حكايات ارض السلطان الملحمة الاولي ( كاملة )

#الحلقة_ال_29_30 #نهاية_الملحمة_الاولي #بالدم

#حكايات_ارض_السلطان
#الحلقة_ال_29_30
#نهاية_الملحمة_الاولي
#بالدم

مرحبا يا عزيزي هذا قد يكون لقاؤنا  الاخير ولمن لم نلتقي من قبل انا #ولهان_حارس_حكايات_واسرار_وكنوز_ارض_السلطان
لا  داعي ل تذكيرك بالقواعد الان ولكن لا مانع من تذكيرك بها ف ربما تكون المرة الاخيرة وربما لا من يدري

لنمارس لعبة الاوراق
لكي أجعلك تستمتع بالقصة سنلعب لعبة تعلمتها من أحد أساتذتي، سنلعبها أنا وأنت فقط، ولن يُشاركنا أحد فيها، سألقي أمامك في بداية كل جزء مجموعة من الأوراق، وعليك أنت تنظر إليها جيداً، وعليك أن تهتم بالترتيب الذي وضعته أنا لهذه الأوراق؛ لأنها ستسهل عليك أحداث هذه القصة الملعونة ... نعم الملعونة أنت لم تخطئ القراءة، تسألني لماذا ملعونة؟ ومن الذي لعنها؟ أقول لك لا تضيع الوقت في الأسئلة، كل ما عليك أن تجلس منفرداً وتنظر جيداً للأوراق الثلاثة التي سأضعها أمامك الآن ..

-----------------
#بالدم ::
-----------------
أمامك الآن ثلاثة أوراق:
الأولى :: ذئبة الجبل تمسك خنجر ويبدو انها تطعن مهيب بة .
الثانية :: فريدة يديها غارقة في الدماء وتحت قدميها جثة غير واضحة المعالم .
الثالثة :: العمة هند تقف فوق كومة من الجثث امام رحيل التي تتوهج  عيناها بالضوء الازرق وكل منهما تحرك يديها كما لو كانو يرددون طلاسم سحر، انتظر هل تتقن العمة هند السحر انا مثلك لم اكن اعرف حسنا لا تهتم يا عزيزي والان لنبدا الحكاية

أنت الآن كونت صورة مختصرة في عقلك عن الحكاية الاخيرة ألم أقل لك أنك ذكياً ؟

___________________

_ ارض السلطان قبل سنوات من الوقت الحاضر _

______

*( سلطان ) في اوضتة ومعاة ابنه ( فخر الدين ) *

سلطان :: جرب يا فخر يا ولدي عايز اجولك سر واعر جووي محدش كان يعرفة جبل سابج واديلة زماان منسي ومحدش داري بية بس خلاص يا ولدي مفيش هروب من المجدر والمكتوب واهو علاماتة ظهرت وجرب يحصل يا ولدي.
فخر الدين :: سر ايي يا بابا انا مش فاهم حاجة من اللي حضرتك بتقولها !!
سلطان :: اللعنة اللي رابطة عليتنا ومهتسبهاش الا لما تغرجها ف بحر دم ومتخليش حد فيها حي.
فخر الدين :: لعنة اي بس يا بابا اللي حضرتك بتقول عليها مبقاش في حد بيصدق ف الكلام دة يا بابا .
سلطان :: اللي اني شوفتة ف حياتي يخليني اصدج يا ولدي ، من سنين كتيرة الشر  دية كان هيجضي علي عيلتنا لولا اني وجفت جدامة و الشيطان المحبوس مجدرش ينفذ خطتة .
فخر الدين :: حضرتك من ساعة ما تعبت المرة دي وانت بتقول كلام غريب انا هطلب حسن ابن عم حماد هو ف اخر سنة ف كلية الطب هخلية يجي دلوقتي يكشف عليك ويكتبلك حاجة تخفض الحرارة اكيد هي اللي مخلياك تهلوس بالحاجات دي .
سلطان :: اخس عليك واد جليل الرباية الظاهر العيشة والعلام ف مصر خلوك تنسا اصلك و ربايتك عشان تجول ل ابوك انة بيخرف كييف المخابيل.
فخر الدين :: لا سمح الله لا طبعا يا والدي انا مقصدش كدة ابدا انا اقصد ان صحتك حضرتك محتاجة متابعة الدكتور عشان نطمن عليك.
سلطان :: اني هخليك تتوكد اني مبخرفش و تشوف بعينك سري ل اچل ما تاخد عهدهم من بعدي  .
* سلطان بص لخاتم ف ايدة ب فص ابيض وقال :: اظهرو يا ( حات ) و ( مور  ). وفورا ظهر راجل وست لابسين فرعوني قدام ( فخر الدين ) اللي من الصدمة وقع من علي الكرسي بتاعة و رجع لورا كذا خطوة من الخوف *
فخر الدين بخوف :: بسم الله الرحمن الرحيم، دول عفاريت؟!!
سلطان :: اهدا يا ولدي واني هفهمك كل حاچة ،  اختفو دلوك يا ( حات ) انت و ( مور ).
* اختفي ( حات) و ( مور ) و ( سلطان ) كمل كلامة *
سلطان :: دول شياطين مربوطة بالخاتم ديية وب  تمثال تحت ف السردايب واللي يملكم ويدفع عهدهم يكونو ف خدمتة.
فخر الدين :: انا لو ف القاهرة كنت هفكر ان حد بيعمل فيا مقلب وبيستخدم خدع بصرية لكن انا واثق ف اللي شوفتة دلوقتي، يعني دول زي كصباح علاء الدين وبيحققو الامنيات ؟
سلطان :: لااااه يا ولدي دول هيحججو رغباتك يعني يدوك السلطة والجوة والمعرفة واللي بيهم تجدر تملك الدنيا كلاتها وهيفضلو طوع امرك وبيحموك طول ما انت لابس الخاتم ديي والتمثال يكون محفوظ عينديك .
فخر الدين :: طب واي عهدهم اللي ادفعة دة مش فاهم ؟
سلطان :: التمثال بتاعهم الصغير ديي اللي مربوط مع الخاتم  لازم يغرج ف الدم ولازمن تكون دم بني ادم عشان يتربطو بيك رابط الدم مهتكسروش حاچة واصل يا ولدي زي المجبرة والسراديب بتوع العيلة ماهيتفتحوش غير ب دم نسلنا وبس.
فخر الدين :: انا مش هسأل حضرتك انت عملت اي عشان تربطهم بيك لانة واضح اووي لكن انا مستحيل اعمل اللي بتقول علية مهما حصل.