( روايه قرباء ولكن غرباء )
البارت29 والاخير بقلم نورا قنصوه
معتصم: تمام وروح عاين بنفسك والكل اتصدم لما حصل ضرب نار
واخذو يتبادلو اطلاق النار وبعد شويه كانت القوات خلصت علي معظم رجاله تامر ومعتصم
حازم: يلا بسرعه اقبضو عليهم
مراد: نورا نورا
جاسر: مالك يا مراد بتنادي علي نورا ليه
مراد: نورا هنا في العمليه
جاسر بصدمه: نعم ايه اللي انت بتقولو دا
مراد: مش وقتو يا جاسر شوفولي تامر فين بسرعه
حازم: تمام
مراد: لا مستحيل مستحيل يكون حصلها حاجه وكان ماشي حس بحاجه تحت رجليه وبص وشلها في ايدو لقاها السلسله بتاعه نورا اللي كان مدهلها هديه
مراد: مش معقول السلسله
وجاسر وحازم جهم عليه
جاسر: للاسف تامر هرب ونورا ملهاش اي اثر
حازم: وهي مش في الناس اللي مصابه او الميته
مراد: يبقي اكيد تامر خطفها انا غبي اني سمحتلها انها تدخل العمليه دي اصلا غبي
جاسر: اهدي يا مراد هنلقيها متقلقشي وبعد كدا مشيو راحو المقر ومراد دخل علي سليم ومعتز ومؤمن
مراد بصدمه: ايهاب
ايهاب بغل: ايوا ايهاب يا ابن السويسي مالك مستغرب ليه
مراد: ولا مستغرب ولا حاجه مالوساخه لازم تبقي مع بعضها
ايهاب: اه وعشان كدا المزه مراتك كانت معانا ومراد حس ان الدم غلي في عروقو وهجم علي ايهاب وقعد يضرب فيه
مراد بعصبيه: نورا فين انطق نورا فين
ايهاب: مش هقولك وهحرق قلبك عليها يا ابن السويسي انا كان منايا موتك ومعرفتش اعملها بس قلبك هيتحرق علي حبيبتك ومراد قعد يضرب فيه تاني
في مكان مهجور
تامر: خشي خشي
نورا: اوعي سيبني سيبني
تامر: هسيبك دا انا هشرب من دمك بقا عيله شبهك تلعب عليا انا
نورا: ايه هو حلال ليك وحرام لغيرك
تامر بغل: اخرسي وحيات امي لهوريكي ومش هعدي اللي عملتيه بالساهل
نورا: وانت بقا الملاك اللي مش بيغلط وكملت بحزن
نورا بحزن: ليه ليه عملت كدا ليه حرمتني من اهلي ليه قتلتهم تقتل اخوك من لحمك ودمك كل دا ليه ومش كدا وبس تفبرك فيديوهات تقول ان ابويا هو اللي عمل كدا وتصور اخواتك وهما بيحطو القنبله في بيتنا وتسرقني وتسرق شركات ابويا ودا كلو مكفكشي جيت ورايا القاهره وسلطت عليا سليم والحيوانات اللي معاه واختو مني شركه امي وكنت عايزني ابقي مجرمه شبهك وطلبت مني اقتل انكل مصطفي عشان تخلي مراد يكرهني ومش كدا وبس قتلت اخواتك كمان في السجن ليه كل دا ليه
تامر بغل: دا انتي طلعتي عرفا كل حاجه وانا اللي مغفل وكنت فاكر نفسي زكي هقولك انا عملت كدا ليه وكمل بشر: ابوكي يبقي ليه احسن مني ويبقي ليه اغني مني هاه ليه ديما كل حاجه حلوه هو بيخدها انا مكرهتش في حياتي قدو هو ومصطفي السويسي انا كنت بحب ساره واتقدمتلها وهي رفضتني واتجوزت مصطفي ومن ساعتها كرهتو هو وكل عيلتو وهحرق قلبك وقلب ساره علي ابنها وهتشوفي
نورا بخوف علي مراد: انت هتعمل ايه ملكشي دعوه بيه وتامر اتصل علي مراد
في المقر
مراد: اتكلم يابن****** منك ليه
معتز بتعب: والله منعرف حاجه دي كانت اخر عمليه معاه وهناخد نصيبنا وكل واحد يشوف طريقو
