فى فيلا ليث
ليث صحى من النوم اخد شاور ولبس وأدى صلاته ونزل لمامته
ليث: ماماااا
امينه : صباح الخير يا حبيبى
ليث وهو يقبل يدها: صباح النور يا حبيبتى
امينه : هتفطر هنا ولا فى الشركه
ليث : لا فى الشركه
_________________________________________
فى الشركه
ليث وصل الشركه وراح يركب الاسانسير لقاها واقفه مستنيه الاسانسير
نور لاحظت وجودة بصتله وسكتت الاسانسير وصل نور ركبت بسرعه ليث وهو داخل نور منعته
نور بابتسامه:سورى بس مينفعش تركب معايا
تراجع ليث أثر الصدمه وفاق على تحرك الاسانسير
ليث فى نفسه: مجنونه.
نور ركبت الاسانسير وكانت مضايقه أنها شافته
وضحكت لما افتكرت شكله لما منعته يركب معاها الاسانسير ،الاسانسير وقف نور خرجت وكانت راحه على مكتبها وقفها على صوت سيف
سيف: انسه نور عامله ايه
نور بابتسامه : انا الحمدلله كويسه
سيف بابتسامه بلهاء: شكلك مبسوطه النهاردة
نور بابتسامه : اه مبسوطه جدااا
سيف يارب دايما
____________________________________________
ليث ركب الاسانسير وقعد يفكر فى نور وجرائتها
الاسانسير وقف ليث خرج وهو ماشى شاف نور واقفه مع سيف
ليث راح ليها والغضب اتمكن منه
ليث بغضب : اتفضل على شغلك يا استاذ وياريت تركز فى شغلك دا اخر تنبيه ليك
سيف:انا اسف يا افندم سيف راح شغله ونور كانت ماشيه راحه مكتبها
ليث: استنى تعالى ورايا
نور بخوف : حاضر
ليث دخل مكتبه وقعد على كرسى المكتب ونور دخلت وراه
ليث باستهزاء: أظن أن دى مش اول مرة تقفى معاه يا انسه يا محترمه
نور بعدم فهم: تقصد ايه حضرتك
ليث: والله لو عجبك اوى كدا تقدرى تقابليه برة شركه مش فى شركتى فاهمه
نور ودموعها تتلألأ فى عينيها: شوف حضرتك انا مش هسكت على الاهانه دى ودى مش اووول مررة تتهمنى كدا المرة اللى فاتت سكت ومتكلمتش وقولت سوء تفاهم ولو حضرتك خايف على شركتك اوى كدا ارفدنى بما انك مش راضى توافق على استقالتى نور ودموعها على خدها وانا ميشرفنيش انى اشتغل فى شركه مديرها مبيحترمش موظفينه
نور خرجت من المكتب بل من الشركه
نور فى نفسها: انا مستحيل اروح الشركه دى تانى ازاى يكلمنى بالطريقه دى
____________________________________________
فى فيلا جاسر
جاسر فاق على حد بيشدة وبيصحيه جامد
جاسر بصوت عالى : عاااااااايزة ايه يا كااااااااارمااا هوو جوزك دا مش ناااااوى ييجى بقا زهقتووونى
" كارما اخت جاسر الكبيرة ٣٢عندها وليد ١٢ سنه واسراء ٨ سنين "
" سارة أخته التانيه عندها ٢٨ سنه عندها رغد ٥ سنين" متجوزين وعايشين برة بييجوا لجاسر على طول يقعدوا معاه"
كارما : قوووم يا جاسر اسرااء سخنه اوى وحراراتها مش راضيه تنزل قوم ودينا المستشفى
جاسر : طيب هاخد شاور والبس
كارمن : متتاخرش هنزل البس انا كمان
جاسر اخد شاور ولبس ونزل لكارما
جاسر : كارمااااا
كارما: جاسر تعالى انا فى الاوضه
جاسر دخل اوضه كارما وبص على اسراء اللى نايمه على السرير ومبتسمه ليه
جاسر بابتسامه : مبتسمه كدا ليه يا اختى
اسراء: يلااا يا خالوووو اشتالنى
جاسر وهو يقترب منها ويضحك : تعالى يا معذبه خااااالوو وجيباله الغدروف هههههههه
اسراء : هههههههه
جاسر : سارة فين يا كارما مشوفتهاش ؟!
كارما : اخدت رغد ووليد وراحت المول
جاسر : مقاليتش ليه وانا اوديها؟!
