حكايات ارض السلطان الملحمة الاولي ( كاملة )

الحلقة التاسعة #جبل_الالم

#حكايات_ارض_السلطان

الحلقة التاسعة

#جبل_الالم

** ف نفس الوقت دة مهيب كان ماشي ف طريق طويل تحت الارض وبيدخل كل شوية ف فتحة تانية ل طريق تاني وكل ما يقف قدام كذا طريق يبص علي الحيطان بكشاف تليفونة ف يشوف رسمة صغيرة لذئبين ف يمشي ف الطريق دة وفضل كدة لحد ما لقا جدار علية رسوماات علية بص علية بنور الكشاف شاف حاجات عمرة ما كان يتصور انة ممكن يشوفها مرسومة علي الحيطان وف مكان زي دة الغريب انة ابتسم وقال :: من تاني نبؤات ع الحيطان ياترا المرة دي هيحصل فية **
* وف لحظة استرجع ذهنة ذكريات منسية *
# راجع الحلقة السابقة لقراءة الفلاش بااك #

................
مهيب بص علي الحيطة الكبيرة اللي قدامة وشاف على الحيطه رسومات كثير قوي اول رسمه كانت ل بحر او نهر لية شاطئين وعلي الجانبين واقف رجالة كتير ماسكين رماح
الرسمة التانيه كانت ل اسد واقف فوق ذئب والذئب مرمي تحت،رجلية باين انة ميت و في ذئاب كتيرة واقفه وراه وحانين راسهم تجاة،الارض ف اسارة للطاعةوالخضوع
الرسمة الثالثه ست واقفة حواليها رجاله لكن ما كانش ليهم رجلين عباره عن خيط دخان مكان رجليهم ده
الرسمة الرابعه كانت عباره عن واحد لابس لبس زي مهيب بالظبط لكن مكنش في انياب كتير،يدوب انياب الفيل علي الدراعين كان واقف وماسك نفس السيف اللي مهيب لابسة و وراة بنت جميله لابسه فستان ابيض فرعوني وكان قدامهم جيش كبير ماسكين اسلحتهم و واضح من واقفة الراجل قدام البنت انة بيحميها مهيب ركز ف،الرسمة دي لقا ان،دي الست اللي شافها ف الحلم وقالتلة حان الموعد يا مهبانوت مبقش عارف يفكر من الصدمة مين الست،دي ولية، مرسومة هنا ولية بيحلم بيها *