مؤمن: احنا مكناش متفقين علي كدا ومنعرفشي مراتك معاه ولا لا اصلا
مراد: اومال كنتو وقطع كلامو رنين الهاتف وخرج من عندهم
مراد بغضب: الو مين
تامر: تؤتؤ مالك يا مراد مضايق كدا ليه
مراد بعصبيه: تامر نورا فين انطق عملت فيها ايه
تامر: اهدي يا ابن السويسي انا متصل بيك عشان اقولك مكانها وتيجي تخدها
نورا بصوت عالي: مراد متجيش يا مراد متسمعشي كلامو
تامر راح ناحيتها وصفعها علي وشها: اخرسي
نورا: اااااه
مراد بسرعه: نورا وكمل وحيات امي يا تامر ما هرحمك وهندمك عشان تبقي تمد ايدك عليها
تامر: مستنيك
مراد: فين
تامر: ……… وكمل تيجي لوحدك يابن السويسي دا افضل ليك ولحبيبت القلب وقفل السكه
مراد خرج بسرعه من المقر
حازم: رايح فين
مراد: رايح اجيب نورا ومش عايز حد معايا وركب عربيتو ومشي بسرعه متوجه للعنوان
جاسر: انا مش هسيبو يروح لوحدو انا هروح وراه وانت هات القوه وهبعتلك العنوان و تيجي
حازم: ماشي
تامر: اما نشوف ابن السويسي هيجي ولا هيخلع
نورا: ابن السويسي راجل وعمرو مقال كلمه ورجع فيها
تامر: دي حاجه تفرحني انو هيجي عشان تشوفيه بعينك وهو بيموت قدامك وانتي هتبقي معايا عشان اعرف اطلع من البلد وسابها وخرج
عند مراد
نلاقي مراد وصل العنوان ومفهوش صريخ ابن يومين وطلع جري وقعد يدور في الاوض لحد مفتح اوضه ولقي نورا قدامو وجري عليها
مراد: نورا نورا
نورا: مراد ومراد اخدها في حضنو
مراد: انتي كويسه يا قلبي
نورا: اه وكملت مراد انت لازم تمشي من هنا بسرعه
مراد: ايوا منا همشي وانتي معايا
نورا: عمي هيقتلك صدقني لازم تمشي
مراد: انا مستحيل امشي واسيبك حتي لو كان اخر يوم في عمري انتي حبيبتي يا نورا انا مقدرشي اعيش من غيرك
نورا ببكاء: وانا عمري محبيت حد قدك انت هتفضل حبي الاول والاخير عشان كدا بقولك امشي
تامر: اوووه تصدقو هعيط اصل انا مرهف الحس والمشاعر وكمل ليه كدا يا نورا عايزه مراد يمشي من غير منوجب معاه
مراد بغضب: كلامك معايا انا مش معاها هي
تامر: براحه علينا يا ابن السويسي واحب ابلغك انت هتخرج منها اه بس مش علي رجليك علي نقاله
نورا بخوف: لا يا عمي من فضلك كفايا حرام عليك اللي قتلتهم هو ملهوش ذنب
تامر بشر: لا ليه وذي مقولتلك يا حلوه هحرق قلبك وقلب مصطفي وساره عليه
مراد: لا يا راجل مأنا قدامك اهو اقتلني مستني ايه
تامر: انا ممكن مقتلكشي بس بشرط
نورا بسرعه: ايه هو
تامر: ان ابن السويسي يترجاني اني مقتلهوش
مراد بضحك: هههههه بتهزر صح
تامر: كبريائك وغرورك دول مش هينفعوك بحاجه لما تموت
مراد: هتفضل تكلم كتير
تامر بغل: هقتلك يابن السويسي ونسمع صوت رصاصه طلعت من المسدس بس جت في تامر ووقع علي الارض
جاسر بخوف: الحمد لله اني لحقتك وضربتو بالرصاص
نورا بخوف: مراد انت كويس
ولسه مراد هيتكلم نلاقي تامر مسك المسدس من علي الارض وضرب مراد في صدرو
وجاسر رمي المسدس من ايد تامر وضربو بالنار ومات تامر
نورا ببكاء: مراد لا فتح عينك مراد رد عليا مراد
مراد بصوت متقطع: ب ح ب ك( بحبك) وغمض عينو
