أمير:ما ادري شلون مديت أيدي على أختي طبعا من حقها تفكر فضلت الغريبة عليها بس حيل عصبتني و استفزني و تهمت سارة بشرفها بس لان تشتغل بالشارع !!
خلي اكوم أعتذر منها كلبي مينطيني تنام زعلانه
دكيت الباب
غيداء (نرفزة): منووأمير:اني
غيداء:شتريد مشتهي تضربني مرة ثانية بلكي ترتاح
أمير:راح أدخل
دخلت جريت كرسي كعدت كدامها هي دايره وجهها ع الجهةة الثانيه و تلعب بالتلفون
أمير: باوعيلي احاجيج
غيداء:ما احجي وياك
أمير:غيداااء
غيداء:اهووو هاي درت وجهي يلا شتريد
أمير:تدرين لسانج طولان وياي حيل شو صايره متحترمين مو شايفتني مدللج تستغلين
غيداء:ليش إلي سويته بي قليل
أمير:غيداء أعترف اني غلطان بس اسالج سؤال واحد شنو شعورج لمن تكونين بنية حبابه و شريفة و ميمسج غير الهوه و يجي غريب من أول أول لقاء يصيح هاي مو شريفة شمروها بره مكانها الزبالة
غيداء:اذبحه غير
أمير:لعد ما فكرتي شنو راح يكون شعور هاليتيمة إلي ما عدها أحد !
غيداء:اي اني ما عندي مشكله وياها بس اذا خطيبي ..
أمير:خطيبي خطيبي شنو متعجبة نخطبتي حسبالك ماخذه سيف نبيل و هو وجهه جنه درنفيس
غيداء:اوووه لا تحجي عنه شنو هاي بس تعيب
أمير:هههه اشاقه وياج ، عمري و أختي الحبيبة إنتي خلي الأمور تمشي طبيعيه و الي يصير يصير و مثل ما إنتي بنيه فكري بالبنيه و خلي نفسج بمكانها و تخيلي بس
غيداء:ماشي خلص فهمت
بوستها من راسها و اعتذرت
أمير:تصبحين ع خيرغيداء:و أنت من أهله
طلعت و سديت الباب
وكفت يم باب سارة تمنيت أدخل احاجيها مشتاق أسمع صوتها بس ترددت الوقت متأخر .غيداء: والله لو اموت ما اخليها بالبيت إلا اسويلها مشاكل و اخليك بنفسك تطردها
🔹♦️🔹♦️🔹♦️🔹♦️🔹♦️🔹♦️🔹♦️🔹♦️
صار الصبح يوم الجمعة
رحت للمطبخ الساعه ب 7 أريد اشرب مي ، شميت ريحة أكل استغربت لأن أمي متكعد قبل ال 8دخلت شفت سارة واكفه ع الطباخ لابسه دشداشه عريضة و شعرها رافعته بس نازلة خصل طويلة منه
ضليت واكف اباوعلها ما كدرت أنزل عيوني عنها صح لابسه عريض بس أكو شي يجذبني إلها ، شكد جنت أشوف بنات لابسات ضيق و يحاولن يغرن بس و لا نجذب الهن ، سارة تختلف بكولشي تختلف
أنت تقرأ
أمـيـر و فـتاة المـناديـل (باللهجة العراقية)مكتملة
General Fictionأموت و لا تدري و أنت قتلتني⭕ فلا أنا ابديها و لا أنت تعلم لساني و قلبي يكتمان هواكم ولكن دمعي بالهوى يتكلم▪️◾◽ ولو لم يبح دمعي بمكنون حبكم تكلم جسم بالنحول يترجم‼️ هل يمكن لبائعة مناديل ♀️في الشوارع أن تحافظ ع شرفها في مجتمع مليء بالذئاب البش...