قرباء ولكن غرباء بقلم نورا قنصوه

البارت8

( روايه قرباء ولكن غرباء )
البارت8 بقلم نورا قنصوه
نورا لسه هتقفل الباب لقت اللي بيزقها
مازن: ازيك يا حلوه
نروح لمراد
قاعد هو وجاسر وحازم في كافيه
مراد: مالكو انتو الاتنين
جاسر بغضب من مراد: مالي انا زي الفل اهو
مراد بابتسامه: اركن انت انا عارف مالك وبص لحازم مالك يا بني سرحان علي طول ليه
حازم: انا بحب واحده
جاسر: بجد ومين دي بقا
مراد وهو عارف قصدو علي مين: وهي بتحبك
حازم: مدي المشكله انا مشفتهاش غير مره واحده وحبيتها من اول نظره ومعرفشي اذا كان فيه حد في حياتها ولا لا ومعرفشي اذا كانت بتحبني ولا لا وكمان انا اكبر منها ب8 سنين وكمان وسكت مكملشي
جاسر: وكمان ايه
مراد عرف انو خايف يقولهم ان هي اختهم لين
في منزل هنا
هنا: كل دا ونورا لسه مجتشي
لين: فعلا اتأخرت انا هروح اشوفها
هنا: ماشي ومتتاخريش انتي كمان ومشيت لين راحت لنورا وشافت زياد وهو فاق قدام شقت نورا شهقت بصدمه ورجعت لهنا
لين بخوف: هنا هنا الحقيني
هنا بخوف: مالك يا بنتي فيه ايه
لين ومش قادره تاخد نفسها: زياد زياد واقف قدام شقه نو نورا
هنا: انتي بتقولي ايه هما خرجو ازاي مش كانو في الحبس
لين: مش عارفه مش عارفه يا هنا
هنا: طب نصحي بابا ونطلب الامن والعماره كلها تصحي وهيخافو ويمشو
لين: لا هما دلوقتي بيتكلمو معاها لو صحينا حد ممكن يعمللها حاجه ويهربو
هنا: اومال نعمل ايه نسيبها كدا
لين: انا هتصل بابيه مراد
هنا: طب بسرعه بسرعه يا لين
عند نورا
مازن: اهلا يا حلوه
نورا بثقه مزيفه: انت ايه اللي جابك هنا وخرجت ازاي
مازن ببرود: جايلك يا حلوه وخرجت ازاي فانا مازن الحديدي خرجت بكفاله
نورا: انت عايز ايه اخرج من هنا احسنلك
مازن: لا يا حلوه دا لسه دانا عملك مفاجاه وعمال يتقدم ونورا ترجع لورا
نورا بخوف وحاولت انها تبان قويه بس صوتها خرج مهزوز: خل خليك مكانك متقربشي اح احسنلك
مازن: اهدي اهدي دا مش وقت خوف دا احنا يدوب بنتكلم لسه الخوف الحقيقي جاي ورا
عند مراد
مراد: خش البيت من بابو احسن يا حازم واهلها يقعدو معاها ويعرفو رأيها ولو عملت غير كدا اللي خايف منو هيحصل وغمزلو
حازم بشك: قصدك ايه كاد مراد ان يتحدث ولكن رنين هاتفو قاطعو
مراد: ازيك يا اميرتي
لين ببكاء: ابيه ابيه نورا يا ابيه
مراد وقام وقف: لين فيه ايه اهدي عشان افهم بطلي عياط وجاسر وحازم قلقو
لين ببكاء: زياد يا ابيه خرج من الحبس وواقف قدام شقه نورا وانا مش عارفه اعمل ايه
مراد وهو بيخرج من الكافيه ووراه جاسر وحازم : متعمليش حاجه انا قريب من العماره انا جاي متقلقيش وركب العربيه هو وحازم وجاسر واتصل بالظابط
مراد بعصبيه: الو مازن الحديدي وصاحبو خرجو ازاي
الظابط ببعض الخوف: مراد بيه اصل اصل
مراد بزعيق: اصل ايه انطق
الظابط بتوتر: خرجو بكفاله
مراد بحده: اقسم بالله لندمك ولو نورا حصلها حاجه لخليك تندم علي اليوم اللي اتولدت فيه وقفل في وشو وكمل سواقه
عند نورا
مازن: ايه رايك لو تختاري انتي العقاب وانا هنفذو فورا
نورا بقرف: انت فاكر ان انا خايفه منك انت عيل زباله من بتوع ماماه وباباه عيل نايتي يعني فاكر نفسك راجل وانت متسواش نكله في سوق الرجاله
مازن قرب منها بغضب وصفعها علي وشها ووقعت ارضا
نورا بصوت عالي: انت بتمد ايدك عليا يا حيوان قسما بربي لوريك
مازن: اخرسي وانا عارف انا هعمل فيكي ايه وحاول يقومها ويشدها من ايديها
نورا: ابعد عني يا حيوان ابعد وزعقت بصوت عالي
مازن وهو بيحط ايدو علي بوقها اخرسي وكمل مش هينفع كدا دي هتفضحنا وجاب لزق وحطو علي بوقها وشدها من ايديها وخرج برا الشقه
