#عشيقتي -بالقمار 🎲 🎰

الحلقة {67}

سكت شوي وجبد روحه ورا .. كلامها هذا بلذات مدابيه مايسمعوش ... بلنسبة ليه هو هذيك ليلة ولا اي ليلة .. وهاك كلامها خلاه ينكسر ملداخل ...
_اسد: نوعدك تنسي كل شي ... راح تنسيه بطريقتي .. راح نخليك تشوفي لاي لحظة جمعتنا مع بعض على انها احلى لحظات حياتك ...
تلفتت ليه عينيها معبيين بدموع ..
_بيلسان: عارف روحك واش قاعد تحكي ... كلام كبير عليك .. كلام نتا فلاساس مشي قدو ومش قادرلو ..
_اسد: واش قصدك ..
_بيلسان: قصدي مفهوم ... نتا راجلي وانا مرتك وولدك هنا في كرشي ... زواج مدته 8 اشهر ويكمل تجي تقولي نخليك تشوفي انهم احسن لحظات ... راهي 3 نتاع صباح نحب نرقد .. نتا ظاهر فيك انو هذا هو لوقت لي يغيب فيه عقلك ... اصلا واش نتوقع من مدمن قمار ...
_هز روحه وقف وعدى يده على وجهه ...
_اسد: تصبحي بخير ...
خرج وخلاها .. هرب من مواجتها ومن كلامها لي فلحق صح .. لواه يحوس يعيشها لحظاتهم مع بعض ... واش يحوس هو منها ...
تركز على لحيط لي برا وبقى مقابل غرفتها يخزرلها ... تنهد وهز تريكوه طلعه لفوق نحاه ونزل مع لرض قعد
.. حط يده على رقبته يعدي فيها ... مش فاهم واش حاب منها ...واش تعنيله ... يحس في تناقض داخله مشي مفهوم مش لاقيلو جواب ... وكل مرة يرجع يقول بيلسان جات غلطة وهو تحمل غلطته معاها ...

طلع صباح ... حلت عينيها تحس فلنور نتاع برا سطع فلغرفة .. تململت في بلاصتها ورجعت حلت عينيها تخزر للسقف نتاع لغرفة ... تنهدت وحطت يدها على كرشها تحس في روحها جيعانة ... تنهدت وعدت لسانها على شفافها ... مشات جيهة شباك نتاع لغرفة ووقفت تشوف للتحت لجنينة تهبل حتى فيها لورود شهوها باش تنزل تشمهم وتشرب قهوتها تحت شجرة (القهوة 😆) دخلت للحمام غسلت وجها ورجعت شعرها ورا ...ومشات جيهة لباب حلاته جات عينها عليه قاعد على لرض ومسكر عينيه ظاهر راقد ... بقات شادة لباب وتخزرله ... عينيها مايحكو شي .. مادام قراره واضح ملبدية حتى هي رايها فلموضوع واضح .. ماراحش تقرب منه ولاتبني احلام مامنهمش وجود ... حلت لباب بشوي وخرجت بقات واقفة على راسه تخزرله لوجهه ونزلت لصدره .. شافت لذراعه واش واشم .. حاجات مش مفهومين ... عوجت فمها ورجعت تمتمت ..
_بيلسان: حمار ..
تلفتت ونزلت للتحت تحس في روحها جيعانه وحابة تاكل الاخضر واليابس ...
_اسد: واش تبدل من لبارح لليوم ...
_بيلسان: سقسي روحك واش تبدل ... انا راني انا من وقت عرفتني ... علاه تلعب بمشاعري ... تشوف فيا حجرة مانحسش .. شكون تقبل على روحها هذا شي .. انا قبلته علاه خاطر خممت في ولدي ... وماراهش ولدي وحدي ولدك نتا ثاني ... علاه تستغل فيا على جاله ... شكون وصلني للحالة هذي مش نتا ... يعني ولدك نتا يخصك حتى نتا ... لي جاي نقره وحدي ...
