( روايه قرباء ولكن غرباء )
البارت21 بقلم نورا قنصوه
شخص ما: الان هو موعد معرفه من هو صاحب شركات الايمان الذي قام بتغير اسمها الي شركات الصقر جروب
وطلع شخص والكل اتصدم لما طلع
نورا بثقه: انا نورا الابنودي صاحبه شركات الايمان وانا مبعتش شركاتي لحد الشركات لسه بأسمي دي اشاعه
صحفي: وليه حضرتك منفتيش الاشاعه دي اول مطلعت
نورا ببرود: كل حاجه في وقتها حلوه فقولت اخلي اللي طلع الاشاعه يفرح شويه ويعمل حفله واطلع انفي الاشاعه شكرا وبعد كدا مشيت وهي مصدومه من اللي حصل وبتفتكر
فلاش باااااااك
نورا ركبت معاه العربيه لحد موصلو قدام القاعه
نورا بصدمه: انت جايبني هنا ليه
مراد: عشان الحفله
نورا: انت عايز مني ايه ليه عايز تذلني طول الوقت ليه عايز تشوفني مكسوره
مراد ببرود: خلصتي انزلي
نورا: لا مش هنزل مش هنزل عشان مش اقدر اشوف حلم حيات ماما وتعبها بيروح قدام عنيا وانا مش قادره اعمل حاجه
مراد: ومين قال ان حلم حيات مامتك راح انتي هتنزلي عشان انتي صحبت الشركات دي وانتي اللي هتطلعي قدام الناس كلها وتقوليلهم كدا
نورا بصدمه: ازاي انا اتنازلت عليهم بايدي
مراد: هاتفهمي بعدين يلا الحفله هتبدأ واتكلمي بكل ثقه فاهمه
نورا: فاهمه
بااااااك
نورا كانت فرحانه جدااا كانت هتموت من الفرحه ومن كتر فرحتها راحت لمراد وحضنتو جامد
نورا بفرحه: شكرا شكرا ليك بجد انا فرحانه اوووي وفجأه استوعبت اللي عملتو وبعدت عنو بسرعه
نورا بخجل: معلشي مقصدتش
مراد: مفيش مشكله يلا نروح وهفهمك كل حاجه هناك عشان الكل هناك
وركبو العربيه ونورا حسا بحاجه غريبه
نورا لنفسها: مش عارفه ليه لما حضنتو حسيت ان قلبي بيدق جامد وحسيت بالامان الي افتقدتو من ساعه ما ابويا مات حسا بمشاعر كتير بس مش خايفه ولا زعلانه شكلي وكملت
نورا بسرعه: لا لا اعقلي وبطلي شغل الجنان دا وبعد شويه وصلو القصر ونزلو من العربيه ودخلو
خالد راح جري علي نورا وحضنها: مبروك يا قلبي انا فرحان جدا ان شركتك رجعت ليكي
نورا: شكرا يا حبيبي ومراد حس بغضب ونار جواه من خالد
دعاء: مبروك يا نورا ونورا اكتفت بابتسامه
ساره: بس ازاي مش انتي بعتيها
مراد: قصدك اتنازلت عنها والكل اتصدم واولهم نورا
نورا بصدمه: عرفت ازاي
مراد: مفيش كل الحكايه ان جيت في فتره حسيت انك مخبيه علينا حاجه وتصرفاتك كانت بتأكدلي دا لحد مجه اليوم اللي قعدتي تكسري فيه كل حاجه في وشك وقعدتي تقولي سامحيني ياماما
فلاش باااااااك
مراد بشرود: انا متاكد انها مخبيه علينا حاجه من ساعه اليوم اللي جت فيه هي ولين وكان باين علي لين انها تعبانه( قصدو علي اليوم اللي لين اتخطفت فيه وحازم وصلهم ) انا لازم اعرف كل حاجه
في اوضه لين
نلاقي الباب بيخبط
لين: ادخل
مراد: اميرتي عامله ايه عاوز اسالك بس حاجه
لين: اتفضل يا ابيه
مراد: ايه اللي حصل يوم مجيتي القصر انتي ونورا قبل عيد ميلادك بيومين وكان باين عليكي انك تعبانه
لين بتوتر: حصل محصلشي حاجه يا ابيه
مراد: لين توترك دا بيأكدلي ان فيه حاجه حصلت ونورا اللي حصلها دا بسبب اللي حصل في اليوم دا
لين: هو انا كنت كنت
