دانَ قلبي

٨

طلعنا من المطار واحنا ماشين بيت ناس الين الي هو بيت عمي،كان جاء عمي عشان يسوقنا بعربيته هو ومعاه الين،جوان قعدت قدام وانا  والين وجود قعدنا ورا طول الطريق انا والين بنتونس وبتوريني في المحلات والشوارع طبعا أماكنهم هناك زابطة شديد عجبتني 🌝😂❤️. قلت لي ألين انا شكلي لمن اعرس بجي اسكن هنا 🌝😂 قالت لي خلي العريس يجي بالأول 😂😭 قلت ليها إن شاء الله بيجي 🌝 المهم طولت الطريق نتونس ونضحك مع عمي وجوان كانت شايلة جوالها نهائي م اتكلمت معانا هي اصلا م بتطيق الين لاني بحكي ليها ايشي ومقربة لي اكتر منها يعني زي البتغير من الين وهم اصلا م بطيقوا  بعض نهائي 😂😂 المهم وصلنا نزلنا الشنط وعمي مشى يوقف العربية مشينا احنا دخلنا البيت طبعاً البيت كان كبير شديد ما شاء ورهيب،اول تجي داخلة بالباب في حديقة سمحة وباردة وفيها العاب وبالجهة التانية من البيت في مسبح كبير والعجب البيت من جوة 😫❤️❤️ ياخي حاجة مبالغة زي كانك عايشة في جنة 😂😂❤️ المهم قعدنا في الهول وانا اعاين واتلفت من شدة البيت عاجبني 🌝😂 أثناء احنا قاعدين جات الحبشية جابت لينا موية وعصير بعد مسافة جات خالتو امل الي هي ام الين سلمت علينا وقعدت اتونست معانا تاني اخوان الين احمد ومحمد واختها إباء طلعوا سلموا علينا طبعا اول مره اشوفهم كنت بسمع بيهم بس 😂 احمد كان بعاين كيف كيف كل م التفت عليه القاه بعاين لي طبعا انا معارفة بتضايق شديد لمن زول يقعد يعاين لي لمسافة معارفة بس بتضايق 🌞💔 المهم م ركزت معاه شديد اتونسنا معاهم وكانوا ظريفين شديد لكن احمد م بتكلم كتير بس محمد وإباء ظاهر عليهم وناسين وإجتماعين وبدخلوا في الزول سريع 🌝 تاني طلعوا الين قالت لينا ارح اوديكم غرفكم ترتاحوا عشان انتوا جايين من سفر وكدا طلعت غرفتي استحميت وصليت وطوالي نمت بجد كنت تعبانة ومرهقة من تجهيزات السفر 🌝💔 صحيت الغرفة كانت مضلمة والشبابيك مقفولة بالستائر م عرفت د ليل ولا نهار قمت من السرير فتحت النور وفتحت الستائر عاينت بالشباك كان الوقت مساء حوالي الساعة 7 او 8 كدا طبعا المنظر من فوق رهيب بالجد شوارع لندن عجيبة 😂❤️ شلت جوالي وصورت عجبني المنظر شديد 🌝❤️ المهم بعد صليت نزلت تحت لقيت جود بتلعب مع اخو الين الصغير إسمه لؤي حلاته حلبي وشعره ناعم وخدوده حلوه 😂😂❤️ جضمته وبوسته ولعبت بشعره لمن زهج مني 🌝😂❤️ أثناء انا بلعب مع لؤي في الحديقة احمد جاء طالع سلم علي وقعد جمبي ولؤي مشي يلعب مع جود المهم احمد قعد يتونس معاي ويسألني بدرس في كم وكدا المهم اتونسنا كتير وطلع بعد طلع انا بيني وبين نفسي قلت والله ظريف بس انا فاهماه غلط 🌝💔 الين نادتني دخلت جوا (طبعا عمي متزوج مرتين المرأة الأولى إسمها سهى عندها تلاتة بنات أحلام وشيماء وهند وولد واحد إسمه مازن اما المرأة التانية امل عندها احمد د اكبر