( روايه قرباء ولكن غرباء )
البارت13 بقلم نورا قنصوه
دعاء بابتسامه: صباح الخير ولم تكمل كلامها بسبب الصدمه
دعاء بصدمه: نورا
نورا: دعاء ودعاء جريت عليها واترمت في حضنها وقعدت تعيط
نورا بتأوه خفيف: ااااه
دعاء وبعدت عنها: انا اسفه معلشي ايه اللي حصلك ومشيتي وسيبتيني ليه وجيتي هنا ليه وليه متصلتيش عليا عشان تعرفيني مكانك الجديد
اياد: اهدي يا ام لسان طويل دي كلها اسئله
دعاء بقرف: انت مالك انت انا كنت كلمتك
اياد: بت انتي احترمي نفسك احسنلك
دعاء: ايه بت انا اسمي الدكتوره دعاء
اياد: سبق وقولتلك انك مينفعشي تتعملي غير مع البهايم
دعاء بعند: وانا سبق وقولتلك انت عندك حق عشان كدا انا عرفا اتعامل معاك
مراد: بس فيه ايه انتو الاتنين اسكتو
لين: والنبي يا ابيه سيبهم دول بيضحكوني اووي
اياد: ليه يا لين شيفاني ارجوز عشان بضحكك
مراد: ولا ملكشي دعوه باختي
نورا: انتي عمله ايه يا دودو
دعاء: سيبك مني بقا كدا تمشي ومتقوليليش انت راحه فين وليه مشيتي اصلا
نورا: دا علي اساس ان مشيا بمزاجي
دعاء: ورحمه
نورا: خلاص يا دعاء انا مش عايزه اتكلم في اللي فات
دعاء: صدقيني يا نورا رحمه بتحبك وهي عملت كدا عشان خافت عليكي
نورا: كانت ممكن تيجي وتحذرني مش تعمل اللي عملتو
دعاء: مانتي عرفا اهلك كانو ممكن يخلوكي تمضي من غير مساعده رحمه
نورا: هو انتي فكرك اني زعلانه علي الشركات اللي راحت اللي مزعلني اني كنت بثق فيها وبعملتها دي انا فقدت الثقه في كل الناس
دعاء: انا مش عارفه اقولك ايه بس كل اللي متاكده منو انها بتحبك
نورا: مش فارقه بقا قوليلي انتي بتعملي ايه هنا وممتك معاكي ولا هناك
دعاء: امي ماتت بعد ممشيتي بفتره صغيره وجيت هنا القاهره واشتغلت دكتوره
نورا بحزن: البقاء لله يا حبيبتي ربنا يرحمها
دعاء: اللهم امين وكملت وانتي بتعملي ايه هنا وايه اللي عمل فيكي كدا
نورا: دا موضوع يطول شرحو وقعدت تحكلها كل حاجه
عند هنا
شاهي: قومي بقا يا هنا
هنا: ايه يا ماما عايزه انام شويه
شاهي: قومي عايزه اتكلم معاكي
هنا: نعم يا ماما
شاهي: انتي ليه مجتيش امبارح المستشفي وتليفونك كان مقفول ولما جينا لقناكي نايمه مرضناش نصحيكي
هنا بتوتر: مفيش يا ماما حسيت اني تعبانه فجيت ارتاح شويه
شاهي بشك: تنامي وصحبتك كانت بين الحيا والموت
هنا: مأنا كلمت لين واطمنت عليها قبل منام وهشام دخل عليهم
هشام: انا نازل رايح القسم
شاهي بخضه: خير فيه ايه
هشام: علي في الحبس من امبارح هاخدلو محامي واروح اشوف ايه اللي حصل
هنا بخوف: لا من فضلك يا بابا متروحشي
هشام: مالك يا هنا فيه ايه انا عارف انك مش بتحبيه بس مينفعشي دا ابن اخويا
هنا ببكاء: لا ارجوك يا بابا مطلعهوش من الحبس خليه هناك
شاهي بقلق: اهدي يا حبيبتي اهدي ليه كل الخوف دا
هشام بشك: فيه ايه يا هنا وليه بتعيطي كدا
هنا: خليه يا بابا من فضلك في الحبس انا خايفه اوووي
هشام وراح ليها وخدها في حضنو: فيه ايه هنا انتي مخبيه عليا حاجه
