دانَ قلبي

١٠

قبل م اطلع من المستشفى شفت الدكتور الكان مشرف علي قعد اتونس معاي واداني نصايح صراحة طريقة كلامه وأسلوبه راقي وحلوو ❤️❤️ حتى ايام صحيت من الغيبوبة وطلعت م بشوف هو كان دايماً بدعمني وبقويني 🌝💛 المهم طلع ظريف والله واحنا طالعين عمي سلم عليه بقوة كدا زي كأنهم بعرفوا بعض من زمان حتى خالتو امل نفس الشيء، طلعنا وركبت العربية واحنا في الطريق كنت بفكر في كلام الدكتور وكدا وإتذكرت إني م سألته من إسمه 😂😭 م اشتغلت بالموضوع كتير الين قالت لي عمي خلينا نمشي مطعم ونتفسح قبل م نرجع البيت قال ليها إنتي جنك طلعات خلاص طالعة زي امك 🌝😂 نزلنا في مطعم اتعشينا واتمشينا ورجعنا البيت كان في أحلام وشيماء وهند استغربت ليه هم م جو المستشفى 😐 ولا زاروني كانوا بعاينوا لي بنظرات كعبة ولا حتى حمدوا لي السلامة م اشتغلت بيهم كتير وطلعت غرفتي فوق ارتحت بس م قدرت انوم الين جاتني قالت لي عاوزة انوم معاك قلت ليها طوالي أصلا أنا كنت خايفة اقعد براي قالت لي المشكلة م جايني نوم قلت ليها حتى انا والله من قبيل حاولت انوم مقدرت 😂 قالت لي طيب ارح نحضر فيلم لين ننوم قلت ليها ارح بس م يكون فيلم رعب بالله 🌝 قالت لي طيب ي خوافةة 😭😂 نزلنا تحت فتحنا التلفزيون وعملنا فشار وقعدنا بعد شوية سمعنا صوت حركة وطبعا ناس البيت كلهم نايمين الين قالت لي الليلة د شنو 😐 قلت ليها ارح نشوف الين مشت قدامي وانا وراها فالنهاية طلعت دي إباء 😂😂😭😭 انا قعدت اضحك والين تضحك 😭😭😂😂 قالت لينا شت طلعتوا خوافين 😂😂😂😂😂 المهم قالت كانت عاوزة تشرب موية لو الفيلم ظابط بقعد احضر معاكم قعدت حضرنا بمزاج قلت ليهم انا ماشة المطبخ اسوي لي عصير قالوا لي سوي لينا معاك مشيت أثناء انا بسوي في العصير حسيت بحركة وراي طوالي التفت لقيت ديل شيماء وهند طبعا هم م بيطقوني ولا انا بطيقهم كانوا بعاينوا لي حتى نظراتهم تخوف والله هند كانت بتتقرب مني زي كانهم كانوا ناوين على شيء بعد شوية هند طلعت سكين وختتهاا لي في رقبتي وشيماء جات بوراي ومسكت لي يدي وقفلت لي خشمي هند قالت لي شوفي ي م نافعة اختك دي لو م بتتراشق وتتخافف قدام اخوي مازن عشان تلفت نظره م كان اصلا ح يعاين ليها لأنكم م من مستوانا أساساً وهي عملت معاه وبكامل رضاها و بعدين جات قالت اتحرش عليها وبتاع عشان تخلي الناس يعطفوا عليها وتطلع نفسها م عندها ذنب وتختوا اللوم كله على مازن اصلا دي حركات البنات الما مربين والله مشكلة تعيش في الدنيا دي وم عندك ام ولا اب يربوك ويوروك حدودك مع الناس وبعدين ي دان انا شايفة حركاتك مع احمد اخوي عاوزة تعملي معاه زي العملته اختك مع مازن وبعدين تجي تقولي اتحرش بيك 🤣🤣 المهم يستي اسمعي كلامي د وختيه حلقة في أذنك مفهوم؟! واحسن تبعدي من أحمد وإذا حصل شيء لأخوي مازن وم طلع من السجن د سليم م ح تلومي إلا نفسك إنتي واختك واختك دي حسابها معاي بعدين، بعدها شيماء فكتني وطلعوا طبعا هند كانت ضاغطة السكين شديد على رقبتي فجرحتني جرح بسيط ونزفت دم وانا قعدت في الأرض وبكيت بكيت