نورا بصريخ: مراد لا متسبنيش قوم يا مراد مراااااااد
وحازم وصل بالقوات وكان جايب معاهم اسعاف ونقلت مراد علي المستشفي والكل عرف وراح المستشفي لمراد
في المستشفي
امام غرفه العمليات
نلاقي نورا منهاره من العياط وجاسر قاعد حزين وحازم واقف جمبو والكل جهم عليهم
ساره: ابني ابني فين اخوك يا جاسر مراد فين
حازم: اهدي يا طنط هو في العمليات جوا وان شاء الله هيبقي كويس
اياد: هو ايه اللي حصل
حازم: حكلهم كل حاجه
والكل اتصدم لما عرفو واولهم رحمه
ورحمه قعدت تعيط جامد وخالد خدها بعيد
رحمه: ابويا مات يا خالد مات
خالد: اهدي يا رحمه
رحمه: شوفت اخرت اللي عملو اهو مات ومستفدشي اي حاجه ليه عمل كدا
خالد: هو غلط وخد جزائو اهدي بقا وانا جمبك اهو وكلنا جمبك انا عارف ان الاب محدش بيعوض مكانو بس انا مش هسيبك ابدا
رحمه: ومراد ونورا كل اللي حصلهم بسبب ابويا
خالد: انتي ملكيش ذنب في اللي ابوكي عملو وزي مقولتلك قبل كدا محدش فينا بيختار مين ابوه
يلا نروحلهم واهدي بقا
رحمه: ماشي وراحو
والكل واقف قدام اوضه العمليات بيعيط ومتوترين
خالد: نورا حبيبتي
ونورا اترمت في حضنو
نورا ببكاء: مراد مراد هيروح مني
خالد: اهدي يا حبيبتي ان شاء الله هيقوم بالسلامه وبعد شويه الدكتور خرج
مصطفي: خير يا دكتور
الدكتور: للاسف الرصاصه اتعمقت اووي ودا سبب خطوره لحياه مراد بيه احنا قدرنا نطلعها بس لسه مراد بيه معدش مرحله الخطر واحنا مضطرين ندخلو العنايه المركزه لحد ميفوق عن اذنكو
والكل واقف مصدوم مش عارفين يعملو ايه
في غرفه العنايه المركزه
نورا قعده قدام سرير مراد ومسكه ايدو وعماله تعيط
نورا ببكاء: مراد من فضلك مترحشي مني انا محتجاك جمبي قوم بقا انا مش هقدر اعيش من غيرك انا مش هستحمل ان انت كمان تروح مني انت عوضتني عن موت اهلي وبقيت كل حاجه ليا بقيت كل دنيتي قوم بقا انا بحبك اووي اوووي يا مراد وفضلت تعيط وهي مسكه ايدو
خالد: هيبقي كويس
نورا: خايفه اووي خايفه يروح مني
خالد: مراد صحبي وانا عرفو ان شاء الله هيقوم بالسلامه
نورا: يارب
خالد: يلا عشان تروحي
نورا: لا انا هبات هنا
خالد: مينفعشي يا نورا لازم تروحي ترتاحي شويه
نورا: لا انا هبات هنا
خالد: انا عرفك عنيده خلاص باتي وانا هقعد معاكي
والباقي مشي
صباح اليوم التالي
الممرضه دخلت عشان تدي مراد العلاج
نورا بفزع: ايه فيه ايه هو كويس
الممرضه بابتسامه: اهدي حضرتك متقلقيش انا بديلو العلاج
نورا: ماشي وهو هيفوق امتي
الممرضه: مش عارفه والله والدكتور شويه وهيجي يبص عليه عن اذنك
نورا: اتفضلي وبعد ممشيت نورا راحت قعدت قدام مراد ومسكت ايدو
نورا: صباح الخير يا حبيبي عامل ايه النهارده قوم بقا وحشتني انا هروح اشوف خالد فين وجايه تانيه ولسه كانت هتمشي حست ان مراد مسك ايديها
نورا: دا حقيقه ولا انا بتوهم
مراد: ااه
نورا بفرحه: مراد مراد وضغطت علي الزرار والدكتور جه بسرعه
مراد: ااااه وبيحاول ان هو يقوم
الدكتور: اهدي يا مراد بيه متتعبشي نفسك عشان الجرح