هنا ببكاء: امبارح هو هو
شاهي: اهدي يا حبيبتي عشان تعرفي تتكلمي واحنا نعرف نفهمك
هنا: علي خطفني امبارح بليل ووداني مكان غريب وقعد يضرب فيا جامد وكان بيقولي انتي هتبقي بتاعتي غصب عن اي حد لو جاسر مكنشي جه في الوقت المناسب مكنتش اعرف كان عمل فيا بس انا كنت خايفه اوووي يا بابا وجاسر وداه القسم وجابني علي هنا وانا اللي طلبت منو ميقلكوش حاجه عشان حضرتكو متقلقوش
شاهي: ايه كل دا يطلع من علي
هشام: اهدي يا حبيبتي خلاص مش رايح انا جمبك اهو وفضلو جمبها لحد مهديت
في المستشفي
دعاء بصدمه: ايه كل دا حصل معاكي
نورا: اها شوفتي بقا
دعاء: وانتي طلعتي صاحبه شركات الايمان يا بنت اللذين اومال هتعملي ايه بالشهاده بتعتك مش هتشتغلي دكتوره يعني
نورا: نورا لا الطب دا هيبقا خبره في حياتي اما كل تركيزي دلوقتي علي شركاتي
دعاء: ربنا معاكي يا حبيبتي وتليفون اياد رن
اياد عن اذنكو يا جماعه
اياد: ابو الخلد عامل ايه يا جدع
خالد: انت لسه بيئه زي منتا يا ايدو
اياد: قولتلك يا عم بلاش ايدو دي بتعصبني
خالد: بمزاجي وكمل مراد فين بتصل بيه ياميردش لتليفونو مقفول
اياد: مراد زي القرد هبقا اقولو انك اتصلت
خالد: عند ليكو خبر حلو
اياد بمزاح: خبر حلو وخالد في جمله واحده مش ليقين
خالد: تصدق اني غلطان اني بكلم عيل جموسه زيك
اياد: وبتقول عليا انا اللي بيئه قول يا عم خبر ايه
خالد: انا نازل قريب
اياد بغباء: نازل فين
خالد: نازل السوبر ماركت نازل مصر يلا
اياد بصريخ: اخيراااااااا يلا عشان تشيل عني شويه
خالد: ودني يا عم مالك فيه ايه
اياد: تنزل بالسلامه يا ابو الخلد اما اروح ابلغ مراد سلام وقفل السكه وجري راح لمراد وفتح الاوضه بسرعه والكل اتخض
اياد: مراااااد
مراد: ايه ياض حد قلك اني اطرش مانا جمبك اهو فيه ايه
اياد: عند ليك خبر بمليون جنيه
مراد: ايه هتنتحر وتخلصني من قرفك
دعاء بضحك: ههههه محدش طيقك خالص
اياد: كفايه طيقينك انتي هيبقا انا وانتي دا البلد تولع وكمل وهو بيبص لمراد: تصدق انا انا غلطان
مراد: اخلص قول فيه ايه
اياد: ابو الخلد نازل مصر قريب
مراد: ينزل بالسلامه
اياد: ايه البرود دا هطنقطني مره بسبب برودك دا
مراد: اخرس ياض
نورا: دعاء بقولك ايه انا عايزه اخرج من هنا
مراد بسخريه: علي فكرا انتي مضروبه بالنار مش داخله عشان ضغطك واطي
نورا: والله انا مبحبش ابقا مقيده كدا ورقده في السرير انا كويسه والله صدقوني
دعاء:مينفعشي يا نورا علي الاقل اقعدي النهارده وبكرا نشوف اذا كان ينفع ولا لا
نورا: ماشي هقعد النهارده وبكرا اكيد هاخرج مفيش نقاش
دعاء: ماشي يا ستي
مراد: يلا يا اياد هنروح الشركه ونرجع تاني
نورا: مفيش داعي انا بقيت كويسه
مراد: يلا يا بني وبص لنورا انا مش بسالك انا بأمرك وسابها ومشي
نورا: بارد مغرور ومصطفي والكل ضحك عليهم
في مكان ما في القاهره
معتز: ايه مفيش اخبار عن الباشا
مؤمن: هو مش قال يومين وجاي ونلاقي تليفون سليم رن
سليم: اخرس منك ليه الباشا بيرن
سليم: الو
