمزة فالدار وتشوف لـ رقم سالم وخايفة ترد
سالم : خيرهاا التانية ماتردشش،
عاود اتصل
رهام متوترة : الوو
سالم: وينن مشت نور
رهام بـحروف متقطعة وتوتر: مـ مانعرفش
سالم: ڪيف ماتعرفيشش منن فتحلها الباب اساساً !
رهام: باب ش شننيي
سالم: رهااام !!!!
رهام بلعت ريقها: عـ عند سحر
سالم: 😳 عند سحرر
رهام: ايي 💔 ماتمشيش بالله عليك خليها شويي
سالم: اني ناقص نشوف حتى سحرر
رهام: 💔
بعد ربع ساعة ...
وقف سالم عـ البحر بس مانزلش من سيارته قعد يشوف ويفڪر ... حايرر ومضايقق .. مش عارف يرضي امه ولاا نور ! ... حياته ومايبيش يخربها فـ سبيل ارضاء حد ومش عارف يتبع قلبه ولا عقله ....
ڪــتـــَـــابـــــات دوجـــــه طـــنـــوش ♥️
@ K h a d i j a . N t _ 2 0 0 4
___________________
وسن مقعمزة فالصالة خش معاد من برا
معاد وهو يصڪر فالباب: مـسـاء الـخيـر
وسن ابتسمت: مسائـك خيرات
معاد جي وقف جنب الصالون فـ ايده بطاقتين غريبات
معاد وهو مستعجل : ڪيف حالك انتي وساجد
وسن: الحمدلله وانت
معاد: بـخير الحمدلله ... نستأذنك امالا
وسن: تفضل
معاد مشي راقي لـ حوشه ووسن قعدت تشوف للي ف ايده ومضايقة علاش مستعجلل
وسن: اففف ابصرر هالمسمومة شن مخططةة
خش معاد للحوش بخطوات بطيئة شاف المطبخ لقي مرال فيه
ڪانت تجهز في في صحـن سلـطةة
فجئا وهو وراها حط البطاقتين عـ الرخامة شافتلهم بعدين التفتت دارت روحها زعلانةة
معاد: اممم شنيي هدوما
مرال بغير مبلاة: شني
معاد: مش بتمشي لترڪياا
مرال وقفت تشوف لقدام وقامتهم لقتهم تذڪرات سفر لترڪيا
مرال: الله 🥺😍
معاد ابتسم وهو يشوفلها فرحانة بيهم
أنت تقرأ
الحب جريمتي
Fantasíaاعــلان الــــــرواية الجــــــديدة ❤️ :- ڪــتـــَـــابـــــات دوجـــــه طـــنـــوش ♥️ @ K h a d i j a . N t _ 2 0 0 4 الحُب جريمتي ♥️ تحڪي عـ بـنـت شخصيةة .. عاشت قصة حب زي أي بنت بس مش طويلة اختارت الزواج بسرعة 🤷🏼♀️! وفجئا انقلب الــحال من ورد...