كارما: لا وانت ماشاء الله عليك بتقوم فى ثانيه حبيبى احنا بقالنا ساعه بنصحيك وسارة راحت المول عشان تجيب حاجات لأننا مسافرين بكرة وحضرتك ناسى
جاسر: حقك عليا يا ستى يلا بقا عشان انا هيجيلى الغدروف من الوقفه دى وبنت تقيله زى امها صح يا سوسوهههههههه
كارما : تقصد ايه ياااض
جاسر : ولا حاجه يا كبير هههههه
جاسر اخد كارما ورغد وراح المستشفى
جاسر ادخلى انتى بقا للدكتور لما اكلم ليث واجيلك
كارما : اوكى
جاسر سابها ووقف بعيد ورن على ليث
_____________________________________________
فى الشركه
ليث قاعد مضايق من نفسه ومن الكلام اللى قاله لنور
ليث فى نفسه: وبعدين بقا ما هى اللى غلطانه ازاى تقف معاه وتضحك كدا يوووة وانا ماالى
ليث فونه رنه وكان جاسر
ليث : نعم عايز ايه
جاسر : يا ستاااار يااارب
ليث: عايز ايه أنجز
جاسر : انا هتاخر شويه مش هاجى الشركه الوقت
ليث : ليه يا اخويا خير
جاسر : اسراء سخنه واخدتها المستشفى وكارما معايا ومش هينفع امشى
ليث: الف سلامه عليها
جاسر : الله يسلمك
ليث: ماشى سلام
جاسر سلام
جاسر قفل الفون وراح لكارما أخته وهو ماشى خبط فى بنت ووقع أوراقها
جاسر وهو بيساعدها : انا اسف جدا والله مختش بالى
البنت بنبرة تشبه بالبكاء: انت على غبى لغبطلى الاوراق اعمل ايه دلوقتى ووقفت من على الأرض
جاسر: انا اس....قطع ليث كلامه
جاسر : انتى
فريدة : انت
فريدة بغضب : انت غبى ومش بتشوووف وقعتلى الورق اللى برتبه بقالى ساعه
جاسر بابتسامه : قولتلك اسف ثم انك قصيرة اوى ومش باينه من الأرض اعمل ايه يعنى
فريدة بغضب : مين دى اللى قصيرة ما تحترم نفسك يا اخ انت
جاسر بضحك : هو انتى ليه دايما متعصبه كدا دا الحياه حلوة وانا حلو وانتى حلوة هههههههه
قاطعتهم كارما هى واسراء
كارما فى ايه يا جاسر
كارما انتبهت لفريدة : ازيك يا قمر
فريدة بابتسامه جذابه : الحمد لله
جاسر بدهشه من تغير فريدة المفاجئ : يا مغير الاحوال من حالا إلى حال
فريدة بابتسامه عاديه لكارما ولكنها اذابت قلب جاسر : بعد ازنك هروح أكمل شغلى
كارما بابتسامه هادئه: اتفضلى يا حبيبتى
فريدة راحت شغلها وجاسر فضل سرحان فى آثارها
كارما بابتسامه ماكرة: حلوة
جاسر بتوهان: جدااا
اسراء بضحك على خالها: هههههههه
جاسر فاق على ضحك اسراء : بتضحكى على ايه يا اختى تعالى ههههههههه
كارما: يلا يا اخويا زمان سارة والولاد فى البيت
جاسر وصل كارما واسراء البيت وراح لليث الشركة ___________________________________________
فى شركه الليث
ليث سرحان فى نور وقرر يروح يعتذرلها فى مكتبها ليث راح لنور مكتبها وخبط بس محدش رد فتح الباب والمكتب كان فاضى عرف انها مشت واتعصب انها مشت ليث راح مكتبه وطلب السكرتيرة رضوى خبطت ودخلت المكتب
رضوى : نعم يا افندم
ليث: عايز الcv بتاع الانسه نور خالد حالا
رضوى : حاضر ياافندم حاجه تانيه
ليث: لا اتفضلى
رضوى جابت الcv وسلمته لليث
ليث عرف عنوانها ورقم تليفونها
ليث كان عايز يرن عليها بس غروره منعه وساب الفون من ايدة
ليث فى نفسه: انا هستنى لبكرة لو مجيتش هرن انا عليهااا ، وانا هرن عليها ليه واعتذرلها ليه انا مغلطش هى اللى غلطت وكان لازم تتعاقب
قطع تفكيرة اقتحام جاسر غرفه المكتب
جاسر بابتسامه بلهاء: انااااا جيييييييت ههههه
ليث : اهلا
جاسر قاعدة على كرسى مقابل لليث: مالك
ليث: مفيش
جاسر : مفيش ايه يا ابنى انت مش شايف شكلك احكى فى ايه
ليث حكى لجاسر اللى حصل وأن نور قدمت استقالتها وهو رفضها
جاسر : بس انت غلط يا ليث مكنش ينفع تكلمها كدا مفيش بنت تستحمل الكلام دا ثم إن سيف دا بيدربها فا طبيعى تتكلم معاه جاسر بمكر وبعدين انت ايه اللى مضايقك بتحبها مثلا؟!
