𝐌𝐁𝐓𝐈||الأنماط

إزاي تخلي علاقتك ناجحه بالانفب

إزاي تخلي علاقتك ناجحه ب ال infp و هوا بيحتاج إيه في العلاقات أصلا ؟

- اول حاجة الصبر ادي الانفب وقته ف كل حاجه لأننا بناخد وقت ف قراراتنا و بنحب ناخد وقت نفهم نفسنا و لما بنحس ان حد بيستعجلنا ف اي حاجه بنتقفل منه جدا

-تاني حاجة التواصل دايما قول للinfp انت بتفكر ف ايه و ايه ف عقلك احنا عايزين نعرف انت بتفكر ف ايه متسيبناش مع استنتاجاتنا احنا عايزين نعرف انت بتفكر ب ايه و حاسس ب إيه عايزين نسمع قد إيه انت متحمس لحاجة جديدة او قد إيه انت قلقان او متوتر من حاجة إحنا عايزين نسمع و نساعدك و ده بيخلي ال infp ي create a deep bond معاك لما يحس انك بتشاركه ف كل حاجة

-تالت حاجة التفسيرات إوعى تقول ل infp يعمل حاجة او تطلب منه حاجة من غير ما تديله تفسير
لما حد بيقولنا نعمل حاجة و ميقولناش إيه السبب بنتضايق
تواصل معاه و اشرحله و فهمه و هتلاقيه ماشي معاك زي الفل

-رابع حاجة خليه دايما included ف حياتك
مفيش حاجة بتحبط ال infp قد إنه يحس إن الناس اللي بيحبهم مش بيشركوه ف حياتهم
ف اي قرار حتى لو بسيط او كبير

-الهدوء خليك هادي دايما مع ال infp إحنا بنعشق الهدوء والله
-التفاهه اه التفاهه
ال infps دايما بيكونوا محتاجين حد يخرجهم من المود اللي هما فيه
حاول تبسطه ب أي حاجه من فترة للتانيه مهما كانت تافهه و بسيطه بس هي قادره تخرجه من المود و تفرحه شويه

- الكدب.. متكدبش عليه عشان اكتر حاجة بيكرهها ف حياته هيا الكدب و لو عرف إنك كدبت عليه ف مرة غصب عنه هيشك فيك و هيأوفر ثينك في كل الكلام اللي بيتقوله بعد كده كتير و مش هيبصلك بنفس النظره اللي كان بيشوفك بيها قبل كده

-الاحترام : و دي أهم حاجة بيبقى محتاجها ف حياته احنا مؤمنين اننا كلنا مختلفين عن بعض احنا مش عايزين حد يحاول يغيرنا إحنا عايزين حد يتقبلنا بكل جوانب شخصيتنا زي ما إحنا بنتقبل اللي قدامنا
احنا عارفين إن إحنا فينا حاجات كتير محتاجة تتغير و حاجات كتير محتاجين نشتغل عليها بس دي مسئوليتنا احنا اننا نغير و نطور من نفسنا اي محاوله للي قدامنا إنه يغير فينا حاجة غصب عننا بتقفلنا من الشخص ده
ممكن تلفت نظرنا او تورينا الطريق تبين لنا إنك موجود و عايز تساعدنا لكن تغصب علينا لا
الاحترام المتبادل مهم ف اي علاقة في الدنيا و احنا مش عايزينك تكون موافق على كل حاجة إحنا بس عايزينك تحترم افكارنا و مشاعرنا و آرائنا
و خليك دايما إن mbti وظيفته إنه يفهمك نفسك و الناس اللي حواليك اكتر و لما تفهمهم و تفهم احتياجاتهم و الحاجات اللي بيحبوها واللي بتضايقهم هتعرف تتواصل معاهم اكتر