زياد اول مشافو: برضو انت هتنفذ اللي في دماغك مقولتلك يا عم خلينا نتمتع بيها او نقتلها في شقتها كدا حد ممكن يشوفنا
مازن: اسكت انت انا عارف انا بعمل ايه ودا جزاه اللي يتجرأ عليا ويقف في وشي وبقولك ايه خليك هنا راقب الجو وانا هنفذ اللي قولتلك عليه وطلع بيها علي سطح العماره كل دا ولين مراقبه الحوار من ورا الباب وسمعت كل حاجه وخافت علي نورا
لين بخوف: يا ترا ابيه مراد اتاخر كدا ليه وفي الوقت دا مراد وصل وركن العربيه باهمال ونزل منها بسرعه هو وجاسر وحازم وطلعو فوق ومراد اول ما طلع لقا زياد في وشو وقعد يضربو وزياد بدأ بنزف من كل مكان وجاسر وحازم بيقومو مراد من عليه ومش عارفين لحد مقدرو وبعدوه عنو
مراد بغضب: نورا فين ياض انطق واول ما لين سمعت صوت مراد خرجت جري
لين لخوف: ابيه نورا الحق نورا فوق مازن خدها علي سطح العماره ومراد اول مسمع الكلام دا حس ان قلبو هيقف ومش عارف ليه وطلع جري وحازم وراه اما جاسر خلاه واقف تحت مع لين وربط زياد
عند نورا
نورا بخوف: انت مريض نفسي مستحيل تكون بني آدم انت معندكش قلب
مازن بشر: لمي لسانك يا قطه انتي حياتك في ايدي ولاحظي انك علي سور العماره ولو سبت ايدك هنقرا عليكي الفتحه عشان اكيد هتموتي انا مش عارف العماره كام دور بس شكلها كبيره
نورا بصت وراها وحست بخوف شديد وحست ان هي هيغمي عليها بس تماسكت واتكلمت بقوه
نورا بقوه مزيفه: انت فاكرني هخاف منك ولا هعيط ولا هقولك ارحمني سبق وقولتلك ان انت مش راجل ومتسواش نكله في سوق الرجاله انت عيل وانا مش هخاف من عيل زيك بيعتمد علي ابوه في كل حاجه
اما مازن اول مسمع الكلام دا الدم غلي في عروقو وبص لنورا بغضب واتكلم بشر
مازن بشر: انا هوريكي العيل دا هيعمل ايه وفجاه ساب ايد نورا وحصل اللي محدش يتوقعوا
نروح لاياد
اياد: ايه يا بنتي كل الشغل دا دا في الايام اللي مراد بيبقي فيها هنا مبيبقاش فيه شغل كدا
هاله: اصل دا شغل النهارده وبكرا عشان الاجتماع اللي حضرتكو هتروحوه
اياد بتعب: لا انا مش قادر انا هموت وانام وانتي مش عايزه تروحي ولا ايه
هاله: ياريت والله يا استاذ اياد
اياد: خلاص انا مروح وانتي كمان روحي
هاله: بس الشغل ومراد بيه
اياد: هاله انتي مش شايفه الساعه كام وبعدين انتي اتاخرتي وانا تعبت نكمل بكرا ان شاء الله وبعدين احنا مش هنقضي اليوم كلو في الاجتماع
هاله: امرك يا استاذ اياد وخرجت هاله من المكتب
اياد بشرود: ايه اليوم اللي ميعلم بيه الا ربنا دا يا اخواتي يوم منيل وافتكر دعاء وكمل وهو بيجز علي اسنانو: اه لو اشوفك تاني
اما عند دعاء
دعاء: اه يا رجلي انا مش قادره عماله الف من الصبح ومش لقيا عماره ولا بيت اسكن فيه اعمل ايه ياربي وبعدها راحت كشك وسالتو علي اي عماره قريبه او بيت ودلها علي عماره كان قريبه من الكشك وراحتها واجرت من صاحبها شقه ودخلت الشقه وادت فرضها ونامت ( معلومه العماره اللي دعاء سكنت فيها مش نفس العماره اللي نورا سكنها فيها عشان متفرحوش اووي)
نروح بقا لنورا
مازن بشر: انا هوريكي العيل دا هيعمل ايه وفجاه ساب ايد نورا ومراد اول مطلع شاف مازن وهو بيسيب ايد نورا
نورا الصراخ: لا لااااااااااا واستسلمت للواقع وغمضت عنيها وفجأه حست ان في حد مسك ايديها فتحت عنيها واتصدمت لما لقت مراد هو اللي ماسك ايديها ونورا ابتسمت باطمئنان اول مشفتو
نورا بهمس: مراد
ومراد شدها من ايديها ونزلها من علي سور العماره واغمي عليها بس ايد مراد لحقتها قبل مجسمها يلمس الارض وبص لمازن اللي حازم كان مسكو بغضب وعنيه بتطلع نار