ليث بغضب : لا طبعا احبها ايه دى مجرد متدربه مش اكتر
جاسر : ماشى يا اخويا خلينا بقا نخلص الشغل دا
ليث وجاسر كملوا شغل وليث حط كل تركيزة فى الشغل عشان ميفكرش فى نور
بعد ٣ ساعات
جاسر بتألم : ااااااه ربنا يسامحك يا اخى على اللى انت بتعمله فيه
ليث ببرود : انجز يا جاسر لسه مخلصناش
جاسر حط أيده على خدة: والله ما انا شغال ياليث انت ايه يا اخى مبتزهقش
ليث بملل : خلاص يا اخويا تعالى نأكل برة
جاسر : مش هينفع اخواتى مسافرين بكرة ولازم اقعد معاهم
ليث : تمام
جاسر وليث خرجوا من الشركه وكل واحد ركب عربيته وراح بيته
_______________________________________
فى منزل جاسر
جاسر وهو داخل البيت : يااااا اااااااهل البيييييت
وليد : اهلا يا خالو تعالى
جاسر : اهلا يا اخويا امك فين وخالتك
وليد : فى المطبخ بيعملوا عشا
جاسر بصوت أشبه بالهمس: سيبك انت مفيش مزة كدا ولا كدا
وليد بنفس الهمس: عيب عليك يا شبح دا انا تربيتك
قاطعت همسهم سارة
سارة : وليد
وليد بخضه: والله ما انا يا خالتوا دا هو اللى علمنى ازاى أوقع البناااا جاسم حط ايدة على شفايفه ووشوشه
جاسر بهمس : الله يحرقك هتفضحنا مسمعتش حاجه
سارة بشهقه : بيعلمك توقع ايييييه بتعلم الواد ايه يا جاسر انا هروح اقول لكارما وهى هتربيكوا انتوا الاتنين
جاسر لوليد: وليد
وليد بخوف من كارما: هممممم
جاسر : بتعرف تجرى ؟!
وليد ساب جاسر وجرى
جاسر : يا ابن الايه خوووود يلااااااا _____________________________________________
فى فيلا ليث
ليث : ماما جيت
امينه : حمدلله على السلامه يا حبيبى ليث تعالى عايزاك
ليث وهو يقترب من امينه
امينه : تعالى اقعد جمبى
ليث بقلق: خير يا ماما انتى كويس
امينه : متخفش يا حبيبى انا كويسه
ليث : اومال فى ايه
امينه بنظرة حنونه: شوف يا ليث انت ابنى الوحيد وعارف انا بحبك اد ايه ونفسى افرح بيك يا ابنى انا كبرت ونفسى اشوفك وانت بتتجوز وأشوف عيالك واطمن عليك قبل ما اسيبك
ليث بخوف : ايه اللى بتقوليه دا يا ماما ربنا يخليكى ليا امينه حضنت ليث وطبطبت عليه انسى يا ليث انسى يا ابنى وشيل الانتقام دا من دماغك ربنا كبير يا حبيبى مضيعش حياتك يا ابنى اوعدنى يا ليث انك تشيل الفكرة دى من دماغك اوعدنى امينه ابعدت ليث عن حضنها امينه بدموع : اوعدنى يا ليث وريحنى
ليث بإصرار : مستحيل يا امى مستحيل اسامح اللى كان السبب فى موت ابويا مستحيل
ليث طلع اوضته اخد شاور ولبس ترينج ونام على السرير وفضل سهران طول الليل لحد ما راح فى نوم عميق
--------------------------------------------------------------
أنت تقرأ
ذات الرداء البنفسج
Romanceفتاه بسيطه مرحه تحب أسرتها الصغيرة هو رجل حاد الطباع يهابه الكثير يمتلك ملامح رجوليه قويه وقاسيه انهارت حصونه عند رؤيته لعينيها السوداء ورموشها الطويله.
