فى مكتب ليث
ليث لجاسر: ها يا سيدى كنت عايزنى فى ايه
جاسر: ليث عمر كلمنى قالى أنه رن عليك كتير وانت مرديتش فا رن عليا وقابلنى.
ليث : انجز يا جاسر فى ايه
جاسر: عمر قالى ان عمك هيدخل اكبر صفقه سلاح وفى ناس جامدة وراه وان فى حد مراقب بيتك ليث مش هينفع نسيب ماما امينه لواحدها طول الوقت عمك ممكن يستغل عدم وجودك جمبها ويعمل حاجه تأذيها أو يهددك بيها متنساش يوم ما جالك المكتب عشان تشتغل معاه وهددك بيها؟!
" عمر ظابط فى المخابرات وهو صديق ليث وجاسر "
ليث: والصفقه دى هتتسلم امتا؟!
جاسر: نفس اليوم اللى هنستلم فيها الصفقه اللى جاى من المانيا ليث لازم نخلى بالنا من ماما امينه
ليث بتفكير: خلينا نشتغل هنا الفترة دى لحد ما نشوف حل
جاسر: تمام هروح أنا بقا عشان همووت وانام
ليث: تمام تعالى على هنا بقا متروحش الشركه
جاسر : أن شاء الله
جاسر خرج من الڤيلا وركب عربيته وراح بيته وليث طلع اوضه والدته يطمن عليها
ليث خبط على الباب وملقاش رد خبط تانى ولما مبقاش رد عرف انها نايمه دخل اطمن عليها وراح اوضته اخد شاور ولبس بنطلون اسود وتيشيرت ابيض ونام على السرير وقرر أن يفضل جمب والدته ويعين حراس اكتر على الڤيلا لحد ما الأمور تهدى وافتكر نور
ليث فى نفسه: احتليتى تفكيرى ياذات البنفسج لما بشوفك مش عارف ايه بيحصلى
_____________________________________________
اليوم التالى " فى منزل نور "
فريدة : يوووووة قوووومى بقااا يا نووور
نور بنوم:م يا ديدا سيبينى انام شويه معرفتش انام امباارح
فريدة بمكر : يا نور ياحبيبتى انا راحه الشغل ولو اتاخرت ليث بيه هيزعقلى يرضيكى خالتك تتهان
نور وقفت على السرير: هااا اااه أنا هلبس اهووو
فريدة مسكت نور من أيدها: بتحبيه ؟!
نور بكسوف: يعني مجرد اعجاب
فريدة : يااابت ما هوو واضح دا انا اول ما قولتلك أن أنا راحه لمامته قبل ما يمشى قومتى فى ثانيه مش عليا يا بت دا انا خالتك اعترفى
نور بكسوف ووجنتيها تشتعلان : امممم حبيته
نور بخوف: بس تفتكرى بيحبنى زى ما بحبه؟!
فريدة بابتسامه مرحه : حد يشوف القمر وميحبهوش أنا متأكدة أنه بيموت فيكى كماان يلا بقا
نور بمرح : فوريرة ههههههه
فريدة بضحك: هههههه هبله
نور اخدت شاور ولبست إسدال الصلاة وادت فرضها ولبست هدوم الخروج وراحت هى وفريدة
_____________________________________________
فى ڤيلا ليث
ليث صحى من النوم اخد شاور وأدى صلاته ونزل يطمن على والدته ليث خبط على الباب وأمينه سمحتله بالدخول
ليث بابتسامه هادئه: صباح الخير يا قمر
امينه بابتسامه: صباح الخير يا حبيبى
ليث قعد جمبها على السرير ومسك ايديها: عامله ايه دلوقت
امينه بابتسامه: الحمدلله يا حبيبى انتى مش رايح الشركه ولا ايه
ليث: لا انا هقعد معاكى هنا ولا انتى مش عايزانى اقعد معاكى هههه ؟!
