ذات الرداء البنفسج

ذات البنفسج البارت14

ذات الرداء البنفسج البارت الرابع عشر
فى منزل نور
انجى راحت تصحى نور 
انجى : نووور نور قومى يا كسلانه يلا
نور بنوم : هممم صباح النور
انجى بابتسامه هادئه: صباح الخير يا حبيبتى قومى كدا خدى شاور وصلى وتعاليلى عايزاكى
نور: حاضر يا قمر
نور اخدت شاور ولبست إسدال الصلاة وادت فرضها ولبست هدومها ونزلت لوالدتها
نور: ماماا
انجى: تعالى يا حبيبتى
نور راحت وقعدت جمب والدتها : خير يا ست الكل
انجى بابتسامه هادئه: حبيبتى انتى دلوقتى كبرتى ودى السنه الأخيرة ليكى
نور بقلق: قولى يا ماما فى ايه
انجى: بصى يا حبيبتى اتقدملك عريس امبارح ومن عيله محترمه جدا هو اسمه...قاطعتها نور
نور : ماما لو سمحتى مش عايزة اتكلم فى الحوار دا ممكن
انجى: مش لما تعرفى هو مين الاول؟!
نور: مش عايزة اعرف ياماما
انجى: شوفى يا نور أنا مش هغصبك على حاجه بس انا كلمت والدك وهو مرحب بالعريس شوفيه يانور الأول وقولى رايك مش يمكن يعجبك
نور: بس يا ماما.....
انجى: نور عشان خاطرى شوفيه الأول وقولى رايك اتفقنا
نور بحزن: اتفقنا ياماما
انجى بفرحه: وانا هكلم والدته واقولها على معاد ييجوا فيه
نور: هو بابا مش جاى؟!
انجى : لا يا حبيبتى قالى هييجى كمان يومين
نور بفرحه: بجد؟!
انجى: جد الجد كمان يلا نفطر عشان متتاخريش على جامعتك
نور : اوك اسبقينى وانا جايه وراكى
انجى راحت المطبخ ونور رنت على ليث عشان يوصلها
___________________________________________
فى ڤيلا ليث
ليث كان نايم وصحى على صوت فونه وكانت نور
نور : صباح الخير
ليث بابتسامه: صباح النور وحشتينى
نور بخجل: ليث هستناك متتاخرش
ليث بابتسامه هادئه: ماشى ياحبيبتى هلبس واجيلك
نور: اوك
ليث حس أن نور زعلانه
ليث: نور
نور:امممم
ليث: مالك يا حبيبتى حد مزعلك
نور: لا
ليث: نووور متأكدة
نور بتنهيدة: هحكيلك لما تيجى
ليث: مسافه الطريق واكون عندك
ليث اخد شاور ولبس هدومه ونزل لوالدته
ليث: ماما
امنيه: نعم يا حبيبى
ليث : صباح الخير ياست الكل
امنيه: صباح النور رايح توصل نور؟!
ليث: ايوة
امينه : ماشى يا حبيبى خلى بالك من نفسك
ليث: أن شاء الله سلام
ليث خرج من الڤيلا وراح لنور
ليث وصل بيتها ورن عليها تنزله
____________________________________________
فى منزل نور
نور فطرت وقعدت تستنى ليث وبتفكر ايه ردت فعله لما يعرف أن حد متقدملها وفاقت على صوت فونها وكان ليث
قفلت الخط ونزلتله
نور فتحت باب العربيه وقعدت جمبه ومتكلمتش ليث احترم سكوتها وساق عربيته
فى الطريق
ليث بحنيه: مالك يا حبيبتى
نور بحزن: ليث فى حد متقدملى
ليث بابتسامه هادئه: وفيها ايه؟!
نور بصتله بدهشه: ليث بقولك فى حد متقدملى؟!
ليث بابتسامه: حبيبتى شوفيه الأول عجبك وافقى معجبكيش متوافقيش
نور: ليث انت بتتكلم بجد؟!
