دانَ قلبي

٥

لقيت بين الصفحات ورقة صغيرة ملفوفة استغربت الورقة جات من وين شلتها قبل م افتحها باب غرفتي كان بدق شديد رجعت الورقة وقفلت الكتاب مشيت افتح الباب كانت جوان قالت لي في شرطة برا منتظرنك عاملة شنو المرة دي 🙂🙂🙂 انا مع كلمة شرطة جسمي رجف 😰😰 واتذكرت الحادثة حقت خالد طلعت لقيت الشرطة منتظراني قالو لي في زول رفع عليك بلاغ وساقوني معاهم قضيت كم يوم في السجن مع إني بريئة كانت أسوء ايام 💔💔 جوان م فكرت تجي تزورني ولا تسأل عني 😭💔💔وريان اصلا انا م متواصلة معاها كتير يعني وبشكل يومي من اسبوع لأسبوع بنتكلم،عندي بت عمي إسمها الين كانت عايشة مع أهلها برا السودان كانت بتنواصل معاي كل يوم بعد ما عرفت بالحصل لي طوالي سافرت وجات الخرطوم يعنيي هي وهديل بت جيرانا كانوا دايماً بزوروني ويشوفوا ناقصني شنو.

ايمن كان مقلق شديد لان جوالي كان مقفول ومختفية يومين ايمن اتوقع اكيد حاصل لي شيء قام ركب عربيته وجاء بيتنا جوان فتحت ليه اول ما شافت ايمن قفلت الباب في وشه م خلته يدخل قام قال ليها طيب م عاوز ادخل بس دان وين وهي كيفها وحاصل ليها شنو وليه جوالها مقفول قالت ليه هي كويسة وقفلت جوالها عشان تقرأ ايمن قال ليها خليها تطلع عاوز اشوفها بعيني عشان اتطمن قالت ليه انا قلت ليك هي كويسة خلاص انقلع منهناا ايمن ركب عربيته قبل م يتحرك لمح الين وهي جاية اصلا هم بعرفوا بعض سلم عليها وسألها مني الين حكت ليه الحصل من البداية وبالتفصيل طبعا ايمن طواللي ركب عربيته سريع واتحرك وبقى سايق بسرعة شديد.

