#عشيقتي -بالقمار 🎲 🎰

الحلقة {6}

#عشيقتي_بالقمار 🔥🔥🔥🔥
#بقلم_نوراااا🌹🌹🌹🌹
حل عينيه صباح على شعاع شمس لي ضرب فيه... لبارح بعدما هي مشات ماجاهش نوم فلاش لي كانت فلكوستيم اذا طاحت في يد كاش حد راح فيها ... ومن زهره مشات بيها وحدة مايعرفهاش ... حكى مع رجاله يحوسو عليها ويجبدوها من تحت لرض ... هز روحه غسل وجهه ولبس ثيابه نتاع لخدمة ...ونزل تحت شاد تليفون في يده ...
_أسد: راح تجي عندكم وحدة ومعاها شاك بقيمة 10 ملاين ... وقت تجي شدوها عندكم ...
هبط تليفون ونزل قعد على طاولة حطوله فطوره ... جبد لكرسي وقعد .. هز شوكة وسكين ورجع ياكل بهدوء كأنو ماصاير شي ... حد ثاني في بلاصته كان نار شاعلة وسطه ... خاطر شي لي فلفلاش ممكن يوصله لحبل المشنقة ... كمل ومشى خرج يتمشى فلجنينة نتاع لفيلا ...
فلوقت هذاك كانت بيلسان وصلت قدام لبنك لي راح تخرج منه دراهم ... مدت لمول طاكسي دراهمه  ودخلت تجري .. عملت دالة تستنى حتى وصلت دالتها مدتلهم هويتها وشام هذاك ... شده لي يخدم لتم تحقق منه وشاف فيها ... وهز تليفون يحكي ... حست بتوتر ... كأنو صاير شي مشكل ..
بقات تستنى وتفرك في يديها مع بعض .. شوي وجاها واحد من الامن ...
_مدام تفضل معايا ...
وجها رجع صفر راح تطيح لعبت بيها دوخة مش وقتو جملة ... اذا مامدولهاش دراهم تخسر خوها ...
_بيلسان: علاه ...
_ماتخافيش تفضلي معانا منا ...
_بيلسان: دقيقة نهز دراهمي ونجي معاك ..
رجع هذاك لي هز شاك وهويتها قعد ..
تلفتتله تحكي ...
_بيلسان: وين دراهمي ...
_مدام قتلك تفضلي معايا بلا مشاكل ...
شدها من ذراعها وهي تحاول تفك روحها منه ...
_بيلسان: وين ماشي بيا ... سيبني ...
نزل بيها للتحت دخلها لوحد لغرفة وسكر لباب عليها وخرج ..
قبل ماتلحقه كان لباب تسكر رجعت تعيط وتضرب فيه حابة تخرج ...
_بيلسان: حلو لباب ... حلو عليا ماعنديش وقت ... الله يخليكم حلو عليا ...
رجعت طاحت مع لرض ودموعها رجعو ينزلو لمرة هذي ... ليلة لبارح مابكاتش كيما بكات دوك ... لموضوع فيه خوها ...ومجرد ما تتفكر كلام رضا تحب تهبل ...
وقف هذاك مول الامن بعيد وهز تليفونه يحكي ...
_راهي جات وشديناها تقدى تجي ...
_أسد: اوكي ...
نزل تليفونه وعمل بيده لواحد من رجال يجهزله سيارة باش يمشي ...
#نوراااا🌹🌹🌹🌹🌹