امينه بابتسامه : لا طبعا دا انا بتمنى تقعد معايا شويه ههههه
امينه بابتسامه ماكرة: فريدة هتييجى دلوقتى وقالتلى أنها هتجيب واحدة اسمهااا اسمه ايه يا امينه
ليث بابتسامه مشرقه: نوررر
امينه بمكر: ايواا هى دى انت تعرفها؟!
ليث : احم لا هو يعنى بتشتغل فى شركتى فا عارفها يعنى احم هى الممرضه دى قالتلك أنها هتجيبها
امينه بابتسامه : حلوة؟!
ليث بتوهان : امممم
امينه بضحك: ههههه ههههههههه
ليث: احم بتضحكى على ايه يا ماما
امينه بابتسامه هادئه: عليك يا حبيبى
ليث باستغراب: ليييه؟!
امينه : بتحبها ؟!
ليث بنفى: لا لا طبعا احبها ايه دى مجرد متدربه فى شركتى مش اكتر أنا هنزل المكتب زمان جاسر جاى
امينه : ماشى يا حبيبى
ليث خرج ونزل مكتبه
امينه فى نفسها: هتفضل تكابر لحد امتا يا ليث باين عليك انك بتحبها ربنا يهديك يا ابنى
_____________________________________________
نور وفريدة وصلوا الڤيلا ودخلوا
فريدة خبطت وفتحتلها الدادة
فريدة بابتسامه: صباح الخير
الدادة: صباح النور يا حبيبتى المدام فوق فى اوضتها
فريدة اخدت نور وطلعوا الاوضه
فريدة خبطت على الباب وأمينه سمحتلها بالدخول
فريدة : صباح الخير يا ست الكل
امينه : صباح النور يا حبيبتى
نور بابتسامه هادئه : صباح الخير يا طنط
امينه بابتسامه مشرقه: صباح النور يا حبيبتى انتى نور
نور بابتسامه: ايوا
امينه : تعالى يا حبيبتى اقعدى هنا
نور راحت وقعدت جمبها
فريدة بحزن مصتنع : اه اه نور جت بقا فريدة تتنسى صح مكنش العشم
امينه ونور بضحك: ههههه ههههه
امينه: عارفه يا فريدة انتى شكل جاسر بالظبط نفس خفه الدم
فريدة : والنبى يا طنط ما تجيبى سرته احسن بيضايقنى
امينه: تعالى هنا
فريدة : انا؟!
امينه : ايوا قربى !!
فريدة قربت من امينه امينه شدتها من ودنها
فريدة : ااااه اه أنا عملت ايه بس
امينه : ايه طنط دى أنا مش قولتلك تقوليلى يا ماما أنا بعتبرك زى بنتى بالظبط وبصت لنور وانتى من النهاردة بنتى فاهمين
نور وفريدة: فاهمين
فريدة بتألم : سيبينى يا ست الكل بقااا ودنى اتخلعت فى ايدك حتى بصى هتلاقيها فى ايدك
امينه بضحك: هههههه اهوو يا اختى سيبتها
فريدة : نيجى للمهم بقااا طبعا مفطرتيش صح
امينه : ايوا
فريدة : كنت عارفه انك مش هتفطرى هنزل اقول للدادة واجى
امينه: ماشى يا حبيبتى
فريدة خرجت من الاوضه وفضلت نور وأمينه
_____________________________________________
فى منزل جاسر
جاسر صحى من النوم واخد شاور ولبس هدومه عبارة عن بنطلون ازرق داكن وقميص أبيض يظهر عضلاته ولبس ساعته الفخمه وبرفانه المفضل وأدى صلاته ولبس كوتشى ابيض
