دانَ قلبي

٧

شهد وهي بتحكي لي انا بيني وبين نفسي استغربت إن هي بتتعامل مع الشياطين والحاجات دي وبديت اخاف منها الصراحة يعني ممكن تأذي اي زول 😭💔 المهم انا من اليوم داك بقيت باخد حذري واحاول م احتك بيها شديد، الإمتحانات النهائية قربت كنت خايفة شديد 😭 مع إني كنت مجتهدة وايشي   الإمتحانات جات والحمدلله م كانت صعبة ❤️ آخر يوم في الإمتحانات ايمن قال لي عازمك طلعنا غيرنا جو وفليناها 😂❤️ وكان جايب لي هدايا كمان 🌝 أثناء احنا قاعدين في شارع النيل وكان الجو زي م بقولوا جو خلط 😂 في نص الونسة قال لي م نفسك تبقي حبيبتي😉؟ قلت ليه نفسي نفسي واعترفت ليه باي شيء 😭💔 طبعا دخلت في فتيل لقيت نفسي بتكلم وم حاسة بشيء 😭😭😂 مسك يدي وقال لي انا بموتفيكك والله 😔❤️ اتصورنا كتير واتمشينا ورجعني البيت رجعت منتهية شديد طوالي نمت صحيت اليوم التاني متأخر مع الظهر قمت استحميت وصليت طلعت من غرفتي لاقيت جوان قالت لي مالك صاحية متأخر وامس راجعة متأخر ليه كمان؟ انتِ فاكرة نفسك تدخلي وتطلعي على كيفك ولا شنو؟ قلت ليها أمس طلعت مع صحباتي عشان آخر يوم في المدرسة قالت لي برضو تكلميني قبل م تطلعي وتاني لو عدتيها حتلقي نفسك برا البيت ونضفي وغسلي العدة وجهزي لينا الفطور ومشت بديت انضف بعد خلصت رديت ليها الفطور لحد غرفتها كانت في الحمام دخلت غرفتها ختيت الفطور وانا طالعة شفت ورقة صغيرة في الدرج حقها مشيت اشوفها فتحتها لقيتها نفس الورقة الكان ايمن خاتيها في الكتاب استغربت الجابها لغرفة جوان شنو والورقة كان مكتوب فيها كلام معترف بيه ايمن بحبه لي وكدا قلت خلاص معناها جوان عرفت بأي شيء رجعت الورقة مكانها قبل م تطلع وطلعت ختيت الفطور لجود فطرت وشلت العدة كلها غسلتها ونسيت أحضر مسلسلي جوان جات طالعة قالت لي ادخلي رتبي لي غرفتي دي انا طالعة واوعك تطلعي من البيت وطلعت مشيت غرفتها لقيت الورقة مافي مكانها رتبت الغرفة وطلعت طبعا كنت زهجانة ماف شيء اسويه ود اول ايام الإجازة 🐸💔مشيت فتحت جوالي لقيت مكالمة فائتة من تنزيل طبعا دي صحبتي شديد معاي في المدرسة رجعت اتونست معاها بعد قفلت منها ضربت لأيمن م رد مشيت لهديل في بيتهم شربت معاها الشاي واتونسنا قلت ليها انا راجعة البيت قالت لي ارح اقدمك ومنها نمشي البقالة طلعنا احنا واقفين بعيد من البقالة شوية البقالة كانت شبه مقفولة يعني فاتحة لكن بتتشاف مقفولة هديل قالت لي خلاص ارح نمشي بقالة تانية تقريباً سيد البقالة مشى يصلي قلت ليها اصبري م اظن مقفولة خليني اشوفك مشيت لقيت سيد البقالة معاه واحدة بهبش في جسمها وبعملوا في حاجة غلط بعد شوية لمحت إن البت دي شهد 😨😨 واي شهد الي بخليها تعمل كدا شنو وكمان مع سيد البقالة 😱😱 طوالي مشيت عشان م يلاحظوا إني بعاين ليهم مشيت لهديل قلت ليها ارح بقالة تانية دي مقفولة مشينا اشترت حاجاتها ورجعت البيت دخلت جوا لقيت جوان لسه م جات قمت ضربت لشهد في البداية م ردت بعد كم مكالمة ردت سلمت عليها قلت ليها انا جاياك في البيت  قالت لي لا انا مافيشة قلت ليها طلعتي وين؟ قالت لي طلعت مع ناس بيتنا قلت ليها لكن انا وصلت بيتكم ولقيتهم قاعدين قالوا لي شهد دي طلعت مع صحبتها قالت لي عايني بحكي ليك بعدين الحاصل شنو لمن ارجع وقفلت في وشي طبعا انا ضربت ليها وكذبت عشان اشوفها بتقول شنو 😂😂😭😭.
حسيت الوقت اتأخر وايمن م رجع لي ضربت ليه تاني م رد المكالمة التانية رد لي قلت الو ايمن؟ قال لي انا غسان قلت ليه إنت منو؟ قال لي انا صاحب ايمن، طيب ايمن وين؟ ايمن د عمل حادث خفيف وهسي انا جبته المستشفى قلت ليه كيف يعني هو اسي كويس؟ حصل ليه شنو؟ قال لي اي كويس الحمدلله بس جاته ضربة خفيفة قلت ليه انا جاية إنتوا في مستشفى شنو؟ قال لي م تعذبي نفسك بعدين الوقت متأخر وايمن د كويس مافيه شيء لو م كويس م بكذب عليك والله قلت ليه تمام اديني ليه اتكلم معاه قال لي هسي هو نايم لمن يصحى بضرب ليك قفلت منو وانا بالي مع ايمن 😭😭💔❤️.
