دانَ قلبي

٦

مرت الايام عادي بمشي المدرسة وبرجع بزاكر بنضف البيت نفس الروتين يعني م اتغير شيء.
يوم بالمساء كنت برتب في دولابي لقيت كتاب شلته كان كتاب سندريلا سيكريت الي هداني ليه ايمن شلت الكتاب واتذكرت الورقة فتحت الكتاب وبديت افتش بين صفحاته م لقيتها استغربت اختفت وين لاني كنت متأكدة إن كان في ورقة م فكرت كتير شلت الكتاب كملته وقريته كله كان مفيد شديد وحلو ❤️.
اليوم التاني ايمن ضرب لي قال لي اجهزي عازمك برا لبست وطلعت كان منتظرني فتح لي باب العربية ركبت وصلنا مطعم قبل ما يطلب اكل عقدنا اتونسنا وطلبنا اكل وطلعنا اتمشينا في شارع النيل قعدنا عند ست شاي 🌚 قال لي صحي الكتاب قريته قلت ليه اي قال لي لقيتيه كيف قلت ليه والله حلو شديد.
بعد خلصنا ونسة رجعني البيت وانا نازلة قال لي اصبري جاب كيس هدايا كبير ومعاه دبدوب اداني ليه م حبيت احرجه وما اشيلها قلت ليه شكرا م قصرت ودخلت البيت طوالي دخلت غرفتي وخليت كيس الهدايا والدبدوب دخلت اتروش أثناء انا في الحمام سمعت زي صوت برا في غرفتي بعد خلصت طلعت لقيت كل شيء في مكانه بس استغربت مشيت صليت هديل جات داخلة بعد خلصت صلاة سلمت عليها وقعدنا اتونسنا قالت لي كيس الهدايا د شنو قلت ليها جابه لي ود خالتي 🌚 قالت لي اشي عليه 😉 قلت ليها بطلي حركاتك دي 🐸 هو صاحبي م أكتر 🐸 قالت لي ها حركات الاولاد دي بعرفها عاوز يحنك يهبلهه 🐸 قالت لي افتحي الكيس النشوف جايب ليك شني 🐸 فتحت كيس الهدايا كان في كم حاجة بديت اطلع حاجة حاجة لقيت كرتونة ايفون هديل قالت لي جلابي لكن 🐸😂 لقيت خاتم دهب مكتوب فيه حرف L صغيرة م ظاهرة شديد إلا زول يركز،هديل شالته قالت لي د دهب والله دهب 🤧 احنا عاد لينا الله 🐸 تاني لقيت تذكرتين لحضور فيلم هديل قالت لي نحضره سوا مدام تذكرتين 🐸🐸 وكان في شوكولاتات وعطر والدبدوب بس هديل قالت لي الزي ايمن د بجي واحد في الدستة 🤧 الله يديني زيه 🤧 بعد اتونسنا كدا وساهزنا مع بعض وطلعت ايمن إتصل لي شكرته على الهدية وكدا قال لي لقيتي شنو قلت ليه جوال وخاتم وشوكلاتات وعطر ودبدوب وتذكرتين قال لي وتاني 🌚 قلت ليه تاني ماف شيء قال ليك إلا في قلت ليه ماف ياخي انا متأكدة قال لي انتي بس ركزي قلت ليه ايمن ياخ قال لي مالك 😂 إنت بس ركزي شوية حتلقي حاجة بعد قفلت منو رجعت كشفت للهدية تاني م لقيت شيء ايمن د قاصد شنو بالظبط فكرت لمن زهجت ونمت صحيت اليوم التاني بعد رجعت من المدرسة ضرب لي اتونسنا قلت ليه ي ايمن ياخ وريني في شنو في الهدية انا م شفته قال لي دي حاجة مفترض تعرفيها براك مش الهدية في يدك؟ بعدين الحاجة دي مميزة جداً كيف م لقيتيها 🤔 ياخي انا فتشت الهدية عشرومية مرة ياخي وريني طيب عالاقل ساعدني 😭 عايني انا م ح اوريك إلا تشوفيها براك 🐸 قفلت منوو وختيت الهدية قدامي وقعدت افتش حاجة حاجة وبفكر يربي شنو 😭😭 طبعا اتذكرت إني فتشت كل الهدايا ما عدا الدبدوب مشيت جبت الدبدوب وقعدت اعاين ليه تاني فتحت السستة الحاجة الي بي ورا دي 😂😂😭 المهم فتحتها لقيت في قطن بس ماف شيء برضو دخلت يدي لقيت شوكلاتة سنيكرز ملفوفة بورقة لمن شلتها قلت اجي الإسنيكرز مميز فيها شنو اسي 🙄 لمن