قرباء ولكن غرباء بقلم نورا قنصوه

البارت7

( روايه قرباء ولكن غرباء )
البارت7 بقلم نورا قنصوه
صباح يوم جديد
دعاء وقفه في الممر راحه جايه مش عارفه تعمل ايه لحد ملقت الدكتور خرج
دعاء بلهفه: ماما ماما مالها
الدكتور: البقاء لله
دعاء بصدمه: ايه انت بتقول ايه لا لا ماما مستحيل تسيبني ماما عايشه حد يقولي انها عايشه انت انت قولتلي امبارح انها في غيبوبه اه هي في غيبوبه اعملها انعاش للقلب وهي هتفوق ماما مستحيل تسيبني وقعدت علي الارض وصرخت
دعاء بصريخ: مامااااااا اااااااه
في قصر السويسي
مصطفي: يلا يا ساره هنتاخر علي هنا
ساره: حاضر يا حبيبي خلصت اهو وكملت هو هشام وشاهي عرفو
مصطفي: اه عرفو وجايين في الطريق
ساره: ماشي يلا وبعدها راحو المستشفي
هنا بعياط: بابا وماما لسو ماجوش
جاسر: زمانهم جايين وبعدين احنا عاوزنهم يجو يلقوكي خرجتي وبقيتي زي القرده
هنا بحزن: كان نفسي يكونو معايا
لين: احنا كلنا معاكي اهو يا حبيبتي وبعدها دخل ساره ومصطفي
ساره: حبيبه قلبي عمله ايه
هنا: الحمد لله يا طنط
مصطفي: ان شاء الله تقومي بالسلامه يا حبيبتي
هنا: ان شاء الله وبعدها دخلت الممرضه عشان تجهز هنا وبعد فتره دخلت هنا العمليات
في شركه الايمان
نورا: حنان عملتي ايه مع شركه السويسي
حنان: الميعاد بكرا الساعه 10 ووفقو انهم هما اللي يجو
نورا بخبث: اجلي الميعاد وخليه بعد بكرا
حنان: بس كدا
نورا: حنان نفذي اللي قولتلك عليه
حنان: امرك يا فندم وبعدها خرجت
نورا لنفسها: اما اشوف انا ولا غرورك يا مراد وبعد كدا اخذت الصفقه ودرستها جيدا
في شركه السويسي
في مكتب اياد فيه خبط علي الباب
اياد: ادخل
هاله: استاذ اياد
اياد: خير يا هاله فيه حاجه
هاله بتوتر: اصل اصل
اياد: اصل ايه اتكلمي
هاله: شركه الايمان اجلت الميعاد بدل بكرا خلتو بعد بكرا
اياد بصدمه: نعم
هاله بخوف: انا مش هقدر اقول لمراد بيه
اياد: تمام يا هاله روحي انتي وبعد مخرجت
اياد: دا مراد هيعمل من صاحب الشركه دي بطاطس محمره وبعدها راح لمراد ودخل زي عادتو من غير خبط
اياد: انت فايق ولا لا
مراد: اخلص فيه ايه
اياد: بص انا عايزك تهدا كدا وتهدي اعصابك
مراد بصوت عالي: ايااااااد
اياد بسرعه: الميعاد بتاع شركه الايمان اتاجل بقا بعد بكرا
مراد بهدوء: تمام تمام اوووي
اياد: نقرا الفاتحه علي صاحب الشركه
مراد: برا يا اياد
اياد: عيب يا جدع دانا ص ولم يكمل كلامو
مراد بزعيق: براااااا
اياد: خارج يا عم انا بس جاي كنت حابب اقولك ان نزلنا اعلان عن دكاترا للمستشفي وبعدها مشي
مراد بشرود: يا ترا مين صاحب الشركه دي
عند دعاء
بعد العزاء دعاء كانت قاعده في البيت وبتعيط وتلاقي خبط علي الباب دعاء راحت فتحت ولقت رحمه ودعاء فرحت لما لقتها كانت محتاجه تعيط وتتكلم مع حد ومقدرتشي ورمت نفسها في حضن رحمه