طلعت اشوف جود لقيتها بتحضر قلت مشيت عملت الشاي وكيكة خليتها شربت ودخلت غرفتها نامت وانا دخلت نمت وطبعا جوان لسه م جات كانت دايما بتطلع وتجي متأخر وتخلينا برانا ولا كان انا وجود صغار وم بقدر براي اشيل المسؤولية كلها، المهم دخلت غرفتي ونمت صحيت اليوم التاني نفس الروتين ضربت لأيمن اطمن عليه رد علي اتونست معاه قال لي انا كويس مافيني شيء اصلا الحادث كان خفيف 🌚 المهم وريني إنتِ كيف اشتقت ليك قلت بيه انا بخير دامك بخير وجرينا الونسة بعد قفلت منو شهد دقت علي رديت اتونست معاها وقعدت تحكي لي الحصل بينهم هي وقصي حكت لي بالتفصيل هبشها كيف ايشي يعني انا الصراحة قرفت وبيني وبين نفسي عاوزة احذرها من الولد د لانه ظاهر عليه بيلعب بيها وبغش فيها م بحبها ولا ايشي بس لو قلت ليها ح تفهم غلط حتقول انا عاوزة اخليها تكره وافرق بينهم للأسف هي بتفهم بالطريقة دي وانا زاتي بخاف منها ولا برتاح ليها لأنها بتتعامل مع الشياطين 😂😂 اصلا انا خوافة المهم شهد بتحكي قالت لي انا وقصي رجعنا زي اول والبت الإسمها علا ماتت وارتحت منها 🥰👌🏻 طبعا انا بيني وبين نفسي زعلت على البت 💔💔 يعني هي م عملت شيء يستاهل تموت وتتعذب كدا 💔💔 لكن عرفت قدر شنو ام شهد دي قاسية وعشان ترضي بتها بتأذي وتقتل أرواح تانية عادي 💔💔 قالت لي قصي قال ليها تعالي البقالة نتلاقى هناك ولمن مشت ليه عملوا مع بعض حاجات غلط 🙂💔 انا م عارفة هي بتحكي لي ليه بس انا بسمع فيها وبقول ليها اي مع إن دي خصوصيات مفروض م تحكيها لي بعد خلصنا المكالمة طلعت عملت الفطور لجود اما جوان قالت فاطرة برا كالعادة بعد طلعت تنزيل دقت علي قالت لي جاياك في البيت قلت ليها قاعدة تعالي طوالي رتبت البيت وعملت بخور بعد مسافة تنزيل جات قعدت اتونسنا قالت لي ارح ننزل كورس احسن من نكون قاعدين ساي قلت ليها اي احسن والله وقالت لي في نادي كويس قريب مننا انا عاوزة انزل الجيم برضو قلت ليها انا لو لقيت زمن برضو بنزل معاك قالت لي تمام المهم قيلت معاي بعدين رجعت البيت ومرَّ اليوم عادي.
الايام بقت تجري بسرعة والنتائج قربت كنت متوترة شديد جاء يوم النتيجة وانا م نمت نهائي لمن زاعو إن بكرة النتايج 😭 كنت متوترة شديد اليوم التاني فتحت التلفزيون وكانت معاي هديل قلت ليها انا خايفة شيلي رقمي و دخليه وشوفي النتيجة إنتي قالت لي طيب اثناء هديل بتحاول تطلع نتيجتي من الجوال سمعت إسمي رباعي دان مقداد يوسف عبدالله الثاني مشترك على الولاية 😭😭❤️❤️❤️❤️❤️❤️❤️ طبعا انا اتفأجأت وبكيت شديد 😭😭❤️❤️❤️❤️ بالجد كان احسن خبر فالسنة دي الجيران طالعين وداخلين يباركوا لينا وانا اتذكرت امي وخالتي 😭😭💔💔❤️ ياريت لو امي كانت قاعدة كانت افتخرت بي 💔💔 المهم اخوي يزن ضرب لي وبارك لي وقال لي عشان نجحتي حسفرك إنتي واخواتك المكان العايزنه 🌚❤️ طبعا فرحت شديد 😂😭❤️ قلت ليه بس عاوزة امشي لالين محل هي قاعدة 🌚 قال لي تمام موضوع السفر د خليه علي 🌚 بعد قفلت من اخوي وخلصنا من المباركات والزغاريد نهاية اليوم جاء 😭كنت تعبانة شديد الليلة اليوم كله بزغرد من شدة م فرحانة 😂😭 يادوب عرفت طعم النجاح د حلو كيف 😂🌚❤️ ايمن ضرب لي قال لي مبروك يدكتورتنا وبمناسبة النتيجة انا عازمك بكرة على كيفك المكان العاوزاه 😂❤️ قلت ليه قدام 😂🌚❤️ بعد اسبوع كنا مسافرين كلمت الين وفرحت شديد إن احنا جاينها 🌚❤️ بعد مرا اسبوع سافرنا بريطانيا ولاقيت الين ☹️❤️❤️ ياخي كنت فرحانة شديد واخيرا 😭❤️❤️❤️.
.
.
.
.
.
.
ابقوا عافية 🏹🖤.