مهيب قرر يركز ف اللي جاي عشانة انة ينقذ البنت المخطوفة وكمل مشي لحد ما لقا نفق بيطلع ل فوق و علي ال حيطة ف اولة رسمة الذئبين ف مشي فية والنفق بيطلع بية لحد ما لقا قدامة حيطة فكر انة غلط ف النفق ف لف عشان يرجع شاف علي فتحة ف الحيطة اللي ف الجنب وجمبها رسمة ذئبين صغيرين مهيب خد قرارة بسرعة ودخل ايدة ف الفتحة وتجاهل تفكيرة ان ممكن يكون فيها تعابين او عقارب ومد ايدة جواها لقا حاجة زي مقبض شدة ف الحيطة اللي قدامة اتفتحت بالراحة دخل بسرعة والحيطة اتقفلت تاني لقا نفسة ف مغارة كبيرة
خرج من المغارة لقا نفق بس في حاجات مرميةعلي الارض زي اسلحة و هدوم اطمن انة كدة جوة الجبل ومشي وهو سامع صوت رجالة بتتكلم بعيد قرب منهم لقا مغارة صغيرة ف جنب النفق اللي هو فية اول ما وصل عندهم طلع خنجرين من جوة هدومة وبسرعة دخل المغارة و هجم علي الرجالة و وقف وراهم وحط الخنجرين علي رقبة اتنين منهم *
مهيب :: اني معيزش اخلص علي حد ف بالذوج كدي هتودوني لكبيركم ولا اخلص عليكم واشوف غيركم يودوني
*الرجالة الباقية الراجلين الباقيين مسكو سلاحهم ف مهيب ضغط بالخناجر علي رقاب الراجلين *
مهيب :: جلت معيزش اخلص علي حد منيكم ف يلا جدامي و دوني علي كبيركم *
* مهيب بقا ماشي وقدامة الرجلين وهو وراهم وحاطط الخناجر علي رقبتهم وبقا كل شوية رجالة تقابلهم ويوجهو سلاحهم ناحيتة لكن محدش ضرب نار والرجالة بقت تزعق بصوت عالي :: غريب ف الچبل غريب ف الچبل وباقي الرجال بيظهر من الفتحات بشكل اكبر واكتر
وفضلو وراة وقدامة لحد ما وصل ل مغارة كبيرة اوووي وفيها رجالة كتير وف اخرها راجل ضخم ف الاربيعينات وباين انة قوي وعضلات قاعد علي كرسي حجري **
كبير الهجامة :: مرحب بيك لما جالولي ارض السلطان بجا فيها سيد چديد مصدجتش انة الواد المصراوي ، بس براو عليك طلعت حفيد السلطان صوح.
مهيب نزل الخناجر من علي رقبة الرجالة و رجعهم ف جنبة و وقف عادي :: يأك كت فاكر ان ارض السلطان رچالتها ماتوا عشان تخلي رچالتك يدخلوها ارض السلطان لسة بخيرها ونسل السلطان فيها يحميها ل يوم الدين.
كبير الهجامة :: چاي لموتك معتخرچش من هني الرچالة هيخلو عليك ويتاووك ف بطن الچبل ومحدش هيعرفلك طريج هاتو البت اللي چبناها من ارض السلطان عشان يشوف بعينة هنعمل فيها اية جصادة .
* ف خلال دقيقة كان في ست ماسكة شابة جميلة وخارجة بيها من فاتحة ف المغارة والبنت اول ما شافت مهيب جريت ناحيتة و اول ما بقت جمبة مهيب شد ناب الفيل العاج اللي علي دراعة ومسكة ونفخ فية ف طلع صوت عالي كأنة بوق من اللي كانو بيستخدموها زمان ف الحروب القديمة الصوت كان عالي لدرجة ان في رجالة حطت ايدها علي ودانها مجرد ما مهيب خلص ونزل البوق ضرب النار اشتغل برة الجبل وكبير الهجامة قام من علي الكرسي وراح ناحية مهيب *
مهيب :: رچالة ارض السلطان كلاتهم محاوطين الچبل ورچالتك سابو مكانهم ودخلو الچبل ف الرچالة جربت من الچبل ودلوك بجيو محاوطين الچبل ومهيرچعوش غير لما اخرچلهم اني والبت اللي خطفتوها من اهلها والا يمين بالله يطربجو الجبل باللي فية بكوم جنابل مهيخلصش وان كان عليا مفرجاش طالما هنخلصو من الهچامة.
كبير الهجامة :: محدش جدر يدخلو الچبل من زمن الزمن ورچالتك مهيجدروش يعملوها ولا فاكرني هصدجك يأك ان رچالة ارض السلطان هيطربجو الچبل وسيدهم جواتة متخرچش من هني الا علي جتتي يا سيدهم .
مهيب :: يبجا انتا اللي اخترت.
* مهيب طلع السيف من الجراب اللي علي ضهرة وغرسة ف الارض و الاتنين مسكو ف بعض وكبير الهجامة كان واضح انة الاقوي وبقا يضرب مهيب ضربات كتيرة ف وشة و وقعة علي الارض *
كبير الهجامة طلع خنجر من جلابيتة :: واخيرا چة الوجت اللي هجتل بيدي كبير ارض السلطان مكتوبالي ابجا كبير الچبل والبلد كلاتها *
وف لحظة كان نزل بالخنجر ناحية قلب مهيب لكن مهيب حرك رجلية وزقة ف ايد كبير الهجامة نزلت بالخنجر ف كتف مهيب ومهيب بص للخنجر ف كتفة وزق كبير الهجامة وقام ولسة هيشد الخنجر من كتفة كبير الهجامة هجم علية ف مهيب حرك جسمة واتفادي هجمة كبير الهجامة ومسكة من وسطة و وقعة علي الارض ونزل فية ضرب لحد ما اغمي ف مهيب قام وقف *
مهيب :: اني معيزش اتعارك معاكم اارض السلطان والهچامة بينهم عهد وانتو نجضتوة واني چيت ارجع الصبية اللي خطفتوها وماشي والا يمين بالله الرچالة برة ما هيخلو حد حي وهيفچرو الچبل باللي فية هتهملوني اخرچ ل حالي ولا تچربو حظكم زي كبيركم اللي مرمي علي الارض جدامكم.
* الرجالة سكتت ومهيب شد البنت وخرج بيها من المغارة وهو ماسكها ف ايد والسيف بتاعة ف الايد التانية وبقا ماشي تجاة ضرب النار لحد ما خرج من فتحة من فتحات الجبل ولقا رجالة من الهجامة واقفين بيضربو نار علي رجالتة ف مسك البوق تاني ونفخ فية بقووة ف رجالتة وقفت ضرب نار والبنت ف اللحظة دي اغمي عليها ف مهيب شالها علي دراعاتة ولسة الخنجر ف كتفة ومشي بيها الهجامة اول ما شافوة خارج وشايل البنت نزلو سلاحهم وهو خرج من وسطهم لحد ما وصل للرجالة بتاعتة اللي فضلو يهتفو باسمة وصل ناحية حصان ورفع البنت علية وركب علي الحصان واتحرك بية والرجالة كلها اتحركت وراة تقريبا كان كل، رجالة البلد موجودين كان عدد كبير اووي وكان هتافهم عالي اووي بيشق هدوء، الصحراء * سيدنا حفيد السلطان حامي الارض والعرض * فضلو كدة لحد ما، وصلو لحد ارض السلطان ومهيب راح ناحية بيت العيلة وهما وراة ونزل من علي الحصان وشال البنت دخل بيها ناحية باب البيت، وعلي الباب كان واقف العمة هند ورحيل وفريدة وشمايل جت من ورا البيت كلهم خرجو، علي صوت الرجالة وهتافهم * رحيل صرخت اول ما شافت الخنجر ف كتف مهيب وكانت هتجري علية لكن العمة هند شدتها من دراعها ف وقفت ومهيب دخل وسطهم من غير ما يتكلم وهو شايل البنت ودخل بيها اوضة الضيوف نيمها علي السرير وخرج **