نورا: حمد لله على سلامتك يا مراد
مراد: الله يسلمك
خالد: حمد لله على السلامه انا هروح ابلغهم الخبر الحلو دا ولسه هيخرج لقا الكل دخل
لين: ابيه انت كويس
جاسر: عامل ايه دلوقتي يا مراد
اياد: حمد لله على سلامتك يا وحش
ساره: ابني حبيبي عامل ايه حاسس باي حاجه قول
مراد بتعب: اهدو يا جماعه انا الحمد لله بخير
مصطفي: الحمد لله يا ابني
دعاء: دي نورا كانت هتموت عليك يا مراد منقولكشي بقا عياط وصراخ وكل اللي قلبك يحبو
اياد: متعرفشي ان مراد وحش وخبطو علي كتفو جامد
مراد: ااه انت ياض اخرص
رحمه: حمد لله على سلامتك يا مراد
مراد: الله يسلمك
رحمه: انا وقطع كلامها
مراد: رحمه متكمليش انتي ملكيش دخل بللي ابوكي عملو انتي زي اختي الصغيره
رحمه: شكرا وبعد شويه الكل خرج عشان يرتاح شويه
مراد: نورا
نورا: نعم عايز حاجه
مراد: اممم عايزك
نورا: مراد ارتاح دلوقتي انت تعبان
مراد بخبث: اااااه اااااه
نورا جريت عليه بسرعه
نورا بخضه: انت كويس حاسس بحاجه ومراد شدها في حضنو
مراد: انا كدا كويس
نورا: كدا يا مراد تضحك عليا اوعي سيبني
مراد: وحشني حضنك
نورا: مراد بطل قله ادب انت تعبان ولسه مراد بيقرب منها دخل اياد
اياد: مراد هو وكمل يا جدع والله عيب عليك انت مش عاتق خالص دا انت كنت هتموت امبارح يا عم ونورا اتكسفت وخرجت
مراد: وربنا يا اياد لنفخك بس اقوملك بس
اياد: براحه علي نفسك يا عم
مراد: حضرتو للفرح ولا لسه
اياد: فرح مين
مراد: امك يا اياد هيكون فرح مين يعني
اياد: اه فهمت لا معملناش حاجه
مراد: جهزو كل حاجه بقا الفرح بعد اسبوع
اياد: ازاي وانت
مراد: متقلقشي انا تمام وبعد اسبوع هكون خرجت انا مش هقيم هنا يعني
اياد: اشطاا وخرج عشان يبلغ الكل
وعدي الاسبوع ومراد خرج من المستشفي والكل كان مشغول بتجهيز الفرح
عند البنات
دعاء: يا بنات
نورا: فيه ايه
دعاء: انا خايفه
الكل: واحنا كمان
ونورا قعدت تضحك عليهم
رحمه: بتضحكي علي ايه احنا خايفين ومتوترين ايه عمرك مخوفتي
نورا: لا خوفت بس التوتر والخوف اللي بيبقا قبل الفرح دا مجربتهوش قبل كدا فمش عارفه ايه احسسكو وكملت وبعدين يا هبله منك ليها انتو خايفين ليه كل واحده فيكو هتجوز الراجل اللي بيحبها وهي بتحبو مفيش داعي للخوف ومراد كان سامع الكلام من اولو وقرر يعمل حاجه
مراد: انتو قاعدين كدا ليه
نورا: خايفين ومتوترين
مراد: قومو يلا العربيات مستنياكو برا هتوديكو الفندق اللي هتجهزو فيه انا هجزتلكو هناك
لين: ابيه هو انت قولتلنا ليه منشتريش فساتين
مراد: عشان انا اللي هجبهلكو واول متوصلو هناك الفاستين هتوصلكو
نورا بفرحه: انا متشوقه جدا اشوفهم مراد ممكن تورهملي هما مفاجأه ليهم مش ليا يعني عادي
مراد: هتشفوهم لما توصلو وبعد كدا مشيو وراحو الفندق وبعد شويه الفساتين وصلت
نورا: يلا بسرعه كل واحده تفتح فستانها هموت واشوفو وبالفعل الكل فتح الفساتين
والكل اتصدم من جمالهم
لين: الله يجنن
هنا: تحفه
دعاء: الله عليك يا مراد يا مشخلعنا
رحمه: جمال جداا
نورا: اي خدمات
الكل: نعم