أثناء انا قاعدة بين أربعة حيطان وببكي جاني واحد قال لي عندك زيارة طبعا كنت متوقعة الين او هديل لكن طلع د ايمن مشيت سلمت عليه وكان واضح عليه مقلق شديد قال لي الحاصل عليك شنو لي م كلمتيني بالحاصل د كان هسي اتصرفت قبل م الموضوع يكبر قلت ليه م عارفة بس م جاء في بالي اكلمك وانا اصلا م اتوقعت الولد يرفع علي قضية لان هو الغلطان وحاول يتحرش بي وانا عملت كدا عشان ادافع عن نفسي واي بت في مكاني كانت ح تسوي كدا قال لي اي صح وانا معاك بس الولد فقد عينه يعني لو كان فقد عينه التانية م كان معروف الي ح يحصل شنو دا غير إن لقوا في شنطتك حبوب ، طبعا انا بعد كلامه د دخلت في حالة تانية قلت ليه حبوب شنو انا م حصل اتعاطيت في حياتي 😭😭😭😭 والله م حصل وم كنت شايلة معاي حبوب في شنطتي 😭😭 انا اصلا بعد م ضربته ووقع طوالي طلعت وجريت يعني حتى شنطتي م اخدتها معاي فعادي يكون خت الحبوب في شنطتي 😭💔 قال لي انا مصدقك والله وعارفك م بتسوي كدا بس الناس التانية ح يصدقوك كيف قلت ليه خليهم يعملوا لي فحص لدمي قال لي اصلا ح يعملوا ليك عشان يتاكدوا لكن حتى لو الفحوصات طلعت نضيفة ممكن عادي يقولوا إنتي كنتي بتبيعيها ليهم او انتي ختيتها ليهم في العصير عادي يسوو كدا واكتر م بعيد ديل اكيد مخططين مستحيل يخلوك تتهني بعد السويتيه في ولدهم بعدين هم عائلة كبيرة ومعروفة عندهم القروش دي زي التراب ممكن يشتروا اي زول يشهد ضدك وممكن يرشوا المحامي عادي بعد كلامه د انا بقيت ببكي 😭😭💔💔💔💔ياربي انا سويت شنو في حياتي عشان يحصل لي كدا ايمن قال لي م تبكي انا معاك ومهما حاصل حأكون واقف معاك بس إنتي خلي إيمانك بربك قوي وإن شاء الله حتقدري تطلعي من المشكلة دي وتتجاوزيها وانا معاك لآخر لحظة في حياتي 💔❤️ المحكمة بعد بكرة حاعين افضل محامي يمسك قضيتك قلت ليه تمام شكرا ليك م قصرت معاي 😔❤️.
عدا اليوم والبعديه وجاء يوم المحكمة طبعا لقيت الاولاد خالد واسامة وماهر وتالين مع بعض عاينوا لي م اشتغلت بيهم بعد المحكمة بدت ايمن كان قاعد جمبي اكتر شيء صدمني إن شهد كانت في صفهم اكيد كانوا رشوها 🙂💔💔 طبعا المحكمة كانت مليانة ناس البعرفهم والما بعرفهم حتى سيد البقالة الكان لاقيته اليوم داك ووصف لي بيتنا كان في والمرة والراجل الي لاقوني واقعة وساعدوني ورجعوني البيت كانوا في، القاضي طلب مني اطلع واقول العندي وحلفوني المهم حكيت ايشي حصل في اليوم من لمن انا وشهد كنا بنراجع الإمتحان واصرت على نطلع وانا معارفة ماشين وين لحد رجعتي للبيت ايشي حكيته كله صح م كذبت ولا فأي كلمة، بعد م خلصت طلب من خالد يقول العنده كان رابط شاش في راسه وفي عينه اليسار قال دان هي اصلا م كانت لابسة كويس وكانت طول الوقت بتسوي حركات مغرية عشان تلفت نظري حتى إن هي كانت خاته لي حبوب في المشروب وادتني ليه عشان اسكر وافقد وعيي واقرب منها بس لمن شافتني م مهتم بيها شديد وبحاول ابعد وقرفان منها قامت ضربتني في راسي عشان تتهمني إني اتحرشت بيها وتنتقم مني حتى إن هي شرطت هدومها براها عشان تقول اعتدوا بيها وبتاع بعد خلص طبعا عرفت قدر شنو هو تافه ومنافق وكذاب، تاني القاضي طلب من الشهود تطلع نده اول شيء إسم عبدالله ود كان صاحب البقالة بعد م حلفوه إن م يقول كلمة كذبة بدا يتكلم قال إن انا في اليوم داك جيته داخلة البقالة وكان ظاهر علي خايفة وجارية وكأنه في زول لاحقني ونفسي قايم وكنت مضيعة البيت لاني سألته من وصف بيتنا بعد م خلص، القاضي نده اسامي المرة وراجلها طلعوا قالوا إن هم كانوا راكبين العربية ولقوني واقعة في الأرض وكنت لابسة هدوم المدرسة وكانت مشرطة وكان في اولاد حاولوا يعتدوا علي واول م هم وصلوا الاولاد جروا وجوا شالوني من الأرض رجعوني البيت، بعدها طلب من شهد تطلع المنصة قالت إن هي في اليوم داك م جبرتني ولا أصرت علي انا برأي قلت ليها مادام إنه خلصنا إمتحانات خلينا نطلع وطلعنا وانا كلمتها إن ماشين شقة مع اصحابي دان قالت لي ما عندي مانع ومشينا وقبل م ندخل هي قالت لي خالد د حلوو وعجبني يعني كان واضح إن هي عاوزة تغريه وخاتاه في رأسها تاني دان بعد تالين وماهر طلعوا قالت لي يشهد سوقي أسامة واطلعوا قولوا ماشين السوبر ماركت واتاخروا عاوزة اقعد مع خالد برانا قلت ليها تمام طلعنا انا واسامة وحاولت نتأخر شوية زي دان طلبت مني بعد رجعنا لقينا خالد مضروب وبنزف دم كتير رفعناه وديناه المستشفى واصلا دان كنت دايما بشوف في شنطتها حبوب يعني م اول مرة، طبعا اي زول شهد من طرف خالد كان بقولوا نفس الكلام وكله كذب 💔💔 بعد محامي خالد قال لي القاضي هي لو م بت ناس وفاكه ساي البخليها تطلع شباب وتمشي شقة معاهم شنو وم لابسة كويس ومعاها حبوب اكيد اي شيء متوقع منها وبعدين زول اتربي بدون امه وابوه اكيد حيطلع م نافع انا مع كلمته دي بكيت شديد ولسه مواصل ويتكلم وبس انا سامعة وبدمع 💔💔 المحامي حقي قال احنا عارفين هي كانت لابسة ملابس المدرسة وملابس المدرسة ساترة يعني هي كانت لابسة كويس اها قولوا ملابس المدرسة برضو م محترمة 🐸🐸 وبعدين انا عملت فحص لدمها وطلع نضيف لا بتتعاطى لا شيء ود الفحص هاك شوف ادى القاضي ورقة وشافها 🌚 تاني قال ليه يعني هي تضرب راس الولد عشان وتنزفه دم عشان ابى يقرب منها د كلام م منطقي اصلا مافي بت ح يكون عندها شجاعة لدرجة تسوي كدا لسبب تافه زي د 🐸 المحامي حقي قال كلام كتير وكلامه كله منطقي الصراحة بعد كلامه انا ارتحت لان بجد بعد كلامه د م اظن م يكون زول صدقه لان كله واضح وصريح بعد خلص القاضي قال بعد يوم نجي نجتمع تاني طلعت وايمن كان معاي مشيت شربت موية وغسلت وشي وقعدت ادعي كان عندي امل 💙.