مراد: لين حبيبتي انا اخوكي الكبير اوعي تخافي مني ابدا وانا واثق ان اميرتي عمرها متعمل حاجه غلط اتكلمي يا حبيبتي عشان اعرف اساعدكو
لين: حاضر وحكتلو عن كل اللي حصل لما حد دلق عليها عصير في المول وانها اتخطفت ولما فاقت لقت نورا قدامها
مراد بصدمه: ايه اتخطفتي كل دا وانا معرفشي
لين: نورا قالتلي مقولشي لحد عشان مقلقكوش علي الفاضي
مراد: طب وايه علاقه نورا بلي خطفوكي وهما خطفوكي ليه من الاساس وسابوكي كمان في نفس اليوم
لين: معرفشي يا ابيه كل اللي اعرفو قولتو لحضرتك
مراد: ماشي يا حبيبتي ارتاحي انتي شويه وبعدها مشي وراح المول
مراد بقوه: فين المدير اللي هنا
رجل الامن بخوف: اتفضل حضرتك معايا ومشي معاه لحد مطلع قدام مكتبو
ومراد دخل من غير استأذان
مدير المول: مراد بيه اهلا بحضرتك تشرب ايه
مراد: انا مش جاي اضايف عايز تسجيلات المراقبة بتاعه يوم...... اكيد طبعا فيه كاميرات في المول
مدير المول: طبعا يا فندم بس هو فيه اي مشكله
مراد: متشغلشي بالك انت وعايز الموضوع دا في سريه تامه
مدير المول بخوف: حاضر يا فندم خمس دقايق وراجع لحضرتك وبعد شويه جه مدير المول وادالو فلاشه ومراد شاف ان فيه شخص دلق علي لين العصير بقصد ومشي بسرعه وشاف انو فضل مراقبها ولما دخلت الحمام دخل وراها ومراد اخد صورتو وقام
مراد: اعتبر انك مشفتنيش النهارده مش عايز اي حد يعرف بلي حصل
مدير المول: تحت امرك يا مراد بيه واحنا في الخدمه ديما وبعد كدا مشي مراد وجاب معلومات عن صاحب الصوره اللي هو احمد اللي كان بيراقب نورا وراحلو بيتو
في منزل احمد
نلاقي الباب بيخبط
احمد: طيب جاي اهو وفتح الباب واتصدم لما شاف مراد قدامو
احمد بخوف: مراد باشا
مراد ببرود: باشا دا انت اللي باشا
احمد: اؤمر يا مراد بيه
مراد بسخريه: ميؤمرشي عليك ظالم ها سمعك
احمد: مش فاهم قصد حضرتك
مراد: لا يا راجل ماشي خليني معاك لاخر خطفت اختي ليه ومين اللي كلفك بخطفها
احمد بتوتر: ايه اللي حضرتك بتقولو دا محصلشي انا معملتش كدا
مراد: اللهم مطولك يا روح بص يا سيدي ووراه الفيديو بتاع المول
احمد: ايوا انا دلقت عليها العصير بالغلط
مراد: وجريت ليه طالما بالغلط ودخلت وراها الحمام ليه
احمد: انا خفت لتزعقلي فمشيت اما الحمام انا كنت فاكرو الرجالي
مراد بزعيق: ولا انت هتنطق ولا لا
احمد: هقول ايه يا مراد باشا انت عايزني اعترف بحاجه انا معملتهاش
مراد: طب تمام انا هخليك تعترف بطريقتي وتناه يضرب فيه لحد مبدأ ينزف من كل حته
احمد: خلاص هتكلم هتكلم
مراد: شاطر سامعك
احمد: سليم باشا هو اللي قالي اني اخطفها واكلم نورا واقولها تيجي عشان عندنا امانه ليها
مراد: مين سليم باشا بتاعك دا
احمد: معرفشي هو قالي رقبها وكنت بنقلو اخبارها لحد مطلب مني اني اخطف اخت سعتك وكلمت نورا ووصلتها بيه هو كان خاطف لين عشان يهدد نورا بيها ويخليها توافق علي انها تتنازل عن الشركه
مراد بصدمه: ايه تتنازل وكمل اسمع بقا انت تكلمو وتقولو ان عندك خبر هيفرحو اووي بخصوص نورا ومش هينفع في التليفون وخليه يجي علي العنوان دا.........