دعاء: رحمه ماما ماما مامت وسابتني يا رحمه
رحمه: اهدي يا حبيبتي ربنا يرحمها
دعاء: وحشتني اوووي
رحمه: هي في مكان احسن دلوقتي لازم تبقي قويه عشان تبقي فاخوره بيكي وتحققي حلمها وتبقي دكتوره قد الدنيا
دعاء: مش هقدر احقق حلمي وهي مش معايا
رحمه: هي حسا بيكي يا حبيبتي وزعلانه منك دلوقتي عشان اللي عملاه في نفسك دا
دعاء: مش قادره انا انا همشي من هنا كل حاجه بتفكرني بيها
رحمه: انتي كمان يا دعاء عايزه تسيبيني وتمشي مش كفايا هو ونورا خليكي معايا
دعاء: مش قادره والله يا رحمه لازم ابعد عن هنا مش هقدر اعيش هنا تاني كدا هبقا مرتاحه اكتر
رحمه: براحتك يا حبيبتي بس اوعي تنسيني هتسافري امتي استوووووب ( مش هتسافر بلد تانيه هتروح محافظه تانيه زي نورا برضو مسافرتشي بلد تانيه هي من المنوفيه فراحت القاهره يعني كلهمم عايشين في مصر) نرجع بقا
دعاء: مقدرشي انساكي يا رحمه انتي اللي بقيالي من بعد ما امي ماتت ونورا ملهاش اي اثر وان شاء الله هسافر بكرا
رحمه: ايه بكرا بس انتي تعبانه
دعاء: متقلقيش انا كويسه الحمد لله
رحمه: طب تعالي ارتاحي شويه
دعاء: يلا وقامو الاتنين عشان يرتاحو
في المستشفي امام غرفه العمليات نلاقي كل اهل لين وقفين ويجو عليهم هشام وشاهي ( والد والده هنا )
شاهي: بنتي بنتي فين
ساره: اهدي يا شاهي هي جوا وشويه وهتخرج
شاهي ببكاء: يا حبيبتي يا بنتي اكيد زعلانه عشان مكناش معاها ياريتنا ماسفرنا
هشام: اهدي يا شاهي هتبقي كويسه ان شاء الله وبعدين دا شغل مش بأدينا ولقو الدكتور خرج والكل جريو عليه
الدكتور بابتسامه: اهدو يا جماعه اهدو هي كويسه وبعدين دي عمليه بسيطه وعملناها بالليزر
جاسر بلهفه: هي هتفوق امتي
الدكتور: عشر دقايق وتفوق وتقدرو تشوفوها
جاسر بفرحه: شكرا
وكلهم راحو اوضه هنا ولين اتاكدت ان فيه حاجه بين هنا وجاسر
هنا وبدات تفوق: ااه ااه انا فين
شاهي ببكاء: هنا حبيبتي انا اسفه يا حبيبتي غصب عني والله
هنا: ماما انا كويسه متعيطيش
لين: الف سلامه عليكي يا حبيبتي يلا قومي بقا مش وخدين عليكي كدا
جاسر: حمد الله علي سلامتك يا هنا
وهنا وقلبها بيدق بشده: الله يسلمك وبعد كدا الدكتور دخل وكشف علي هنا
هشام: احنا هنخرج امتي
الدكتور: بكرا الصبح باذن الله
الشخص1: ها عرفت حاجه
الشخص3: اه الواد اللي بيرقبها بيقول انها بتروح شركه كل يوم
الشخص2: ايه الغريب في كدا ميمكن بتشتغل
الشخص3: الغريب في اللي جاي قالي ان في واحد لما اغمي عليها خدها وشافو كمان مره وهو بيوصلها فقولتلو صورو ودي الصوره اللي بعتها
الشخص1: مستحيل
الشخص2 بصدمه: مراد السويسي