المجهول: ايه الاخبار عندك
سليم: امبارح يباشا انضربت بالنار وراحت المستشفي بس لسه عايشه
المجهول: ومين اللي ضرب نار
سليم: واحد اسمو ايهاب الشرقاوي مع عداوه مع مراد السويسي
المجهول: مراد ابن مصطفي السويسي كدا احلوت اوووي هنحتاجو
سليم: امرك يباشا وهتظهر امتي لنورا
المجهول: مش دلوقتي لسه وبعد متتنازل عن الشركه هنطلب منها طلب وهيكون الاخير
سليم: انا حاسس انها مش هتتنازل
المجهول: متقلقشي هتتنازل وبعدها قفل السكه
عند مراد واياد
اياد: هاتعمل ايه مع ايهاب الشرقاوي
مراد بخبث: انا لسه هعمل
اياد: قصدك ايه
مراد: انت مبتقراش الاخبار ولا ايه انت مسمعتش عن افلاس ايهاب الشرقاوي خلاص بقا علي الحديده
وفجأه دخل ايهاب
هاله: يا فندم مينفعشي كدا انا اسفه يا مراد بيه حاولت اوقفو بس مرضيش
مراد: روحي شوفي شغلك انتي وخرجت هاله
مراد بابتسامه: قلبي عندك
ايهاب: انت السبب انت اللي عملت فيا كدا هقتلك يا مراد
مراد بزعيق: اتكلم علي قدك يا ايهاب وطلعني من دماغك احسنلك بدل متزعل
ايهاب بشر: هانشوف مين فينا اللي هيزعل وبعدها مشي
اياد: انا مش مطمن
مراد بشرود: ربنا يستر
عند هنا نلاقي فيه خبط علي الباب وهنا راحت تفتح
جاسر: ازيك يا هنا عامله ايه
هنا: جاسر الحمد لله انا كويسه
شاهي: مين يا هنا
جاسر: دا انا يا شاهي
شاهي: جاسوره اتفضل يا حبيبي
جاسر: عمله ايه يا شاهي
شاهي: كويسه يا قلب شاهي
هشام: ازيك يا جاسر
جاسر: ازيك يا هشام
هشام: انا كنت حابب اشكرك علي اللي عملتو مع هنا
جاسر: عملت ايه
هشام: هنا قلتلنا علي كل حاجه حصلت امبارح
جاسر وهو بيبص لهنا: اومال ايه متقولشي لبابا وماما متقلقهمشي
هنا: هي جات كدا بقا
جاسر: ماشي يا هنا ولا يهمك يا عمي الحمد لله انها كويسه عن اذنكو انا بقا
شاهي: انت لحقت تقعد
جاسر: معلشي ورايا شغل وبعدين انا كنت جاي اطمن علي هنا ولقتها زي القرده اهي يلا سلام وبعد ممشي
شاهي: ربنا يحميك يا حبيبي
عند اهل نورا
تامر: بكرا الساعه 7 الصبح تبقو جاهزين
عادل: انت عرفت مكان دعاء
تامر: اها سكنه في عماره ......... وبتشتغل في مستشفي السويسي
جابر: حاسس ان نورا مش هناك
تامر: وانا متاكد ان نورا هناك وسابهم ومشي
عادل: مش عارف ليه حاسس ان تامر مخبي علينا حاجه
جابر: نفس احساسي حاسس انو بيلعب من ورانا
عادل: هانشوف قوم خلينا نرتاح شويه قبل منسافر
رحمه: دا عرفو مكان دعاء انا لازم اسافر ودلوقتي حالا وابلغ دعاء ومشيت رحمه متوجهه للقاهره وبعد عده ساعات وصلت القاهره تحديدا امام العماره اللي ساكنه فيها دعاء
رحمه: لو سمحتي
وفاء( صاحبه العماره ): خير يا بنتي
رحمه: هو مين صاحب العماره دي
وفاء: انا يا بنتي خير فيه حاجه
رحمه: فيه واحده اسمها دعاء جت هنا من فتره واجرت شقه
وفاء: قصدك الدكتوره
رحمه: اه هي هي موجوده
وفاء: لا يا بنتي هي في المستشفي وهتبات النهارده هناك
رحمه: هتبات تمام ماشي
وفاء: تعالي يا بنتي استنيها فوق الوقت اتاخر هتروحي فين دلوقتي
