صباحا ف بيت اسيل
اسيل حاضر جايه اهوااا.......براحه
اسيل نعم ي سيف عايز اى !؟
سيف مجتيش الشركه ليه
اسيل اصلى اترفدت
سيف مبهزرش ي اسيل يلا ألبسى
اسيل وانا كمان مبهزرش ي سيف ومش جايه
سيف متعصبنيش ي اسيل
اسيل سيف امشى عشان انا لو اتكلمت هضايقاك امشى احسن
سيف مش ماشى غير وانت معايا
اسيل بعصبية مش جايه
سيف صوتك ما يعلاش
اسيل اهاااااطبعاااا سورى منا بكلم سيف الدمنهوري الى الناس ف حته وهو ف حته تانيه خالص .......ع فكره احنا مش عبيد عندك انا اسيل الروبى ي سيف شكلك نسيت يعنى لا مرتبك فارق معايا ولا شغلك انا بشتغل عندك عشان بحبك وبحترمك بس مش اكتر ولما كنت بدير الشركه وانت مش فيهاا...... مكنتش بناااام....انت عارف كويس انى مبحبش شغل المكاتب وانى بحب البرمجه.....وعشان كده سبت شركات ابويا ......وحصلت مشاكل بينه وبينى لما عرف أنى مسكت شركاتك .....ومردتش امسك شركاته.......وعاصم سابنى عشان مسحوله معاك ف الشغل ومقصره معاه ...... وحياتى اتبهدلت معتش بعرف اتنفس معنديش وقت ......حياتى الى كانت كلها سفر وعدم تحمل مسئولية بقت كلها اجتماعات ومناقصات انا بقت نسخه منك ي سيف
جاى بعد ده كله تقولى هرفدك يشيخ ارفدنى اريح
سيف متزعليش ي اسيل انا عارف انك وقفتى جنبى كتيررر ومستحمله ومبتتكلميش والله مكنش قصدى انا بس كنت محتاجك الوقت ده فكنت بهدد
اسيل امشى ي سيف امشى عشان منخبطش ف بعض ونخسرر بعض
سيف مش ماشى ي اسيل
اسيل فووق ي سيف فووووق .....انت بتخسر الناس إلى بتحبك كلهاااا انت شايف الناس ف حته وانت ف حته تانيه ده حتى اخوك ف مابينك ومابينه مسافه ......وانا انا إلى عملتك عشانك ده كله
لسه زى مانت سيف الدمنهوري معايا .......انا استحملتك كتيررر اوووى ي سيف بس خلاص كفايه كده.......
سيف ي اسيل انت متعرفيش حاجه انا بعاملك حلو والله انا بحبك خالص انا مش هعرف اعمل اى حاجه من غيرك انا اتعودت ع وجودك ف الشركه اتعودت انك شايله كل حاجه اتعودت واحنا بنفكر سوا معتش بفكر لوحدى احنا دماااغ واحده
اسيل لا ما هو باين اووى الصراحه حبك
اهاااا باين جدااا ايوه ي سيف انت اتعودت عليا بس مش اكتر ....اتعودت انك معتش تديرالشركات لوحدك واتعودت أن اكون معاك step by step
يعنى زى زى اى حد ف الشركه .......ي شيخ ده
انا كنت هعمل حادثتين امبارح وانا مروحه من كتر التعب ومع ذلك جيت وخلصت الشغل إلى اصلا مش مسئوليتى انا عارفه أن ف حاجه حصلتلك ف حياتك غيرتك اووووى كده وعارفه انك من جوا حاجه تانيه...وانك مكنتش كده.....وكل يوم اقول بكره يتغير.....بس بتتغير للاسوء ي سيف للاسف وانا معتش قادره استحمل
سيف بعصبيه اسيل كفااايه اوى لحد كده بقى ويلا
اسيل خليك كده ي سيف بس فجاه هتلاقى نفسك لوحدك مفيش حد جنبك ده حتى حور ضيعتها من ايدك لحد امتى هتفضل كده فوق بقى
أنت تقرأ
جحيمك جنتى♥️
Romanceمن منا لا توجد مشاكل ف حياته !؟ فمنا الي اهله متوفيين من صغره والى اضطر لتحمل المسئولية ...........و في الي اهله ناسيينه اصلا و في الي عنده حد بيحبه اوي مات و سابه....... و في الي أشخاص من كمية الضغوطات و المشاكل بتتحول لصخرة أو حجر مجلد من المشاع...