واحد وبعده محمد وإباء والين وأصغر واحد لؤي) انا واقفة قدام الباب قبل م ادخل سامعة صوت هند بتقول خاته عينها على أحمد اخوي وعاوزة تلفت نظره التافهه طبعا قالت الكلام د وم شايفاني وعرفتها قاصداني دخلت وعملت نفسي م سمعت شيء كنت عارفاهم بقطعوا فيني لاني اول م دخلت سكتوا وعاينوا لي بنظرة م حلوه سلمت عليهم كان في هند وشيماء واحلام وإباء بس اما الين طلعت تجيب القهوة قعدت معاهم ويشيلوا ويدوا في الكلام والونسة م خلوا زول م قطعوا فيه 🌞💔 طبعا انا والين كنا ساكتين وقاعدين جمب بعض مرة نتونس برانا ومرة نعاين ليهم 🌞💔لحد خلصت قهوتي الين قالت لي رايك شنو نطلع نتمشى قلت ليها ارح طوالي والجو كان حلو المهم طلعنا 🌝 ولفينا شوية ورجعنا البيت طوالي دخلت غرفتي نمت صحيت اليوم التاني بعد صليت وقريت قرآن ايمن اتصل لي سلم علي وقال لي والله اشتقت ليك 😔💔 حترجعي متين قلت ليه بالاكتر والله ☹️💔 بس اول تخلص الإجازة برجع إن شاء الله 🌝💔 قال لي ياخي الإجازة طويلة وانا مشتاق ليك 🥺💔💔 قلت ليه م بيدي والله بعدين كلها كم شهر بس بتعدي سريع إن شاء الله 😔💔 قال إن شاء الله المهم اخبارك شنو والوضع هناك كيف 🌝 قلت ليه والله ماشي الحال وايشي هنا زابط 🌝 اتونسنا شوية وقفلت منو 🌞طوالي ضربت على ريان من فتحت الخط قعدت تشاكل فيني وانتي ي دان من يوم سافرتي م سالتي مني معقولة السفر غيرك علي كدا 🤧💔 وردحت لي ردح م خلت كلمة ساي م قالتها 😂😂😂💔 قلت ليها ابردي م نسيتك والله وتاني اتونسنا عادي بعد قفلت منها نزلت تحت لقيت إباء ومحمد قاعدين في الصالة صبحت عليهم وحسيت في شيء غريب م حبيت أسألهم طلعت الحديقة اشوف جود لو قاعدة هناك طلعت لقيت جوان خاتة شنطة السفر جمبها وعمي واقف معاها ومعاهم الين المهم طلعت اشوف في شنو سألتهم الين قالت لي جوان قالت م عاوزة تقعد معانا هنا م مرتاحة قلت ليها تمشي وين قالت عندها صحبتها ساكنة هنا قريب وماشة تقعد معاها كم يوم وعمي كان بقول ليها في شنو مضايقك هنا وريني بس وانا بحله ليك وبوفر ليك الراحة زي م عايزة بس من البيت د م بتطلعي انا مسؤول عنك واخوك يزن قال لي احافظ عليكم وانا اصلا بمثابة عمك وابوك التاني م بخليك تطلعي وإنتي زي بناتي واحد وانا بخاف عليك قالت ليه أبيت انا بس عاوزة وبدت تكورك وخلوني اطلع واحنا بنحاول نهدي فيها بس هي م راضية،خالتو امل لمن سمعت كواريك جوان جات طالعة ساقت جوان جوا ودخلتها غرفتها المهم بعد مسافة خالتو امل طلعت وخلت جوان جوا طوالي مشينا ليها سالناها مالها مشينا الهول قعدنا انا والين وعمي وخالتوا امل المهم خالتو امل بتحكي لينا الحاصل مع جوان شنو والسبب البخليها خايفة كدا وعاوزة تطلع شنو :
القصة بلسان جوان وهي بتحكي لخالتو امل :