ايمن وصلني ومشى اليوم انتهى واليوم التاني ايمن جاء ساقني ومشينا المحكمة بعد مسافة طلع ان خالد ح يتسجن بسبب التحرش والإعتداء 🐸 وحمدلله انا طلعت منها طوالي ايمن قال لي ارح عازمك بمناسبة الخبر د طلعنا مشينا شارع النيل اتمشينا ودخلنا مطعم اتعشينا وطلعنا سينما حضرنا فيلم بالجد فليناها اليوم داك وطلعني من الحالة الكنت فيها 😔❤️❤️❤️.

رجعت البيت إستحميت وصليت وقريت قرآن نمت صحيت اليوم التاني فتحت كتبي وبديت ازاكر لين العصر طلعت لقيت جوان مافيشة كان في الين وجود بحضروا قعدت حضرت معاهم وعملنا شاي واتونسنا طبعا الين كانت مسافرة اليوم التاني لأهلها 💔.
بليل كنت بتونس مع الين عشان مسافرة طبعا انا الين دي برتاح ليها راحة 💙💙 حكيت ليها بأيمن ومواقفه معاي وإني بديت اتعلق بيه شديد قالت لي برضو حاولي م تتعلقي وتحبيه شديد خلي علاقتك معاه في حدود حتى لو هو اعترف ليك بادليه الشعور لكن برضو م تدي الناس كامل ثقتك لان ممكن يجي في يوم ويخذلك او يتغير عليك، بعد خلصنا ونسة ورتبنا شنطتها وجهزنا لسفرها جاء اليوم التاني ومشيت معاها المطار عشان أودعها 💔💔ودعتها وخلاص مشت والله بكيت لان الين دي كانت اكتر من اخت بالنسبة لي يعني بحبها اكتر من جوان الي هي اختي من امي وابوي ☹️❤️❤️.
.
.
.
.
.
ابقوا عافية 🏹🖤.