نورا: مش ذوق مراد ومراد دا جوزي يبقي ذوقي
ونلاقي الباب بيخبط
نورا: فيه ايه تاني وراحت فتحت
نورا: ايه دا
واحد من الخدم: فستان
نورا لنفسها: ممكن مراد جابلي فستان احضر بيه الفرح
نورا: تمام شكرا ليك وخدت منو الفستان
نورا: هو تقيل كدا ليه
دعاء: ايه دا
نورا: فستاني اللي هحضر بيه فرحكو بس مش عارفه هو تقيل كدا ليه
رحمه: طب افتحيه يلا عايزين نشوفو ونورا فتحتو والكل اتصدم لما لاقوه فستان زفاف
نورا بصدمه: ايه دا
لين: فستان ابيض
هنا: ايوا ليه يعني ونلاقي تليفون نورا بيرن
نورا: دا مراد
رحمه: ردي
نورا: الو
مراد: ايه رايك في الفستان
نورا: ايوا بس ليه
مراد: اخرجي من الاوضه وانا هقولك ليه
نورا: ماشي وخرجت ومشيا في الطرقه فجأه لقت حد شدها من ايديها ودخلها اوضه
نورا بشهقه: هاه مراد
مراد: قلب مراد
نورا: خضتني يا مراد
مراد: هو حد يقدر يعمل معاكي كدا غيري
نورا: بس برضو خضتني وكملت ايه الفستان دا
مراد: فستانك يا قلبي
نورا: بس دا فستان لعروسه
مراد ببرود: اممم مانتي عروسه
نورا: انا مش فاهمه حاجه
مراد: ايه اللي مش فهماه انتي معملتيش فرح وانا عارف ان حلم اي بنت انها تبقي عروسه وتلبس الفستان الابيض ويبقي يوم مميز وانتي مش اقل من اي حد
نورا خضنتو جامد
نورا: شكرا
مراد: النهارده ليله دخلتنا
نورا: مراد بطل قله ادب واوعي سيبني بقا عشان الحق اجهز ومراد سابها ومشيت نورا راحت عند البنات
رحمه: ها قلك ايه
نورا: قالي ان فرحي هيبقا معاكو انا هبقي عروسه
والكل جريو عليها وحضنوها وبعد شويه
نورا: بقولكو ايه
الكل: خير
نورا: انا خايفه ومتوتره اوووي والكل ضحك عليها
دعاء: كما تدين تدان يا قطه وبعد كدا راحو يجهزو
ليلا
ساره: جاهزين يا بنات
شاهي: بسم الله ما شاء الله قمرات
هنا: بجد يماما حلوين
شاهي: بجد يا قلب مامي ربنا يحرسكم من العين
مصطفي: يلا بقا الشباب تحت وقفين علي نار
نورا: انكل مصطفي
مصطفي: نعم يا حبيبتي
نورا: ممكن حضرتك اللي توصلني لمراد
مصطفي: طبعا يا نورا ولو دعاء ورحمه معندهمشي مانع انا موافق طبعا
دعاء ورحمه: طبعا معندناش مانع
ومصطفي خد نورا ووصلها لحد مراد
مصطفي: خلي بالك منها
مراد: في عيني وكمل ايه الجمال دا
نورا: شكرا
مصطفي طلع خد دعاء ووصلها لاياد
مصطفي: اياك تزعلها
اياد: في نن عيني من جوا وكمل ايه يمان كل دا جمدان
دعاء: شكرا يا ايدو
ومصطفي طلع خد رحمه ووصلها لخالد
مصطفي: حافظ عليها
خالد: طبعا يا عمي وكمل ملاكي القمر
رحمه: شكرا يا حبيبي
ومصطفي طلع خد لين ووصلها لحازم
مصطفي: عارف لو زعلتها هندمك
حازم: براحه يا حج وبعدين فيه حد يزعل روحو وقلبو
لين: شكرا
وهشام: طلع خد هنا ووصلها لجاسر
هشام: جاسر انا بسلمك اغلي حاجه في حياتي اوعي تزعلها
جاسر: هنا في قلبي يا اتش متقلقشي وكمل قمر يا ناس
هنا: شكرا يا جاسورتي وبعد كدا دخلو القاعه وكانت من افخم القاعات وقعدو يرقصو والكل كان فرحان وانتهي الفرح وكل واحد طلع الجناح بتاعو
عند نورا ومراد
مراد: مبروك يا قلبي