امس بليل طلعت اشرب موية من المطبخ وانا ماشة حسيت زي في زول مراقبني وحركة غريبة كنت خايفة بس طوالي رجعت غرفتي دخلت قعدت في السرير وانا مخلوعة وخايفة بعد مسافة باب غرفتي ضرب قلبي وقف 😭💔💔 قلت منو في الباب قال لي م تخافي انا مازن قلت ليه عاوز شنو قال لي افتحي جبت ليك حاجة المهم انا إطمنت وارتحت إن طلع مازن م حرامي قمت فتحت ليه الباب كان لابس هدومه الداخلية 😨 بيني وبين نفسي قلت اسي د الجايبه شنو بهدومه دي يستحي ويلبس زي الناس 😏 المهم كان جايب لي كاسة موية قال لي قبل شوية شفتك جاية المطبخ وعاوزة تشربي وشكلك خفتي ورجعتي بدون تشربي فقمت جبت ليك موية احسن من تقعدي عطشانة 🌝 قلت ليه شكرا كتر خيرك شلت منو الموية وعاوزة اقفل الباب قام خت يده عشان م يقفل قلت ليه مالك زح يدك قال لي م ح تقولي لي إتفضل ولا شنو 🤔 قلت ليه الوقت إتاخر وانا عاوزة انوم لو سمحت ممكن تمشي 🙄 قال لي مالو نقعد نتونس خمسة دقايق بس يبت العم ☺️ قام دخل قلت اخليه براحته ويطلع سريع سريع لان انا أخلاقي خلاص 😏 المهم قام دخل وانا قعدت في السرير قلت لابسة قميص النوم داك لكن لابسة من فوقه الجكت يعني كان شبه محتشم 🐸💔 المهم دخل وقفل الباب قلت ليه خلي الباب قال لي لا لا احسن مقفولة عشان نتونس براحتنا 🙃 جاء قعد في السرير جمبي ويتونس معاي وكل شوية يقرب مني وانا ببعد وانا خلاص وصلت نهاية السرير م قادرة اتحرك عاوزة اقوم بس معارفة كنت حاسة بتوتر وخايفة شوية مع إن هو ولد عمي بس برضو حسيت بخوف بقى يتقرب مني شديد لمن خلاص اتلصق فيني عديل وبقول لي انا والله من اول يوم شفتك حبيتك ودخلتي قلبي بدون مقدمات وخت يده في خدي وبدا يتحسس في رقبتي 😰 انا اتجمدت م عرفت اعمل شنو قلت ليه خلاص قال لي لا خلينا نقضي اللحظات دي مع بعض 😉 المهم تاني انا م حسيت نفسي إلا وأنا مسطحة على السرير مربطة وقافل لي فمي م قادرة اتكلم ومطلع لي هدومي 😭😭💔💔💔💔💔💔 بعد م عمل فيني عملته الكعبة دي فك لي يدي بس وطلع وقفل الباب وراه انا م عملت شيء بس قعدت مسافة عشان استوعب انا وين ود شنو بعد شوية فكيت يدي ورجولي وطلعت الشيء الرابطه لي في فمي وإتحركت على الحمام فجاة لقيت نفسي فاتحة الدش والموية ماشة فيني 😭💔💔 قعدت ابكي واعيط لمن دموعي دي خلصت 💔💔يعني اي زول ممكن يعمل فيني كدا إلا ولد عمي م خطر لي يسوي حاجة بالقرف زي دي ومعاي 💔💔 وقتها عرفت قدر شنو الشيطان ملعون وبلعب بالعقول كيف لدرجة يخليك تعمل شيء بشع ومقرف ومع بت عمك الي هي زي اختك واحد 💔💔 م قدرت انوم ابداً الليلة ديك بس قعدت في سريري وغطيت وشي وانا برجف لحد الشمس طلعت والصباح جاء اتذكرت إن عندي صحبتي ساكنة قريب هنا إسمها روڨان قلت طوالي بمشي بسكن معاها لان العمله فيني مازن ممكن عادي يعمله تاني وم كنت عاوزة اشوف وشه تاني بس بمشي بسكن مع روڨان لحد نسافر وم كنت بقدر اكلم زول فيكم إن مازن عمل فيني كدا 💔💔.
.
.
.
.
.
. ابقوا عافية 🏹🖤.