_اسد: يعني نفهم من كلامك ... بدلتي رايك ...وشروط هذوك ماعادوش عاجبينك ...
_بيلسان: واه ماعادوش عاجبيني ... ماعادش تقرب مني ... اذا انا مشي حابة ماتغصبش روحك عليا ...وماعادش تبين روحك مليح باش تأثر فيا ...
_اسد: مشي كيما تحبي نتي ...
_بيلسان: مالا عادي طلقني ...
_اسد: طلاق مكانش ... وتبقي هنا برضايتك ولا بلا بيها ... ولي نقوله انا يمشي هنا ...
_بيلسان: والله نموت ولا نخليك ترجع تحط يدك المسخة عليا ... تفووو
شدها من رقبتها كبس عليها وحشرها مع لحيط يخنق فيها ...
_حطت يدها على يده تحاول تبعدها ... مش قادرة ترد لنفس ...
دخل بلال يلقاهم فلحالة هذيك .. مشى يجري جيهتهم ... فكها منه ودزه ورا ...
_بلال: هبلت نتا ... هذي مراة علاه تضرب فيها ...
تلفت ليها وحط يده هلى كتفها يحكي ...
_بلال: راكي مليحة ...
هزتله راسها لا ...
_اسد: بيلسان ارواحي هنا ...
رجعت شافت فيه ومشات ورا بلال ...
_نفخ ومشى جيهتها راح يجبدها ... دزه بلال ورا ...
_بلال: علاه تعامل فيها هاك ...
_اسد:#### علاه دخل في ## .. مرتي وانا حر ... ومزال ماحاسبتكش على يدك هذي لي تحط فيها عليها ... ولكلام هذا تقول تعرفها ... اخرج وخلينا وحدنا ...
_بيلسان: ماتخرجش ...
_اسد: صكري فمك ...
_بيلسان: مانصكرش ... خامج كلب ... نكرهك
_اسد: بيلساااان ...
_بلال: اسد هيا خلينا نخرجو وخليها هي ترتاح من بعد واحكو ...
حط يده على كتفه راح يخرجه .. نطر يده منه
_اسد: مش صغير توريني واش ندير ... اخرج وصكر لباب ...
_تلفت بلال شاف فيها ... لقاها تترجى فيه بعينيها ... نفخ ورجع شاف في اسد ...
_بلال: اسد ...
_اسد: قلت خرج ...
حط راسه بلال وخرج ... جبد لباب وراه وبقى واقف برا ...
دور راسه اسد جيهة لباب ورجع مشى دور لمفتاح صكره ... وتركز عليه يشوف فيها .  
_اسد: انا كلب ... وخامج... كملي واش كنتي تقولي ... حاب نستوعبه

بقى يشوف ليده مصدوم .. نتاع صح رماتله غراضه في وجهه وعطاته بظهرها ومشات .. بقى لحظات وهو يشوف ليده ورجع طلع راسه وعينيه رجعو ظلام رمى واش كان في يده .. طاح الخاتم وعقد الالماس في لرض ... لحقها ورجع جبدها لعنده .. بلال حتى هو قرب منهم ... حط اسد يده على كتافها للزوج كبس عليهم يعصر فيها .. يحكي ويلز على سنيه ..
_اسد: عارفة روحك واش درتي ... عارفة مستواك ومن وين جبتك .. واش حاسبة روحك ... عارفة وين لقيتك اول مرة .. عن اي كرامة تحكي ... من وقتاش بنات ليل رجع عندهم كرامة ..
بقات تشوف ليه وعينيها تعبو بدموع .. كلمته الاخيرة بقات تضرب بين وذنيها للزوج ...
فكت روحها منه وهزت يدها ولمرة هذي مالحقش يشد يدها .. خاطر الكف صح ضرب في خده ...
ضرباته ونزلو دموعها تحكي ...