مراد بغضب: خد الحيوان دا واللي تحت علي المخزن علي اما فقلهم وشال نورا ونزل بيها واول ما لين شافتها جريت عليها
لين بقلق: نورا نورا مالها يا ابيه
مراد: اهدي هتبقي كويسه وكمل جاسر هات لين وتعالا علي القصر وانا هاخد نورا هناك مش هتقعد هنا تاني ونزل بيها من العماره وركب عربيتو واتصل بالدكتور وقالو تعالا القصر
اما لين سلمت علي هنا ومشيت مع جاسر وحازم خد مازن واياد ووداهم المخزن
في قصر السويسي
وصل مراد القصر ونزل من العربيه وشال نورا ودخل بيها القصر وكان مصطفي وساره لسه صاحين واول مشفوها
مصطفي: ايه دا فيه ايه
ساره بخضه: مراد مالها نورا ايه اللي عمل فيها كدا
مراد: مش وقتو يا ماما وطلع بيها ودخل غرفه في القصر وحط نورا علي السرير وساره ومصطفي دخلو وراه وبعد شويه الدكتور جه
مراد للدكتور: شوف مالها ايه اللي حصلها
الدكتور: حاضر وخرج مراد ومصطفي من الغرفه عشان الدكتور يكشف علي نورا وساره معاهم جوا وبعد شويه الدكتور خرج
الدكتور: هي اتعرضت لضغط نفسي وخافت اوووي ودا خلي الضغط يعلي ياريت تبعدوها عن اي توتر ومتتعرضشي لاي ضغط نفسي وهتفوق علي بكرا ان شاء الله وبعد كدا الدكتور مشي ولين وجاسر جهم ولين باتت مع نورا ومراد راح اوضتو
مراد: هو انا ليه كنت خايف وقلقان عليها كدا واول ما لين قالتلي قالتلي انها فوق مع مازن حسيت ان قلبي هيقف وبسرعه نفض الافكار دي من دماغو
مراد: اكيد عشان لين وهنا السبب فحاسس ناحيتها بمسؤليه وحاسس بالذنب اه هو كدا وبعد تفكير طويل ذهب في نوم عميق
الشخص1: دي مصيبه وحلت علي راسنا
الشخص2: انت متاكد من الكلام دا
الشخص3:مش ناقصه غباء هي ما اللي بيرقبها صورلنا مراد السويسي وهو شايلها وبعدها خدها القصر بتاعو اكيد في علاقه بنهم احنا لازم ننزل القاهره وبكرا
الشخص1: ومش هتقولهم
الشخص3: لا قولتلهم طبعا وفرحو لما عرفو ان بعدت حد يرقبها وهينزلو هما كمان القاهره بس شويه كدا
الشخص2: طب يلا نجهز شنطنا
صباح اليوم التالي
صحيت نورا ولقيت نفسها في اوضه غريبه بس في منتهي الجمال والخوف بان علي وشها لما افتكرت مازن وهديت شويه لما شافت لين
نورا: اكيد مراد جابني بيتو بعد اللي حصل وكملت مش وقتو دلوقتي يلا يا نورا انسي اللي حصل انتي قويه وصحت لين وخدت من عندها لبس واخدت شاور وتوضأت وادت فرضها ونزلت لاسفل ولقت مصطفي
نورا: صباح الخير يا انكل
مصطفي: صباح الخير يا حبيبتي رايحه فين كدا انتي تعبانه
نورا: متقلقشي عليا يا انكل انا كويسه مشوار صغير ورجعه يلا سلام وبعدها مشيت وذهبت للشركه
في غرفه مراد نلاقي الهاتف بيرن
مراد بنوم: مين
اياد: وحيات امك انت لسه نايم
مراد: ولا احترم نفسك عايز ايه
اياد: عايز ايه انت نسيت الاجتماع ولا ايه
مراد: اه صحيح هي الساعه كام
اياد: الساعه 9 يا اخويا
مراد بفزع: ايه وقفل في وشو
مراد: انا لازم اروح واشوف مين اللي يتجرأ ويعمل كدا معايا قام وخد شاور ولبس بدليتو الرسميه وركب عربيتو متوجها لشركه الايمان
في شركه الايمان
مراد وصل واول مدخل الموظفين كلهم قامو وهو ماشي بغرور وقابلوه بترحاب كبير وشريف دخلو اوضه الاجتماعات بناءا علي طلب نورا واول لما دخل لقي اياد هناك
مراد بسخرية: علي اخر الزمن مراد السويسي يستني حد
اياد: اهدا يا جدع مش كدا وبعد مرور ربع ساعه
مراد بعصبيه: لا كدا كتير اووي وفجاه الباب اتفتح ودخلت نورا
نورا بثقه: اهلا يا مراد بيه منورنا والله
ومراد اتصدم
مراد بصدمه:

مراد هيعمل ايه بعد معرف ان نورا هي مديره الشركه
ايه اللي هيحصل مع دعاء واياد
ايه رايكو اظهر هويه الاشخاص اللي بتتكلم ولا استني شويه
وعيزه تفاعل وتشجيع ديما وكومنتات