صعدت فوك لغرفتي فتحت الشباك باوعتله و تبادلنا الابتسامة ، خجلت منه و رحت لفراشي
باوعت للسكف و أحس روحي طايرة من الفرحةة ، ياما سمعت بقصص الحب بس و لا مرة جربته ،
جنت صاينة كلبي و قافتله من كل الجهات لأن المكان الجنت ساكنته مليء بوحوش ميهمهم كلب بس يدورون جسد ،
حافظت ع كلبي و مشاعري و شرفي مو لأجل أحد أصلا ما مصورة يجي يوم و ربي يدزلي هيج إنسان ،
بس جنت محافظه لأجل ربي و سمعة أبويه ،لأول مرة كلبي نبض بالحب ، لأول مرة حسيت إني أريد أبقى طول العمر بقرب هذا الشخص ، لأول مرة جربت الحب ، ودي أطلع و اصيح احببببببببك .
بس خجلانة يربيييي ، غمرت وجهي بالمخدة و ابتسم فرحااانه فرحاااااااانهمن كوتلها احبج كولتها من أعماق كلبي ، اي أحبها لسارة من أول مرة لمحتها و شفت عيونها البراءة إلي بيهن سلبت راحة كلبي ، ميهمني المجتمع شيريد يكول خلي يكول المهم اني أعرف سارة شنو و أعرف هي إلي راح تصون عرضي و ما تغدرني ، المهم سارة تبقى قربي حبيبتي و زوجتي أم بيتي و أطفالي .
خلي أروح أنام فد ساعتين قبل لا أطلع للدوام
مدري شلون راح افارك وجه سارة عشر أيام ،،
اعوف السلام إلي بيتي و اعوف حبي و أروح لعالم أظلم مليان كراهيةة و قتل و دم أبرياء ، هووووف🔹♦️🔹♦️🔹♦️🔹♦️🔹♦️🔹♦️🔹♦️🔹♦️
نمت و صار الصبح حضرت أغراضي مريت ع غرفة سارة حطيت أيدي ع الباب ما أكدر أدخل ، كان بودي أودعها و اشوفها قبل ما أروح .
بقيت خمس دقائق واكف و جان انفتحت الباب
طلعت سارة و ضايجة كأنو جانت تبجي ،
أمير:شبيج؟! اجتي حضنتني و تبجي و تشهك مثل الطفلة
أمير:سارة حبيبي شبيج ؟ كافي تبجين شلون تبجين و اني يمج ؟
سارة:ما كدرت أنام شلون راح تعوفني هالكد و أنت كلما تروح يصيرلي شي
حط أيده ع خدودها
أمير:كولي يالله انتهت ذيج الأيام انسيها و لا تفكرين بيها بعد ، بديتي حياة جديدة
سارة:راح اشتاقلك
أمير:تشتاقيلي ؟
سارة:اي
أمير: أول مرة أسمعها منج ، اني هم راح اشتاقلج هواااي هوااااي و صدكيني راح ارجعلج من وكت حتى نحضر لعرسنا😉
سارة:شنوو بس اني لسه ما جاوبتك
أمير:لج منو يعرف إلي بكلبج و يقره عيونج أكثر مني😉
سارة:يعني تعرف
أمير: اكيييييد
سارة: .....🙈☺️
أنت تقرأ
أمـيـر و فـتاة المـناديـل (باللهجة العراقية)مكتملة
General Fictionأموت و لا تدري و أنت قتلتني⭕ فلا أنا ابديها و لا أنت تعلم لساني و قلبي يكتمان هواكم ولكن دمعي بالهوى يتكلم▪️◾◽ ولو لم يبح دمعي بمكنون حبكم تكلم جسم بالنحول يترجم‼️ هل يمكن لبائعة مناديل ♀️في الشوارع أن تحافظ ع شرفها في مجتمع مليء بالذئاب البش...