فتحتها شوفت الورقة زي المكتوب فيها كلام طوالي قريته كان مكتوب"انا حبيتك من يوم اتعرفنا عرفت شخصيتك واسلوبك حلو وتعلقت بيك شديد وياريت تكوني بتبادليني نفس الشعور، اول م تقري الكلام د رسلي لي رسالة وانا ح أنتظرك تفكري على راحتك وإذا طلعتي م بتبادليني نفس الشعور م مشكلة بتلقي الأحسن مني" بعد م قريت الكلام د فرحت معارفة بس فرحت 😔، طوالي اتصلت لهديل جات وحكيت ليها قالت لي يسلام ياخي 🐸❤️ طوالي رسلي ليه قول ليه بحبك 🌚 قلت ليها انتي هبلة؟ انا خايفة بعدين يخذلني ويخليني وانا براي م ناقصة ولا فاضية للحب ياخي 😭 قالت لي شنو م فاضية ياهو كل يومين طالعين جايين تتونسوا مكالمات بالساعات يعني لو ارتبطتوا م ح يختلف شيء بعدين ايمن د وجيه وراقي م زي باقي الاولاد مبشتنين 🐸 مكسر نص حلتنا وبنات جامعته وهو زاتو تقيل م بعاين ليهن يعني زي م بقولوا صعب المراد ومستحيل بت يقدر يحبها بالساهل 🌚 اها انتي جاك لحدي عندك تاني دايرة شنو واقفي طوالي انا لو مكانك ولا بفكر زاتو 🐸 بعد خلصت كلامها الكتير د طلعت 😂😂 طوالي ضربت لي الين حكيت ليها قالت لي استخيري ي دان بعدين اصبري خلصي قرايتك وكلام الحب والارتباط د ملحوق كله م تستعجلي بس وإذا شايفة نفسك بتحبيه حاولي برضو م تتعلقي وتثقي كتير، بعد قفلت منها ايمن ضرب لي 🌚 قال لي اها لقيتي الشيء المميز قلت ليه اي 🐸 قال لي شنو قلت ليه الإسنيكرز 🌚 قال لي وبس 🌚 قلت ليه الورقة 🐸😂 قال لي طيب فكرتي؟ ☹️ قلت ليه والله فكرت وايشي بس انا شايفة عمري م مناسب للإرتباط وانا ممتحنة م عاوزة اشغل تفكيري بحاجة تانية وبس والله ياريت تحترم قراري ❤️ قال لي والله احترمه ونص ❤️ طيب ارجع ولد خالتي وصاحبك القديم يعني 😂!؟ قلت ليه اي كنا حلوين 🌝😂 وتاني لو ربنا كتب نكون مع بعض ولو في نصيب لينا مع بعض حنكون إن شاء الله ❤️ قال لي تمام ربنا يجعل الفيه خير ❤️وخلي بالك من نفسك وقرايتك قلت ليه إن شاء الله 🌝❤️ قال لي طيب رايك شنو بكرة نطلع نحضر فيلم قلت ليه قدام 😂❤️ بعد قفلت منه حسيت في زول برا طلعت لقيتها جوان كانت مارة مشيت حضرت مسلسلي ورجعت زاكرت ونمت...
صحيت اليوم التاني مشيت المدرسة كنت ماشة في الساحة لاقيت شهد سلمت علي (طبعا بعد الحصل علاقتنا بقت ضعيفة بيناتنا سلام بس 💔) قالت لي عاوزة اتكلم معاك في موضوع لو سمحتي قلنا ليها م فاضية وانا ماشة وقفتني قالت لي بس عليك الله مرة واحدة اسمعي انا عندي شنو بعدين اعملي العاوزاه ☹️💔 أصرت علي قلت خلاص اسمعها عاوزة تقول شنو مع إني كنت م بطيقها ابداً وكرهتها شديد بعد الحصل 💔💔قالت لي والله الحصل إن خالد اليوم التاني بعد الحادثة جاء بيتنا قال لي لو يوم المحكمة شهدتي ضدي م ح يحصل خير وهددني إن ح يقتل لي اختي واخوي الوحيدين وح يعذب ابوي المغترب 😭💔💔 والله فاليوم داك فكرت كتير وبكيت كتير وطبعا عائلة خالد ممكن يسوو ايشي عشان ينتقموا لانهم عندهم نفوذ عالية شديد 😭💔💔 واي زول لو كان مكاني كان ح يسوي كدا ويخاف على إخوانه وأهله صح؟ وانا والله ي دان م بكرهك ولا عندي معاك مشكلة بالعكس انتي اكتر واحدة حبيتها في المدرسة دي يشهد الله ولمن حصلت الحادثة دي دعيت إني م كنت موجودة واصلا لو م أنا م كان دخلتي في الموقف البشع وم كان حصل معاك كدا وانا اسفة شديد شديد وياريت تسامحيني 😭💔💔 والله م اعيدها، طبعا هي كانت بتقول الكلام د بتبكي وانا حنيت عليها والله طوالي قلت ليها مسامحاك والله وحصل خير ☹️❤️ عدت فترة وانا وشهد بقينا زي اول واحسن وبقينا محتكين ببعض اكتر 🌝 في يوم كنا قاعدين بنتونس كانت بتحكي لي عن حبيبها قصي ومواقفها معاه 🐸:
بلسان شهد:حصل مرة انا وهو إتشاكلنا بسبب واحدة انا بغير منها وهو مبست معاها يعني علاقتهم باسطة وحلوة شديد كانوا بطلعوا مع بعض كتير وبتكلموا مكالمات كم ساعة يعني لمن اكون انا بزاكر وقافلة جوالي هو بتكلم معاها وبنزلوا صورهم مع بعض لمن يطلعوا أستوري وبروفايل عادي ولا كأنو انا موجودة اساسا 💔 و د غير إنهم م طقمين البروفايل في الواتس والإنستا وبعد مرات بنزل صورتها في بروفايله وخاتي يوزر حسابها في البايو حق الإنستا 🙂 حتى الناس كلها بقت تقول قصي وعلا مرتبطين م كنت بشتغل بكلام الناس كنت بحاول أتجاوز بس برضو اتكلمت معاه وكنت كل مرة بعاتبه اخر مرة اتكلمت معاه إتشاكلنا شديد وقال لي إنتي م بتثقي فيني غيرتك وشكوكك دي انا زهجت منها المهم دخلنا في خلافات كتيرة تاني اسبوع م اتكلمت معاه ولا فكر يرسل 💔💔 وم كان عندي ولا حل ارجع فيها علاقتنا لاني كنت بحبه شديد وم بقدر اقضي يوم بدون م نتكلم فكرت كتير وحاولت ارجع علاقتنا بس مقدرت في النهاية لقيت حل طبعا امي بتتعامل مع الشياطين وبترمي الودع والسحر والكلام د انا مبعرف ليه كتير غايتو ،امي كانت عارفة بعلاقتنا انا وقصي وكنت بحكي ليها ايشي بحصل بيناتنا بالتفصيل كلمتها بموضوع إني بغار من علا وإن هي وهي وحكيت ليها ايشي وإن الموضوع د مضايقني شديد وهي براها كانت شايفة حالتي كيف المهم م عارفة امي طلبت مني اجيب شعرة او اي شيء بيخص علا وقصي المهم حاجة بتخصهم بعد امي طلبت مني كدا مشيت فتحت جوالي واتكلمت مع قصي إن نتلاقى ويجيب معاه علا قال لي تمام اليوم التاني إتزبطت وطلعت تخيلي لقيتها راكبة قدام مع قصي ولمن جيت م نزلت لي 💔💔 قصي قال ليها خليك عادي مسكت دموعي بس نزلنا في مطعم قصي قام يتكلم بالتلفون وعلا قالت ماشة الحمام قلت ليها ارح نمشي سوى مشيت معاها أثناء انا بظبط في المكياج دخلت الحمام جوا خليتها دخلت وفتحت شنطتها شلت الفرشة حقتها وطلعت منها شعرها وختيته في كيس ودخلته شنطتي بعد طلعت وظبطت مكياجها طلعنا برا لقينا قصي رجع وطلب الاكل اتعشينا واتونسنا طلعنا رجعت البيت واديت امي شعرة علا الطلعته من فرشتها واديتها خاتم لقصي كان بلبسه دايماً كنت محتفظة بيه أساساً قلت لي امي ح تعملي شنو قالت لي حخلي صاحبة الشعرة دي الي هي علا تواجها مشاكل وتتعذب في حياتها لمن تتمنى الموت واخلي قصي يكرههاا ويبعد عنها قلت ليها طيب قصي م تاذيه خليه يرجع لي بس قالت لي اي اساساً م حيحصل ليه شيء بس حيكره علا دي ويحبك انتي وبس وح يطلع علا من حياته بذات نفسه قلت ليها تمام طبعا امي كانت فأي شيء يتعثر عليها بتلجأ للشياطين يساعدوها وانا منها شبه تعلمت الشيء د 🌝 كنت دايما بكون معاها وبشوفها بتعمل شنو...
.
.
.
.
.
ابقوا عافية 🏹🖤.