بيلسان تحكي ...
نحس في عروق راسي راح يطرطقو ... يديا رجعو يرجفو من توتر ... حابة نعيط حابة نحكي ... مش قادرة حاسة بغصة داخلي ... جبدت روحي ورا حتى من تليفون طاح من يدي مقدرتش نشده كثر ... جيت نوض نهرب كبس عليا بيده ... حسيت روحي نهاريت ... بقى غير نترجاه ونعمل اي شي المهم يمدلي دراهم نرجع خويا وبعدها يقتلني اذا حب ماعنديش مشكل اصلا واش بقى نزيد نخسر كثر من هاك ...
_اسد: واش قاتلك ...
_بيلسان: قاتلي .... نحتاج دراهم مدلي دراهم ونرجعلك غراضك لكل وقتلني بعدها اذا حبيت المهم خليني نمشي ... محتاجة دراهم هذو افهم الله يخليك ...
حطيت يدي على شوميزته كبست عليها نترجى فيه دموعي يطيحو ماقدرتش نشدهم كثر حاسة بقهرة ...
_بيلسان: الله يخليك ...
بقيت نتبع فيه بعينيا نستنى واش راح يقول ولا يعمل ... لحظة هذيك تقول تمدت حتى حسيت فات عليها بزاف نستنى فيه ينطق ويريحني ... لا يعرفني لا نعرفه كيفاه يصدقني ويعاوني ...
_شفت مع يديه وقت حطهم على يديا نزلهم من على شوميزته ووقف بقيت انا في لرض ...
شفته هز تليفونه وخرج لبرا ... جيت نلحقه لقيته سكر لباب رجعت نعيط وضرب فيه ... راح نهبل راح نجن ... شفت مع لوقت بقات ربع ساعة ... ربع ساعة لا اكثر ... كبست على راسي بين يديا نحكي وحدي ... جاتني حالة نتاع هستيريا ماقدرت نخمم في شي ... رجعت نضرب فلباب ونبكي ...
_بيلسان: الله يخليكم خلوني نمشي ... الله يخليكم مدولي دراهم ... راح يموت خويا ...
لقيت تليفوني يصوني مشيت نجري هزيته من لرض نلقاه رضا .... رجعو يديا يرجفو ... مسحت دمعتي وحطيته على وذني نحكي ...
_بيلسان: الو ..
_رضا: مابقاش وقت بزاف اذا مش حابة تشوفي خوك ميت ازربي ...
_بيلسان: راح نجي والله راح نجي ... كاين ازدحام نتاع سير ... اعطيني ساعة ثانية ونكون عندك دراهمك هنا ..
علق عليا قبل مانزيد كلمة ... رجعت نعيط ونعاود ماجاوبنيش .. شديت راسي وبقيت رايحة جاية فلغرفة هذيك ... كش عارفو وقتاش يرجع هذاك ولا ناوي يحبسني هنا ... واش من زهر عندي مع شكون طحت انا ... مكانش لازم نشد شاك عليه ... كان لازم نجيب دراهم جاهزين ... تلفت على صوت لباب رجع نتحل ... تلفت بزربة نرد فلنفس نلقاه هو رجع ... شاف فيا يحكي ...
_اسد: هيا معايا ...
مسحت دمعتي وهزيت غراضي ومشيت نجري جيهته مش عارفة وين المهم نخرج من هنا ...
#نوراااا🌹🌹🌹🌹
أنت تقرأ
#عشيقتي -بالقمار 🎲 🎰
Mystery / Thriller#كرونيك منقوله كرونيك بعنوان 💝 عشيقتي بالقمار 💝 -------------------------------------------------------------------- -------------------------------------------------------------------- #عشيقتي_بالقمار 🔥🔥🔥 #بقلم_نورااا🌹🌹🌹