_بيلسان:بنت ليل لي تحكي عليها رجعتها مرتك وحاملة ولدك ... بنت ليل نتا لي بقيت تهددها باش تبات معاك ... انا مارميتش روحي عليك ... نتا لي بقيت تلحق فيا ...
انا وقت جيت ليلة هذيك جيت خاطر ظروف لزتني ونتا عارف ...
دور راسه ليها وشدها من رقبتها يخنق فيها ..
_اسد: #### تضربيني ... نتي ### تضربيني ...
رجع وجها حمر قريب تختنق ...
جاب ربي بلال كان معاهم .. دخل بينهم وفكها منه رجعها ورا ..ودزه بعيد ..واسد تقول زاد حرشه .. رجع جيهتها حاب يخنقها من جديد ..
_اسد: بعد خلي نقتلها بنت ### ..
_بيلسان: الله ينعلك ... روح وحد الخامج ...
واقفة ورا بلال وتسب فيه وهو راح يهبل كل ما يقرب يشدها يدزه بلال ...
_بلال: اسد رجع ورا ... واش دير .. حاب تقتل مراه ... وزيد مرتك وحامل ... حاط عقلك في عقلها ..
_بيلسان: واش بيه عقلي ..
تلفت بلال قحرلها نتاع سكتي ولا تموتي ...
_اسد: مش سامعها .. ماشفتش واش دارت من شوي ...
_بلال: شفت وسمعت ... وعاذرها المراة حامل هرموناتها مخلطين ... ممكن عليها كارهاتك
_بيلسان: لا هرمونات لا والو ... نكرهه من عند ربي .. تفوووه
_اسد: فك .. فك يدي خلي نكرها فياا كثر ...
_قحرتله ومشات ... جبد اسد سلاحه .. وطلق رصاصة لفوق ... وقفت جامدة في بلاصتها ... ماقدرت لا تقدم لا ترجع ...
_بلال: اسد واش دير ..
_اسد: تخطي خطوة تموتي ... اصلا في كل لحالات راح تموتي قبل مايطلع نهار ...
تعبو عينيها بدموع وقت تفكرت نهار كانت مع بلال وكانو راح يقتلوها على شعرة ...
_فك بلال سلاح من يد اسد ..ووجهه جيهته ..
_بلال: ارجع وراا ..
_اسد: واش قاعد دير نتا ... راح تجهلني معاها ..
_بلال: اسد ارجع وراا وخليها تمشي ..
_اسد: واش دخلك واش دخلك .. مرتي وانا حر .. نقتلها ولا نخنقها واش دخلك ...
_بقى بلال موجه سلاحه جيهته ويحكي ..
_بلال: امشي ركبي فلطونوبيل ...
_مسحت دموعها ومشات تجري ركبت فلطونوبيل نتاع بلال وسكرت لباب على روحها ...
_اسد: راح تندم علابالك ..
_بلال: نتا لي قاعد تغلط وقت يطلع نهار تفيق بروحك ...
مشى بلال وباقي موجه سلاحه جيهته ورجع رماه في لرض وركب وسكر لباب ...
_حطت حزام الامان ورجعو دموعها نزلو ... حطت يدها على فمها تكتم في شهقاتها ...
حرك بلال طونوبيل ومشى بيها ...
_بيلسان: رخيس الجايح كان راح يقتلني ... شفته خنقني ... كيفاااه عملت لروحي هاك ... واش من عقل عندي ...
شدت راسها بين يديها ... بلال ماحكى شي بقى ساكت ..
_حطت يدها على كرشها ودورت راسها جيهة شباك .. كلامه مزال يرن في وذنيها ... غاضتها عمرها .. كيفاه ماخمتش يجي نهار ويسبها بغلطتها .. رغم انو عارف كانت اول مرة وظروفها لزتها وسبها ... بقاو دموعها ينزلو مشي عارفة وين هازها  هذا لي معاه ولا وين ماشي بيها ... اصلا حالتها ماخلتها تخمم في شي غير فلكلب لي خلاته وراها ...