نورا: الله يبارك فيك يا مراد
مراد: يلا ادخلي غيري واتوضي عشان نصلي
نورا: ماشي ودخلت غيرت واتوضأت ولبست اسدال الصلاه ومراد اتوضا هو كمان وصلو مع بعض
ومراد حس ان نورا متوترة فشالها
نورا بخوف: ها مراد لا
مراد: مالك يا قلبي فيه ايه
نورا: انا خايفه ومراد حطها علي السرير
مراد: انتي بتثقي فيا
نورا: اه طبعا
مراد: عايزك متخافيش خالص وانا معاكي وكان كل كلمه يقولها يبوسها في حته شكل وهي كانت خايفه في الاول وبعد كدا استجابت معاه
نسيبهم شويه لوحدهم كفايه قله ادب
عند اياد ودعاء
اياد: مبروك يا دودو
دعاء: الله يبارك فيك
اياد: بس بصراحه كنتي شبح النهارده
دعاء: بهرتك
اياد: جداا وعايز انبهر لسه وكمل يلا عشان نصلي وبعد مخلصو
اياد: مش يلا ولا ايه
دعاء بخوف: اياد انا عايزه انام
اياد بزعيق: نعم يا روح امك
دعاء: اياد
اياد: بقا انا كنت هموت واجوز وفي الاخر تقوليلي يوم الدخله عايزه انام وراح شلها
دعاء: انت هتعمل ايه
اياد: دانا هعمل معجزات هوريكي عملي احسن حلال الله اكبر
ونسيبهم برضو
بعد مرور خمس سنوات
الاطفال
مراد ونورا: حور ورعد
اياد ودعاء: حياه
خالد ورحمه: يوسف
جاسر وهنا: ادم
حازم ولين: كارما
الكل قاعد ويسمعو صوت خناق
نورا: يوووه هو موال كل يوم دا مش هنخلص منو
اياد: متقولي لابنك يخليه في حالو وملهوش دعوه ببنتي
مراد: بنتك اللي لزقه في ابني وجه عليهم رعد وحياه
رعد: لما اكون بكلمك متسبنيش وتمشي
حياه: حل عن نفوخي يا بني
رعد: ايه القرف دا
نورا: سيب حياه في حالها يا رعد
حياه: عليا الطلاق قمر خدي بوسه يا مزه
اياد بفخر: تربيتي
مراد: تربيه وسخه بعيد عنك
رعد بغرور: مسيرك تبقي ليا وانا هعلمك الادب وهربيكي من اول وجديد
دعاء: حوش الغرور بينقط منك
رعد بصلها من فوق لتحت وسكت
رحمه: انا معرفشي رعد وحياه ليه كل دقيقه بيتخنقو عندكو مثلا حور ويوسف ابني ليل نهار مع بعض
مراد بغل: متفكرنيش الواد لازق فيها
خالد: بنتك اللي وقعه
هنا: ولا ادم وكارما بيسبلو لبعض وعايشين قصه حب متقلشي روميو وجوليت
ساره: يلا يا ولاد الاكل جهز
حازم: يلا بينا والكل راح وقعدو علي السفره
جاسر: صوره جماعيه بقا
نورا: فكره حلوه وجابو الكاميرا وخدو صوره جماعيه
نورا: مبسوط
مراد: جداا وكمل يلا بقا عشان انتي وحشتيني
نورا: مراد متبقاش قليل الادب
مراد: لا هبقا قليل الادب
نورا: بحبك
مراد: بعشقك
تمت الحمد لله
الهدف من الروايه ان مش كل حاجه الفلوس ياريت منخليش الفلوس محور حياتنا الموده والالفه والحب اللي بين الاهل اهم بكتير من كل الفلوس وتأكدو ديما بأن الخير بينتصر علي الشر وخلي عندكو حسن ظن بالله وانو ديما بيخترلك الاصح
وبكدا نكون خلصنا الروايه ويارب تكون استمتعتو معانا وتكون الروايه عجبتكو
أنت تقرأ
قرباء ولكن غرباء بقلم نورا قنصوه
Ficción Generalهو شخص مغرور متكبر يحب عائلته كثيرا لا يحب جنس النساء لا يؤمن بالحب اما هي فهي مرحه عنيده زكيه طيبه القلب ولكنها تتغير 180 درجه بسبب الذي حدث لها لنري ماذا حدث