شديد 💔💔 طوالي طلعت غرفتي وقعدت تحت البطانية ودموعي دي م عاوزة توقف كلام هند كانت بتكرر في عقلي بس 💔💔 بعد مسافة حسيت في زول دخل غرفتي كانت دي الين جات تشوفي إذا نايمة ولا صاحية انا مثلت إني نايمة طلعت وقفلت الباب وانا إستمريت ببكي لين نمت صحيت بالصباح كان نور الشمس داخل لين الغرفة والشباك فاتح لمن فتحت عيوني وقمت لقيت الين فاتحة الشبابيك عشان اصحى وعاملة لي الشاي والفطور 🌝💛 قالت لي صباح الخير ي نوامةة يادوب تصحي 👀 قلت ليها امس عشان حضرنا فيلم ونمت متأخر 😭😂 بس اول مرة اتعمق في النوم للدرجة دي 😭😂 لاحظت ليها بتعاين في رقبتي قالت لي دي شنو الجرحة الفي رقبتك قلت ليها ولا شيء بس إنضربت ضربة عادية قالت لي دان م تكذبي لان انتي اصلا م بتعرفي تكذبي احسن توريني الحاصل معاك شنو قلت ليها طيب بدخل الحمام وبطلع احكي ليك دخلت استحميت وطلعت صليت وقعدت مع الين أثناء انا بفطر حكيت ليها بكل الحصل وبكلام هند بالتفصيل وايشي بعد م حكيت ليها قالت لي اصلا البنات ديل م برتاح ليهم هم واختهم احلام دي كريهات وهم سبب المشاكل في البيت أثناء الين بتحكي سمعت صوت جمب غرفتي طلعت اشوف م لقيت شيء رجعت الين كملت قعدت تحكي لي بعمايلهم قالت لي امهم سهى دي بتعمل عمل وبتأذي الناس عادي عشان تعيش هي وبناتها على كيفهم ابوي قبل م يتزوج امي اصلا كانت بتحرضه على أهله واخوات ابوي الي هم عماتي كانت عاملة ليهم عمل مع إن عماتي كان تعاملهم معاها كويس بس هي شيطانة وحقودة وتاني حصلت مشكلة كبيرة بين ابوي وأهله بسببها هي وابوي كانت دايماَ بتواجهه المشاكل حتى إن هي عملت حاجة لأمك وابوك وتقريبا افترقوا وامك لين اتوفت بسبب العمل د يعني م خلت عماتي ولا أعمامي في حالهم حتى حبوبتي ام ابوي سوت ليها المشاكل والبلاوي حتى أولادها طلعوا كعبين زيها وعلمتهم على الحقد والحسد وايشي كعب في الدنيا علمته ليهم من صغار بعدها ابوي تقريبا مشى الشيخ اصلا هو كان متضايق منها ومن أولاده وكانت دايما نقنانة وبتعاتب الشيخ قال ليه إن هي بتسوي عمل وقال ليه حاجات كتيرة كعبة هي بتسويها ابوي طوالي طلقها بعد طلقها بمسافة قرر يتزوج تاني مشي أتقدم لواحدة وأهلها وافقوا وخطبها إتخيلي هي مشت عملت حاجة للبت الإتقدم ليها ابوي وبرضو نفس الشيء ابوي م قدر يتزوجها وتقريبا البت مرضت إلا سفروها معارفة حصل ليها شنو بعد فترة من الكلام د ابوي كان قابل امي معارفة وين بالظبط المهم أتقدم لأهلها وخطبها والمرة دي كان بالسر وبعيد من مكان سهى عشان م تعرف وابوي كان مستعجل عشان العرس يتم سريع وم تحصل مشاكل بس الحمدلله ابوي وامي اتزوجوا وسكنوا في بريطانيا وانا كنت صغيرة في الوقت داك وامي كانت حامل ب لؤي جاتنا في البيت وكانت بتعيط بأعلى صوتها كانت بتطالب إن أولادها يسكنوا معانا في بيت ابوهم المهم ابوي عشان يسكتها سكنهم معانا وبرضو م ارتاحت كانت بتسوي عمل لأمي دايماً ولأخواني احنا ابداَ م ضقنا طعم الراحة ولازم كل يوم نتشاكل معاهم.......يتبع........
.
.
.
.
.
.
ابقوا عافية 🏹🖤.