جاسر خرج من بيته وركب عربيته وراح ڤيلا ليث
جاسر وصل الڤيلا وخبط على الباب وهى فتحتله اول ما شافها وقف مكانه وابتسامه مشرقه شقت طريقها على وجهه
____________________________________________
فريدة نزلت من اوضه امينه وراحت المطبخ قالت للدادة تحضر الفطار لمدام امينه وخرجت من المطبخ وهى خرجه سمعت صوت خبط على الباب راحت فتحت الباب
فريدة: انت تعرف لو اعرف مكنتش هفتح
جاسر بابتسامه: الحمدلله انك مكنتيش تعرفى
فريدة : اتفضل
جاسر بابتسامه : اتفضل متفضلش ليييه
جاسر فى نفسه: كتك القرف فى حلاوتك هههههههه
فريدة كانت طالعه ووقفت فى مكانها على صوت جاسر
جاسر بابتسامه جذابه: شكلك حلو فى الازرق فريدة كانت لابسه بنطلون ابيض وتشيرت ازرق مكتوب عليه بالابيض
وطرحه باللون الابيض وكوتشى رياضى ازرق
فريدة ابتسمت وطلعت من غير ما تبصله
فريدة لنفسها: يخربيتك يا اخى وقفت قلبى
فريدة خبطت على باب اوضه امينه ودخلت ووشها احمر ومبتسمه وسرحانه
امينه ونور بصوا لبعض باستغراب
نور لامينه: مالها دى
امينه: مش عارفه
نور لفريدة: فريدة فررريدة فرررررريدة
فريدة: هاااا فى حاجه
امينه: فى حاجه ايه يا بنتى مالك وشك احمر كدا ليييه
فريدة : لا ولا حاجه ولا حاجه مفيش
امينه بضحك على منظر فريدة: انتى اتجننتى يا بنتى ههههه
نور: هههههه فى ايه يا فريدة قولى
فريدة:مفيش يا بنتى
الدادة خبط ودخلت
الدادة : الاكل جهز يا مدام امينه هتاكلى هنا ولا مع ليث بيه وجاسر
فريدة سمعت اسم جاسر ووشها احمر تانى وأمينه اخدت بالها
امينه بمكر : لا هناكل تحت واعملى حساب فريدة ونور
نور وفريدة: لا احنا اكلنا
امينه بحدة مصتنعه: ولا كلمه اللى أقوله يتسمع فاهمين
نور وفريدة بطاعه :فاهمين
امينه للدادة : انزلى انتى
الدادة : حاضر يا هانم
امينه: يلا عشان هنفطر سوا
امينه كانت مبسوطه جدا لانها لحظت نظرة فريدة لجاسر
وان نور بتحب ليث وسرحت فى المحادثه اللى بينها وبين نور
_______________flashback____________________
امينه لنور: قوليلى يا حبيبتى انتى مبسوطه فى شغلك
نور : هو بصراحه انا كنت بتمنى اشتغل في الشركه دى من زمان ولما روحت الشركه والحمدلله اتوظفت فيها اول يوم تفاجئت ان الرجل الضخم دا ..اسف اقصد ليث بيه
امينه بضحك حتى أدمعت عيناها: هههه هههههههه الرجل الضخم ليه مسمياه كدا دا حتى ليث طيب
نور حكت لها على الموقف اللى حصل لما كان هيخبطها
امينه: هههههههه انتى بقا البنت اللى كانت مجنناه
نور : بصراحه انا كنت خايفه جدا وكان نفسى أجرى من قدامه
امينه بابتسامه: بتحبيه ؟!