ليث : ايووة طبعا بتكلم بجد
نور: ولو وافقت ؟!
ليث بصله وابتسم
نور: ليث انت مش بتحبنى ؟!
ليث بابتسامه جذابه: غبيه أنا عديت الحب بمراحل
نور والدموع تتلألأ فى عينيها: اومال ليه بتقولى أقابله
ليث: نور انتى بتحبينى؟!
نور بصتله وسكتت
ليث: عرفت جوابك ايه
نور بصتله بغضب: انت غبى بعد كل دا وبتقولى بتحبينى ولا لا هو انا لو مش بحبك كنت هزعل أن فى حد متقدملى طبعا بحبك يا حمار
ليث بابتسامه: وانا بحبك
نور بدموع : اومال ليه بتقولى اقابل اللى متقدملى دا
ليث: امسحى دموعك وروحى جامعتك ونتكلم بعدين
نور بصتله ونزلت من العربيه
ليث فى نفسه: غبيه
ليث راح الڤيلا ودخل المكتب ورن على جاسر
جاسر : صباحووو ورد
ليث بابتسامه: الصباح النور انت فين؟!
جاسر: كنت بوصل الهبله جامعتها
ليث: طيب تعالى عايزك
جاسر: فوريرة واكون عندك وقول لماما امينه تعملى فطار احسن أنا ضعيف الفترة دى
ليث بضحك: هههههههه ماشى يا ياخويا تعالى يلا
جاسر: اوك سلام
ليث: سلام
ليث قفل الخط وراح لامينه يقولها تعمل فطار ليه ولجاسر
ليث: ماما
امينه: نعم
ليث بابتسامه: اعمليلى فطار أنا وجاسر
امينه: ماشى يا حبيبى
ليث راح مكتبه وكمل شغل لما جاسر يوصل
__________________________________________
فى الجامعه
نور واقفه مع ندا وامانى
أمانى: ايه يابنتى مردتيش علينا امبارح ليه هنخرج ولا لا
نور بتذكر: اوبس نسيت خالص
ندا: ايوة يعنى هنخرج ولا لا
نور بتفكير: يلا بينا هنخرج" نور مكنتش هتوافق عشان مقالتش لليث بس افتكرت ردت فعله لما قالتله أن متقدملها عريس وافقت تخرج"
أمانى : اشطا يلا بينا
نور خرجت ومخدتش بالها بالشخص اللى بيراقبها
نور وامانى وندا راحوا كافيه وطلبوا اكل
أمانى: يااااه الواحد مش مصدق أنه خرج هههههه
نور : ههههه اه والله مخرجناش من زمااان
ندا: ههههه مقعدناش مع بعض من زمااان يا ولاد
نور: ههههه ادينا قعدنا ياختشى
امجد كان بيراقب نور ولما شافها وهى بتضحك وفرحانه ابتسم
امجد فى نفسه: مش هقدر اعمل كدا أنا اذيتهم كتير اوى مش هعمل كدا امجد مشى ونفذ اللى بيفكر فيه
________________________________________
فى الجامعه
فريدة: ااااه معتش قااادرة ياولاد انا بكرة الدكتور دا يا ولاد
روان : قال يعنى احنا اللى ديبين فى هواه دكتور رخم
منه : أنا مش هحضرله محضرة تانى
فريدة:تعالوا نقعد فى الكافيه نشرب حاجه
روان: نشرب بس؟!
فريدة بضحك: ما طبيعى مش هقعد غير لما اكل يلا هههههه
منه: ههههه طفسه
الثلاثى المرح راحوا الكافيه وقعدوا
منه: عايزين نطلع رحله يا ولاد
روان : اه والله نفسى
فريدة: يااختى اتهدى منك عليها معتش حاجه على الامتحانات
روان : أن شاء الله هنعدى هههههه
منه: ههههه
فريدة: على رأيك هههههه
كان فيه بنات بتراقب الثلاثى المرح بغضب
اسراء: أنا بكرة الثلاته دول
دعاء: ومين سمعك بالذات فريدة دى نفسى اقتلها
نرمين بغضب: مستنيين ايه قوموا يلا
اسراء ودعاء ونرمين راحوا ليهم
اسراء بشموخ: انتى يا بتاعه انتى وهى
فريدة ومنه وروان بصوا ليهم وضحكوا ومردوش
اسراء: قوموا من هنا دا مكانا
فريدة بصت لها ببرود: جيباها من بيت ابوكى؟!