رحمه: شكرا لحضرتك بجد وطلعو الاتنين العماره
رحمه: يارب استر وساعدني واقف مع نورا يارب
صباح اليوم التالي
نورا: ها يا دعاء هخرج امتي
دعاء: ايه يا نورا زهتي مننا ولا ايه
نورا: مقولتلك مبحبش الرقده دي
مراد: انا هروح اخلص اجراءات الخروج ودعاء ساعدت نورا انها تلبس
دعاء: مش معني انك خرجتي من المستشفي انك تتعبي نفسك لازم ترتاحي
نورا: خلاص بقا يا دعاء وعلي فكره انا دكتوره وهعرف اخد بالي من نفسي ومراد خبط ودخل
مراد: لو خلصتي يلا بينا كل حاجه خلصت وبعد كدا مراد ونورا مشيو متوجهين للقصر ودعاء راحت العماره واول مدخلت لقت رحمه
دعاء بخضه: رحمه حرام عليكي يا شيخه خضتيني
رحمه: انا اسفه يا دعاء اني جتلك فجأه بس حاجه مهمه لازم تعرفيها
دعاء: ومكلمتنيش في التليفون ليه
رحمه: خوفت حد يسمعني
دعاء: خير يا رحمه قلقتيني
رحمه: حكت لدعاء عن اللي ابوها واعمامها عايزين يعملوه
دعاء بصدمه: ايه مش معقول
رحمه: زي مقولتلك كدا احنا لازم نتصرف بس ازاي واحنا مش عارفين طريق لنورا
دعاء: انا عارفه نورا فين يلا بينا
رحمه: ايه ازاي
دعاء: مش وقتو يا رحمه يلا ومشيو متوجهين لقصر السويسي
داخل قصر السويسي
ساره: نورتي بيتك يا حبيبتي
نورا: شكرا لحضرتك يا طنط
لين: عمله ايه دلوقتي يا نورا
نورا: الحمد لله بقيت احسن ونلاقي الجرس بيرن وتدخل دعاء ورحمه
اياد: انتي احنا مش لسه سيبينك يا بنتي ونورا بتلف لقت رحمه ودعاء
نورا بزعيق: انتي ايه اللي جابك هنا عايزه مني ايه تاني مش كفايه اللي عملتيه فيا هما اللي بعتينك عشان تعرفي مكاني
رحمه بحزن: غصب عني يا نورا خفت عليكي
نورا: غصب عنك ايه تحطيلي مخدر في العصير وتقوليلي غصب عنك تشوفيني وهما بيمضوني علي كل حاجه ومتعمليش اي حاجه وتقوليلي غصب عنك اطلعي برا مش عايزه اسمع صوتك
دعاء: اهدي يا نورا واسمعي هتقولك ايه فيه مصيبه
نورا: مش عايزه اسمع حاجه
رحمه: لازم تسمعي ابويا واعمامي زمانهم وصلو القاهره وجايين وعايزين يخدوكي ويجوزوكي غصب عنك لواحد كبير في السن وانا اول معرفت جيت لدعاء ودعاء جابتني ليكي
ساره: وهما بيجوزوها غصب عنها ليه هيستفادو ايه
نورا بسخريه: اكيد هيدفع فلوس كتير
رحمه: انا اسفه يا نورا علي اللي عملتو بس صدقيني غصب عني وانا عملت اللي عليا وقولتلك انا لازم امشي دلوقتي عشان محدش يحس بحاجه وبعد ممشيت رحمه
دعاء: هتعملي ايه دلوقتي يا نورا
نورا: معرفشي معرفشي
مصطفي: انا عندي حل
ساره: ايه هو بسرعه يا مصطفي
مصطفي: مراد يتجوز نورا والكل اتصدم
مراد ونورا مع بعض:
ايه رد فعل مراد ونورا
ومين الشخص المجهول
ونورا هتتنازل ولا لا
ومين خالد دا كل دا في البارتات الجايه ان شاء الله
كومنتات وتشجيع بقا
أنت تقرأ
قرباء ولكن غرباء بقلم نورا قنصوه
Aktuelle Literaturهو شخص مغرور متكبر يحب عائلته كثيرا لا يحب جنس النساء لا يؤمن بالحب اما هي فهي مرحه عنيده زكيه طيبه القلب ولكنها تتغير 180 درجه بسبب الذي حدث لها لنري ماذا حدث