نور : هااا
امينه بابتسامه: أنا قولتلك ايه اعتبرينى زى مامتك واحكيلى
نور هزت راسها بنعم
امينه بفرحه : انا كنت عااارفه تعالى فى حضنى
نور حضنتها وكانت مكسوفه جدا وأمينه فرحتها كانت متتوصفش خصوصا انها حبت نور من اول ما شافتها
Back
نور لامينه : ايه يا ماما سرحانه فى ايه
امينه بابتسامه: ولا حاجه يا بنتى اقعدى على السفرة انتى وفريدة لما انادى على ليث وجاسر
نور وفريدة قعدوا على السفرة وأمينه راحت المكتب لليث وجاسر
امينه خبطت على باب المكتب ودخلت
امينه : مش كفايه شغل بقا
ليث باستغراب : ماما انتى نزلتى ليه
امينه : اصل نور هنا هى وفريدة وهياكلوا معايا أنا حبيتهم اوى
جاسر: اه أنا جعان ورايح اكل
ليث : هى نور هنا؟!
امينه : اها
ليث : احم طيب يلا عشان تفطرى وتاخدى دواكى
امينه بابتسامه: يلا يا حبيبى
الكاتبه الصغيرة/فريدة
_____________________________________________
جاسر سبقهم وراح قعد قصاد فريدة ، فريدة بصتله
فريدة: احم هو ماما امينه مجيتش لسه ليه
جاسر : ماما؟! انتى بتقوليلها يا مااام..قطعه كلامه امينه
امينه : اه بتقولى يا ماما عندك مانع يا جاسر وبعدين أنا حبيتهم جدا وبعتبرهم زى ولادى وبتمنى يقعدوا معايا على طول
جاسر بابتسامه : ياريت والله
امينه ضربته على دماغه : اتلم يا حيوان
ليث فضل باصص على نور ونور وشها بقا كله احمر
ياإلهى كم تبدو جميله
امينه لاحظت نظرات ليث لنور: ايه يا ليث مش هتفطر
ليث: ها لا هفطر اهو
جاسر قعد قصاد فريدة ونور قصادها امينه وليث على كرسى
امينه كانت مبسوطه جدا وفضلت بصلهم ومبتسمه والدموع تتلألأ فى عينيها
ليث لاحظ الدموع فى عينيها: مالك يا.ماما انتى كويسه؟!
جاسر وفريدة ونور قلقوا عليها لان كان شكلها مرهقه جدا
فريدة: ماما انتى كويسه تعالى نطلع الاوضه واقيس ليكى ضغطك فريدة سندت امينه بس امينه داخت وكانت هتقع ليث لحقها واشتالها بعد ما اغمى عليها فريدة ونور راحوا اوضه امينه
فريدة لنور : روحى اعملى ميه بسكر بسرعه ضغطها عالى
فريدة حاولت تفوقها ومكنتش بتفوق فريدة عيطت وفضلت تفوقها لحد ما فاقت فريدة قعدت تعيط جامد ووشها احمر
جاسر استغرب هو ليث هى ليه بتعيط
فريدة حضنت امينه جامد وعيطت: خضتينى عليكى أنا كنت خايفه اوى عليكى
امينه بتعب : متخافيش يا حبيبتى أنا كويسه
نور جابت الميه بسكر وامينه شربتها واخدت الدوا
فريدة سابتهم وخرجت الجنينه وقعدت تعيط
امينه باستغراب : هى فريدة مالها ؟!
نور بحزن: فريدة يتيمه الام والاب وهى بتحب اوى عشان كدا قالتلك يا ماما وكانت خايفه تخسرك
جاسر زعل عليها جدا لأنه حاسس بيها لأنه يتيم وراح ليها
نور لامينه: هنسيبك بقا ترتاحى شويه
امينه بتعب: ماشى يا حبيبتى
ليث ونور نزلوا
ليث: انسه نور
نور ودقات قلبها تتصارع: ن نعم!
ليث: هو انا انا كنت عايز اقولك انا اسفه على الكلام اللى قولته ليكى
نور بابتسامه هادئه: حصل خير
ليث بابتسامه : تشربى نسكافيه؟!
