نوفيلا ذنب لااعرفه
بقلم منى ارام
الفصل الاول
يا برودك ياختي ولا كأن الي اتجوز فوق دا جوزك انت اتجننتي يارقية خلاص فيه واحدة تكون الليلة ذخلة جوزها على واحدة ثانية وقاعدة تاكل ولا همها
رقية : وماكلش ليه وهو ايه الي حصل يعني ياهدى
هدى :حصل ان جوزك اتجوز عليكي ياختي
رقية : بضحكة ساخرة : ما انا عارفة مش انا الي عرضت عليه الجواز والعروسة كمان
هدى : ما هو دا الي هيجنني ازاي قدرتي تعملي كدا ؟؟
رقية : يووووه ياهدى ماانت عارفة الي فيها انا مابخلفش وعلى ايدك بقالي خمس سنين بجري على الدكاترة ومافيش امل عاوزاني اعمل ايه يعني؟؟
هدى : تقومي تجوزي جوزك يايدك !!
رقية : وماجوزوش بنفسي ليه ما هو كدا كدا هيتجوز ولا فكرك الحيزبونة امو هتسيبو من غير جواز وعيال كدا
اهو يتجوز بمزاجي احسن ما يتجوز غصب عني ومن عالم يمكن ساعتها امو تضغط عليه ويطلقني وارجع لوش ابوكي وللفقر من ثاني
هدى : يعني تذلي نفسك علشان الفلوس يارقية
رقية : ايوى علشان الفلوس انا مستحيل اتنازل عن عشتي دي وارجع للمرمطة من ثاني انا ماصدقت طلعت منها
هدى : و اش ضمنك تقعدي فيها ما يمكن العروسة الجديدة ترمكي برى
رقية : هههه ضحكتني. من دي الي ترمني يا عنيا ،وهو انت فاكرة اني اخترت دي بذات ليه
هدى: لا مش عارفة , كل الي اعرفو انها بنت عمو دمو لحمو
يعني وانت الغريبة ياختي
رقية : يبقى ماتعرفيش حاجة ، انا اخترت الاء علشان متأكدة ان يوسف مش بيكره حد في حياته قدها هي أمها
دا غير حماتي الي بتطيق العمى ولا تطقهمش .
هدى : بس البنت بتحبو ومن زمان وانت عارفة كدا
رقية : ودا بردو الي خلاني اختارها هي بذات علشان عارفة انها بتحبو ومن قبل ما نتجوز انا وهو كمان بس هو مش معبرها ولا بطيق يبص في وشها من اساسو ودا الي خلاه خطبني اول ما ابوه عرض عليه يتجوزها زمان. ورغم انو مش بيعصى ابوه في حاجة بس في دي رفض واتحدى ابوه واتجوزني
هدى : وايه الي خلاه وافق المرة دي يعني ؟؟
رقية : موت امها ياختي ، هي كدا ما فضلهاش حد في دنيا غير عمها حمايا العزيز .وكنت عارفة انو هيجي يعرض عليه يجوزها ثاني
هدى : فعملتي نفسك الزوجة المضحية وعرضتيها عليه الاول
اهو تشيليه جميلة
رقية : صح كدا، وكنت خايفة كمان لو فضلت حماتي ورى زنها تروح تختارلو عروسة من برى تجي تشيل الجمل بما حمل واطلع انا من مولد بلا حمص
هدى : بردو اش ضمنك ان الاء ما تعملش كدا ، ماهي البنت صغيرة وحلوة متعلمة وبتشتغل كمان دا غير ورث ابوها الي عند حماكي
رقية : بقولك مش بطيقها، مش بيطيقها يابنت افهمي
هدى : ايوى ليه يعني. ايه سبب كرهه ليها
رقية : مش عارفة الصراحة
انا عارفة ان حماتي بتكرها هي وامها علشان كانت بتغير على حمايا منها وكانت خايفة تلف عليه وتجوز بعد موت اخوه
وطول عمرها بتعاملهم وحش وبتعاملهم كأنهم خدامين وبتمنن عليهم بالعيشة هنا رغم ان ليهم في ورث
بس اسباب يوسف مش عارفها حاولت كثير افهم منه و كان بيتنرفز كل ما افتح السيرة دي
عموما مش مهم الاسباب المهم النتيجة
هدى : خايفة النتيجة تخالف توقعاتك يا روقا وزي ما غير رأيه واتجوزها يغير رأيه ويحبها وبنت صراحة تتحب كفاية
حلوتها وجمالها
رقية بغضب : قصدك انها احلى مني ؟؟
هدى : هنكذب يا رقية البنت احلى منك بمراحل وانت عارفة
دا احنا كنا مستغربين ازاي سابها واتجوزك انت
رقية : لمي لسانك يابت انت ، طب ايه رايك اني هفرجك ازي هيسيب الحلوة الي فوق وينزل يقضي الليلة دي معايا هنا
هدى : ليلة ايه الي يقضيها معاكي دي ليلة ذخلته انت ناسية
روقة : اتفرجي وشوفي
قالت هذا وهي تفتح باب الشقة