اسراء رفعت أيدها وكانت هتضرب فريدة بالكف بس فريدة وقفت ومسك أيدها ولويتها ورا ضهرها : ايدك لتوحشك يا حبيبتى وزقت اسراء وقعتها على الأرض
نرمين: انتى قد اللى انتى عملتيه دا
روان متدخله: لو مش قدها مكنتش عملتها ولا ايه يا ديدا
فريدة بصت لروان وضحكت: بصرة يا معلم ههههه
دعاء: على فكرة انتى بنت بيئه اكيد اهلك جايين من الشارع
فريدة الغضب عماها ومسكت دعاء من شعرها وضربتها والسته مسكوا فى بعض " خناقه بنات بقا 😂"
السته راحوا لعميد الكليه
العميد بغضب: لما انتوا تعملوا كدا سبتوا ايه للولاد
فريدة ببرودها المعتاد: حضرتك احنا كنا قاعدين وهما اللى اتخانقوا معانا الاول وكانوا عايزنا نقوم من مكانا
العميد لفريدة: تجيبيلى ولى امرك بكرا فاااهمه
فريدة بحزن: معنديش ولى أمر
العميد: والدتك
فريدة: متوفيه
العميد بغضب: اخووووكى
فريدة والدموع تتلألأ فى عينيها: معندييييش ولو سمحت متعليش صوتك عليا غير لما اكون غلطااانه ولو أنا غلطانه كنت اعتذرتلهم من غير ما حد يقولى
فريدة فونها رن وكان جاسر فصلت الخط
العميد : اتفضلوا على محاضراتكوا ودى اخر تنبيه فاهمين
فريدة خرجت ووراها روان ومنه
منه لروان: الحمدلله انها ممسكتش فيه
روان : الحمدلله تعالى نشوفها
منه: لا ياما انتى عارفه فريدة مش بتحب حد يشوفها بتعيط وهتضايق لو روحنا ليها
___________________________________________
فى ڤيلا ليث
جاسر بقلق: مش بترد؟!
ليث: رن تانى
جاسر رن على فريدة ومرديتش
جاسر: فصلت الخط أنا قلقان عليها أنا هقوم اروح ليها
ليث: استنى جاى معاك
ليث وجاسر خرجوا من الڤيلا وركبوا عربيه ليث وراحوا الجامعه
________________________________________
فى الجامعه
فريدة قاعدة مضايقه روان ومنه راحوا ليها وقعدوا معاها
روان: فكك يا فريدة سيبك منها
منه بهزار: بالامانه فى حد يزعل القمر دا اضحكى ياديدا بقا هههه
فريدة بضحك: هههه انتى عارفين انى تافهه وهضحك هههه
فريدة ومنه وروان قعدا يهزروا مع بعض دعاء اضايقت منهم وراحت ليهم
دعاء ببرود : هه متفكريش أن انتى ممكن تاذينا فاهمه أنا ممكن اخلى دادى يقول للعميد يرفدك فاهمه
فريدة : اللهم طولك ياروح
دعاء بمكر: أن مش هعمل كدا شافقه بيكى لأنك يتيمه ومعندكيش أهل
منه بوشوشه لروان: هى الجانيه على نفسها
روان لمنه: خلينا نتفرج على الحرب
فريدة قامت لدعاء: حافظه الفاتحه يا دودو
دعاء : ييس
فريدة: تب اقرايها على روحك يا عنيه
فريدة وقعت دعاء على الأرض وقعدت تضرب فيها
فريدة: انا اصلا كنت نفسى اضربك من زمان