نور بابتسامه: اوك
ليث راح يعمل النسكافيه ونور كانت هتطير من الفرحه ودخلت قعدت فى الصالون تستنى ليث
_____________________________________________
جاسر راح لفريدة الجنينه ولقاها قاعدة على الأرض وبتعيط جامد فضل واقف وراها وزعل اوى عليها كان نفسه يخدها فى حضنه ويطمنها أنه جمبها ومش هيسيبها ابدا جاسر راح وقعد جمبها وساب ما بينهم مسافه كبيرة
جاسر : انتى كويسه
فريدة بصتله وكانت عينيها حمرا ووشها كله احمر اول ما شافته مسحت دموعها بعنف : انت جاى هنا لييييه؟!
جاسر باستغراب: حتى وانتى زعلانه لسانك طويل؟! أنا شوفتك بتعيطى قولت اجى اطمن عليكي مش اكتر!
فريدة: أنا مش بعيط وملكش دعوة بيا امشى من هنا
جاسر بتفهم: انتى مضايقه أن أنا شوفتك بتعيطى؟!
فريدة بحزن: أنا خوفت اوى لما مقاميتش فريدة بصت لجاسر وعيطت جامد: كنت خايفه اخسرهااا كنت خايفه أتيتم تااانى تعرف أنا دايما اخواتى جمبى وبقول ليهم يا ماما وبحبهم جدا بس ماما امينه بحسها امى مكنتش هستحمل لو حصل ليها حاجه ١
جاسر والدموع تملأ عينيه: الحمدلله هى بقت كويسه متخافيش
فريدة بصتله: مع انك بارد بس شكرا
جاسر بصدمه: باااارد؟! انتى بجد لسانك طويل بشكل ولازم اقطهعولك
فريدة قامت من على الأرض ووقفت قدامه: وانت مين انت أن شاء الله عشان تكلمنى كدا
جاسر وقف قصادها: انت بجد مجنونه
فريدة: انت اللى مجنون
جاسر: تعرفى سيبهالك وماشى
فريدة: مع الف سلامه يا اخويااا
جاسر سابها ومشى: ورحمه امى ما حد هيربيكى غيرى بقا أنا مجنون حبيت واحدة لسانها اطول منها ربنا يصبرك يا جاسر. جاسر دخل الڤيلا وفريدة كانت وراه دخلوا الصالون
___________________________________________
ليث عمل النسكافيه وراح الصالون
ليث بابتسامه : متاخديش عليها كتير
نور بصتله وعلامات الدهشه على وجهها
ليث باستغراب: مالك؟!
نور : هو حضرتك بتضحك زينا وكدا
ليث بضحك حتى أدمعت عيناه: ههه هههههههه ليه مش بشر أنا
نور: سبحان الله اللى يشوف حضرتك فى الشركه ميشوفش حضرتك دلوقت
ليث: أولا أنا فى الشركه حاجه وفى البيت حاجه تانيه خالص ثانيا ايه حضرتك دى احنا مش فى الشغل قوليلى ليث
نور بكسوف: حاضر
ليث بتسليه: يعنى انتى عارفه اسمى؟!
نور: اه طبعا
ليث: بجد تب أنا اسمى ايه
نور : ليث
ليث بابتسامه : مكنتش اعرف ان اسمى حلو كدا
قطع حوارهم دخول جاسر بوجهه الغاضب
ليث: مالك يا جاسر
جاسر لنور: قريبتك دى اطول من لسانها مشوفتش
نور: خالتووو
جاسر باستغراب: خالتو مين اقصد فريدة
نور: ايوا ما هى فريدة خالتى
جاسر وليث بصوا لبعض بدهشه وشافوا فريدة وهى داخله الصالون وبصوا لنور ودخلوا فى نوبه ضحك
ليث وعينه دمعت من الضحك: خااااالتك ازززاى هههههههه هههههههه
جاسر لفريدة: ازيك يا خالتووو هههههه هههههه
فريدة بغضب: ههههه خفه يااااض
ليث: هههههه هههههههه
فريدة وهى تنظر لليث ولنور: ايدا حضرتك بتضحك زينا
ليث: هو انتوا ليه مستغربين أن أنا بضحك بس مش حوارانا ازاى انتى خالتها
جاسر : ايوا عايز افهم
فريدة: وانت مالك
جاسر ببرود: مبتكلمش معاكى انابقول للانسه نور
نور بضحك: عادى يا جماعه بتحصل ههههههه
فريدة: حتى انتى يا نور اى عمركوا ما شوفتوا خاله مش قصه هى؟!