الشخص3: مصيبه عرفتو ازاي دا وايه علاقتها بيه
الشخص1: انا بدأت اقلق
الشخص2: مراد السويسي مش اي حد ولو عرف ان احنا ولم يكمل كلامو
الشخص3 بعصبيه: اخرس منك ليه احنا مش لوحدنا في الحكايه دي لو خربت يبقي تخرب علي الكل واحنا معانا اللي يثبت ان ابوها اللي فجر البيت اسكتو بقا اما نشوف ايه اللي هيحصل
صباح اليوم التالي
رحمه: مع السلامه يا دودو هتوحشيني اوووي
دعاء: وانتي اكتر يا رحمه وان شاء الله نشوف بعض تاني
رحمه: ان شاء الله طمنيني عليكي اول متوصلي
دعاء: حاضر يلا مع السلامة
رحمه: في حفظ الله ومشيت دعاء وركبت الاتوبيس متوجهه للقاهره
داخل المستشفي في غرفه هنا
جاسر: يلا اجهزو علي مخلص اجراءات الخروج
لين: حاضر يا ابيه وبعدها خلصو الاجراءات ومشيو متوجهين لبيت هنا
لين وهي بتساعد هنا عشان تقعد علي السرير
شاهي: براحه يا لين حاسبي
لين: حاضر يا طنط
هنا: متقلقيش يا مامي انا كويسه
جاسر: اللي يشوفك دلوقتي ميشفكيش قبل العمليه كنتي هتموتي من الخوف
هشام: بعد الشر عنها وهنا بصت لجاسر بغضب والباب خبط ولين راحت تفتح ولقت نورا
لين: ازيك يا نورا عمله ايه
نورا: الحمد لله بخير
لين: اتفضلي
نورا: هي هنا موجوده
لين: اها تعالي ونورا دخلت واتفاجأت بالناس اللي موجوده دي كلها
لين: متتخضيش كدا اصل هنا عملت عمليه امبارح
نورا بخضه: عمليه ايه
لين: المراره
نورا وهي بتبص لهنا: الف سلامه عليكي يا حبيبتي عمله ايه دلوقتي
هنا بابتسامه: الحمد لله يا نورا بقيت احسن
ساره: ازيك يا حبيبتي عمله ايه
نورا: الحمد لله يا طنط
شاهي: مين القمر
ساره: دي نورا وحكتلها كل حاجه حصلت
شاهي: شكرا جدا ليكي يا بنتي انك انقذتيهم
نورا: العفو
هنا: اقعدي شويه يا نورا وقعدو كلهم مع بعض يتكلموا
عند دعاء وصلت القاهره ونزلت من الاتوبيس ومشيا زي التايهه ومش عارفه اي حاجه حست انها عطشانه فدخلت سوبر ماركت تشتري مايه وفي نفس الوقت اياد كان سايق عربيتو وبيكلم مراد
مراد: انت فين يلا
اياد: مش جاي يا عم الشركه مش الاجتماع بكرا مع شركه الايمان هاجي بكرا
مراد: اياد وربنا لو مروحت الشركه لزعلك مني مش هيبقي انا وانت برا
اياد: طب متروح انت
مراد: والله انا مش بتفسح انا رايح لهنا صاحبه لين عشان عمله عمليه
اياد: صحبه اختك مالك انت بيها
مراد: اخرس ياض احنا واهلها عيله مع بعض وانا بعتبرها اختي واكتر اخلص بقا روح
اياد: مش رايح يا عم حل عن نفوخي
مراد بصوت عالي: هتروح يا اياد غصب عن عين اهلك ووريني بقا مش هتروح ازاي وقفل السكه في وشو
اياد: ابن ال**** لازم يشخط يعني امري لله وساق وهو بيكلم نفسو وفي الوقت دا دعاء كانت خارجه من السوبر ماركت وطلعت قدام عربيه اياد ومعرفشي يتفداها
اياد صدمه:
في منزل هنا قعدين كلهم مع بعض بيتكلمو ونلاقي الباب خبط ولين راحت تفتح
مراد: اهلا اهلا باميرتي الحلوه
لين: ابيه وحشتني اووي
مراد: وانتي كمان تعالي نخش للبت هنا ودخلو
مراد: قلبي يا ناس الف سلامه عليكي يا قلبي ان شاء الله جاسر وانتي لا ( معلومه مراد مع لين وهنا حاجه تانيه خالص )
جاسر: ايه يا عم مالك فيه ايه
مراد: اخرس ياض
هنا: الله يسلمك يا ابيه ومراد راح ليها وباس راسها وخدها في حضنو وبيبص لجاسر
جاسر بغضب: انا ماشي
مراد: خد يا عم اذا حضره الشياطين ولا ايه وشاف نورا قدامو بصو لبعض من غير كلام
هشام: اقعد يا مراد
مراد: ازيك يا اتش ازيك يا شاهي
هشام: يخربيتك يا مراد اتش مين يا عم هشام وعديناها تقولي اتش شويه شويه تقولي يلا
مراد: متأفورشي بقا يا هشام
هشام: ماشي يا اخويا
مصطفي: ايه اخبار الصفقه الجديده ومين اللي داخل معانا
مراد: كويسه وبعدين هي فيه غيرها شركه الايمان ربنا ياخد صاحبها
نورا ببرود: بعد الشر متدعيش عليه
مراد: نعم
ساره: عندها حق يا حبيبي هو عشان شاطر تدعي عليه طب مانت شاطر ترضي ان حد يدعي عليك
مراد: اصل مستغرب يعني انها بتدافع عنو وبص لنورا
مصطفي: مش المفروض كنت تقابلو النهارده
مراد بغضب: اجل الميعاد
مصطفي: ياه اخيرا فيه حد قدر يقف في وشك
مراد بعصبيه: بابا
مصطفي: خلاص يا سيدي ونورا لاحظت غضب مراد وضحكت في سرها ولسه وبعد كدا الكل مشي معدا لين اللي قررت تبات مع هنا ونورا خليتها قعدا شويه واهل هنا راحو يستريحو من السفر بعد ماطمنو علي هنا
عند دعاء واياد
اياد بصدمه: ينهار ابيض هو يوم باين من اوله ونزل من العربيه بسرعه
اياد: انا اسف جدا يا انسه حضرتك كويسه
دعاء اتحاملت علي نفسها وقامت رفضت مسعدتو
دعاء بعصبيه: اسف اعمل بيها ايه دي افرض كنت موت او حصلي حاجه ماشي بسرعه ليه ولا هتلاقي اصلا مامي وبابي هما اللي جبوهالك او يمكن يكون معاك تصريح سواقه حمار اصل دي مش سواقه انسان عادي وسابتو ومشيت وهو واقف مصدوم
اياد بصدمه: حمار يا بنت ال*****
مازن: كل دا بيعملو ايه فوق
زياد: مالك يا عم متروق وكمل وهو بيبص قدامو اهم نزلو
مازن: حلو اوووي كدا نستني شويه وبعدين نطلع وكمل بشر: جايلك يا حلوه
في منزل هنا
هنا بضحك: هههه خلاص كفايه والله مقدره يا لين هههه
نورا: كفايه هنا هتموت مننا انا هروح شقتي اجيب حاجه حلوه ناكلها
لين: ماشي
وقامت نورا وراحت ناحيه شاقتها وفتحت الباب ودخلت ولسه هتقفلو اتصدمت من اللي بيزوقها
مازن: ازيك يا حلوه

يا ترا ايه اللي هيحصل مع نورا
واياد ودعاء ايه اللي هيحصل مبنهم
ومين الاشخاص اللي بتراقب نورا ديه
ومين الشاب الي بيدير شركه نورا اللي برا كل دا في البارتات اللي جايا ان شاء الله