احمد: يباشا دا معندوش قلب دا هيقتلني
مراد ببرود: هو انا مقولتلكشي مانا كمان معنديش قلب ولو منفذتش اللي قولت عليه هقتلك وايه كمان كل كلمه قولتها متسجلالك هنا شوف بقا لما البوليس يشوف التسجيل دا
احمد بسرعه: موافق يباشا هعمل كل اللي قولتلي عليه وبعد كدا اتصل بسليم اللي كان في الديسكو وهو مؤمن ومعتز بيحتفلو عشان نورا اتنازلت عن الشركه واحمد قالو علي العنوان اللي هيقبلو فيه
مراد: شاطر وضربو علي دماغو واغمي عليه عشان ميبلغشي سليم لما يمشي ومشي راح لسليم
عند مراد
واقف مستني سليم لحد مجه هو ومؤمن ومعتز وكانو سكرانين اوووي
سليم: عايز ايه ي وقطع كلامو لكمه من مراد
مراد: دي تحيه من مراد السويسي ليك ورفع في وشو المسدس
مراد بغضب: هعد من واحد لتلاته لو مطلعتش الورق اللي خليت نورا تمضي عليه قول علي نفسك يا رحمان يا رحيم
سليم: ورق ايه
مراد ولكمو كمان مره: التنازل عن الشركه يا خفيف
سليم: مش هدهولك واتصدم لما مراد ضرب رصاصه كانت سنه وهتيجي فيه
مراد: وعد مني لو مجبتش الورق دلوقتي حالا الرصاصه التانيه هتبقي في قلبك
سليم بخوف: هجيبو هجيبو وقام راح ناحيه العربيه اللي فيها معتز ومؤمن اللي مصدومين وخايفين وجاب الورق اداه لمراد ومراد خدو وشافو وطلع هو فعلا وولع في الورق قدامهم
مراد: المره دي هسيبكو تغورو بس المره الجايه بدل الورق اللي بيتحرق دا هيبقا انتو ومش عايز اي مخلوق يعرف بلي حصل انا متاكد ان ليكو كبير لان شويه عيال صايعه زيكو ميعرفوش يعملو كل دا لوحدهم انا بقا مش عايز الكبير دا يعرف حاجه في الوقت المناسب هيعرف ولو عرفت انو عرف هتزعلو اوووي وسابهم ومشي
باااااااك
مراد: بس هو دا كل اللي حصل ومردتشي اقول لحد غير يوم الحفله
اياد بصدمه: يا دين النبي ايه دا يا عم عملت كل دا
جاسر: هو فيه حاجه تصعب علي الوحش ومصطفي وساره كانو فاخورين بيه
نورا شافت رحمه واقفه وخايفه تقرب منها
نورا: ايه هو انا موحشتكيش مفيش ازيك عمله ايه حضن حتي
رحمه جريت علي نورا بسرعه وحضنتها وقعدت تعيط
رحمه: انا اسفه والله اسفه سامحيني غصب عني
نورا: خلاص يا حبيبتي انا عرفا انك كنتي خايفه عليا خلاص انسي اللي فات
جاسر: كل حاجه بقت تمام اهي انا عايز اتجوز يا ناس وبص لهنا اللي بصتلو بخجل
لين: لا وشف كسوف انتي
هنا: اصملي عليكي وعلي حازم بتاعك
لين بتوتر: حازم حازم مين
هنا: لا يا شيخه عليا انا ماشي
خالد: وانا كمان ياجسورتي جوزني معاك
جاسر: يا شيخ اتنيل مش لما اتجوز انا الاول
ودعاء عماله تبص علي اياد وهو متجهلها علي الاخر عايزه تقولو اللي هي كمان بتحبو وكانت حسا بيه وبمشاعرو بس كانت عايزه تتاكد