جاسر: بس يا خالتووو
فريدة: هه ههه خفه
جاسر: مش هرد عليكى
فريدة: احسن
وقطع كلامهم صوت حذاء بكعب الكل بص على مصدر الصوت
نور وفريدة بصوا ليها بصدمه وبصوا لبعض
جاسر وليث: سررررين؟!
نور لفريدة: هل لبسه كدا ليييه
فريدة بوشوشه : شكلها جايه من كباريه النجوم
جاسر كان واقف جمب فريدة ووسمعها قعد يضحك
ليث لسرين: جايه هنا ليييه يا سرين
سريين بابتسامه باردة: ايه يا ابن عمى هتطردنى من بيت عمى
ليث: سؤالى واضح يا سرين جايه لييه
سرين بصت على فريدة ونور
سرين بتكبر: قول للخدامين يخرجوا
فريدة لجاسر: هى تقصد مين
جاسر يجاهد ليمنع ضحكته: ليكى
فريدة بصدمه: لياااا
فريدة لسرين: سلامه النظر يا عنيه كبرتى بدرى بدرى
ليث بص لجاسر وابتسم جاسر راح وقف جمب ليث
جاسر لليث: أنا بقول نسيب البنات تقوم بالواجب
ليث: تقصد فريدة انت مش شايف نور وقفه خايفه ازاى احنا نقف نتفرج هههه
سرين لفريدة بتكبر: اخرسى انتى مش عارفه بتكلمى مين
فريدة بتكبر مشابه: ولا يفرق معايا انتى ملكيش قيمه اصلا
ليث متدخلا: عايزة ايه ياسرين ؟!
سرين: انت عارف انا جايه لييه يا ليث
ليث: وانا قولت لا واطلعى برة
امينه صحيت على صوتهم ونزلت
امينه : فى ايه يا ولاد صوتكوا عالى ليه
نور قربت منها ومسكت أيدها تسندها: ماما ايه اللى نزلك المفروض ترتاحى
سرين باشمئزاز: ماما؟!! هه هى البيت بقا ملجأ لولاد الشوارع اسكتت سرين صفعه على وجهها
ليث بغضب: اطلعى بررررة مسمعش صوتك وفكرى بس مجرد تفكير تيجى البيت دا تانى هتشوفى ليث عمرك ما شوفتيه وهتندمى برررررة
سرين بنبرة مستفزة: شكل بابا معرفش يربيك لما قتل ابوك ههههه انت اللى هتندم يا ياليث كان الأول مامتك دلوقتى بقوا تلاته وبصت على نور وفريدة وأمينه
سرين خرجت من الڤيلا وليث قعد على الكنبه وغمض عينه ومسك دماغه
وجاسر فضل باصص لفريدة بخوف
نور باستنكار: هو ايه اللى بيحصل أنا مش فاهمه حاجه
فريدة: ولا أنا !!!
امينه لليث: ناوى على ايه ياليث
ليث بخوف : مش عارف مش عارف مش قادر افكرررر
جاسر لليث: متقلقش أن شاء الله خير
ليث: أن شاء الله .
أنت تقرأ
ذات الرداء البنفسج
Roman d'amourفتاه بسيطه مرحه تحب أسرتها الصغيرة هو رجل حاد الطباع يهابه الكثير يمتلك ملامح رجوليه قويه وقاسيه انهارت حصونه عند رؤيته لعينيها السوداء ورموشها الطويله.