دعاء: اياد عايزه اتكلم معاك شويه
اياد: اه طبعا اتفضلي ومشيو بعيد شويه
دعاء: كنت عايزه اقولك ان
اياد: انتي متوتره ليه انا اللي كنت عايز اقولك انك تنسي اي حاجه انا قولتهالك قبل كدا انا مكنتش في وعي
دعاء والدموع اتجمعت في عنيها: تمام وسابتو ومشيت
اياد: انتي عمرك محسيتي بيا ولا بينتيلي انك بتحبيني فكنت لازم اقولك كدا مع اني عمري محبيت ولا هحب غيرك ومشي هو كمان ليهم
مصطفي: خلاص بعد اسبوع يبقي خطوبه جاسر وهنا وخالد ورحمه
جاسر: يحيي العدل والكل ضحك عليه وبعد كدا كل واحد مشي
في مكان ما في القاهره
تامر: يعني انتو كنتو بتستغبوني طول الفتره دي بتضحكو عليا
مؤمن: ماحنا لو كنا فتحنا بوقنا بكلمه كنا هنموت واحنا مش مستغنين عن عمرنا
تامر: ماشي وكمل بشر: وحيات امي يا نورا مهسيبك في حالك ومش هخليكي تفرحي كتير وهتشوفي هعمل ايه
في غرفه مراد ونورا
مراد كان خارج من الحمام ونورا كانت مشيا في الاوضه متوتره وفجأه خبطت في مراد وكانت هتقع بس هو مسكها من وسطها وفضلو باصين لبعض فتره
نورا: احم مراد ومراد فاق لنفسو واتعدل وبعد عنها
مراد: خدي بالك المره الجايه
نورا: تمام وكنت حبا اشكرك علي كل اللي عملتو
مراد: مفيش داعي اعتبري ان دا اعتذار مني ليكي علي اللي عملتو فيكي في المخزن واللي قولتو
نورا بصدمه: اعتذار
مراد: دماغك متروحشي لبعيد انا مش بقول اسف لحد
نورا: مغرور اوووي انتي ليه متعتذرشي لحد
مراد: كدا متعود علي كدا
نورا: خلاص هي معروفه اللي بيغلط بيعتذر مش عايز تعتذر متغلطشي شوفت سهله ازاي
مراد: هحاول وبعد كدا راحو نامو
صباح اليوم التالي
الكل قاعد بيفطر
ونزل مراد
مراد: صباح الخير يلا سلام ورايا شغل ومشي متوجه لشركه
جاسر: ابنك مجنون يا حج وبعد شويه نزله نورا
نورا: صباح الخير
الكل: صباح النور
ساره: اقعدي افطري يا حبيبتي
نورا: معلشي يا طنط انا راحه دار الايتام وهفطر مع الاطفال هناك
جاسر: انا بقيت اخاف منك لما تخرجي لوحدك
نورا: متخافشي راحه دار الايتام والله يلا سلام وخرجت وركبت عربيتها وهي في الطريق جتلها رساله وفتحتها واتصدمت لما شافتها وقعدت تصرخ وتعيط
يا ترا نورا شافت ايه
وايه اللي هيحصلها
واياد ودعاء هيحصل بينهم ايه
وتامر هيعمل ايه مع نورا كل دا في البارتات الجايه ان شاء الله
تفاعل بقا وكومنتات ورأيكو يهمني
أنت تقرأ
قرباء ولكن غرباء بقلم نورا قنصوه
Ficción Generalهو شخص مغرور متكبر يحب عائلته كثيرا لا يحب جنس النساء لا يؤمن بالحب اما هي فهي مرحه عنيده زكيه طيبه القلب ولكنها تتغير 180 درجه بسبب الذي حدث لها لنري ماذا حدث
