#عشيقتي -بالقمار 🎲 🎰

الحلقة {118}

بقات واقفة مقابلة شباك هاك .. طالعة فوق طاولة وتتفرج عليه .. مزال مافهمتش واش يقعد يدير لتم ... كل مرة يبقى قاعد على راس الحجرة هذيك ... ودوك ثاني ... ومزال ماحكاش واش حب منها ... بوها علاه ماحوسش عليها زعما صدق انو سافرت ... زعما خلاص راح تبقى مع هذا لمريض حتى تموت ... تنهدت ورجعت تمسح في زجاج شباك بيديها ... فادة ومتضايقة ... لغرفة هذي رجعتها مكتئبة ...
دورت راسها جيهة لفاليزة هذيك ونزلت لرض تمشي حافية حطتها قدامها ... جبدت ثياب لي فيها ... لقات سروال وتريكو قصير شوي حطتهم على جنب ... وثيابها نتاع تحت ثاني ... وجبدت منشفة صغيرة شوي ... وراحت للتوالات هذاك غسلت من لسبالة لي فيه ... بللت روحها كامل ... ومسحت بلمنشفة هذيك ورجعت تزرب لغرفتها ... غيرت ثيابها ... ومشات حلت الشباك لي انعكاس الشمس فيه خلاها تشوف وجها ... ولبسها كيفاه عدلاته قدامها ... وجبدت مكياجها ومراية صغيرة حطت حاجة خفيفة وعدلت شعرها مليح ... على الاقل تكتأب وهي مليحة مش كرهة في كرهة ....
رجعت طلعت فوق طاولة هذيك وقت جاتها فكرة في راسها ممكن تقنعه يخليها انزل تشم غير شوي هوا برا وتمشي ... اصلا ماعندها وين تهرب لبلاصة ماتعرفهاش ... حلت الشباك ووقفت تعيطله من لفوق ....
_نجاح: هااااي ... هااااي ... شوف ليااا ...
كان قاعد قدام قبر رانيا يخمم في جواد واش يكون عمل ... حتى سمع صوتها من وراااا تلفت يخزرلها ... ورجع ضيق عينيه فيها ... مش فاهم واش تدير ..
_نجاح: محتاجاتك ... ارواح ...
قلب عينيه منها ورجع طفاها ... رجعت تعيط من جديد ...
_نجاح : اذا ماجيتش نرمي روحي من هنا سمعتني ....
_عوج فمه يحكي بين شفافه ..
_احمد: اعمليها وريحيني منك تعملي مزية مش ناقصك ...
_نجاح: يااا ##### اطلع لعندي مريضة راني ...
_احمد: واش حابة .. يحكي ويعيط باش تقدر تسمعه ...
_نجاح: ختنقت فلغرفة هذي نحب نمشي نشم لهوا نقي ...
_نفخ وهز روحه وقف وقت عرفها مش راح تسكت ... وقت شافته جاي لعندها صكرت الشباك ونزلت تجري جمعت غراضها وقعدت على طرف سرير تستنى فيه ... مابطاش ووصل ليها وقف عند باب لغرفة يخزرلها ... ورجع هز حاجبه ..
_احمد: مخططه تهربي ... واش هذي لحالة لي عاملتها في روحك ...
_نجاح: وين عندي نهرب ... وحالتي هذي باش نحي الاكتئاب بي تسببتلي فيه ... وحط في بالك انو يجي نهار تتحاسب على واش عملت فياااا ... مش معناها ساكتة انو رضيت بواش درت ... اما لي عديتو في حياتي اكثر من لي عملته نتا فياااا ... تعلمت كيفاه ماننصدمش من صفعات لي نديهم من دنيا هذي ...
_احمد: لحياة صفعتنا كامل ... ورماتنا لطرف الدنيا ... وخلتنا نقاوموها رغم كل شي ... ومادام تعلمتي كيفاه توقفي في وجها ... راكي فلطريق صحيح ...
_نجاح: لا وتمدلي في دروس على الحياة ...
_احمد: ممكن قاعد نقيم في لي عشتيه ...
_نجاح: نحب نمشي ... لغرفة هذي كأبتني ...
_احمد: تبعيني ... اما صدقيني اذا خممتي تهربي نخسر عليك رصاصة بين عينيك هذو ... سمعتيني ...
_هزتله راسها .. وتبعاته ...
كلمتها هذيك خلاته يرجع يثبت فيها كثر ...واش تقصد .. كلامها هذا خلاه يعيد سؤاله من جديد ...
_اسد: واش قصدك .. ولدك نتي وشكون ...
_اما ردها كان نفسو ...
_سيرين : ولدنا ... انا ونتا ...
تبسم بطريقة مش مفهومة ... كأنو حاس روحه عايش كابوس ولا حلم ... ولا عايش مغامرة عجيبة ... شاف ليها ورجع شاف فلولد لي تلفت يخزر ليه ... بقى يثبت فيه يحوس على الشبه لي بينهم ... ورجع تذكر اسمه ... كان اسمه اسد حتى هو مش غالط ...
_اسد: اسمو ... مش اسمو ..
_سيرين: اسد ... هذا ولدنا وهذا اسمو... عمره 10 سنين ...
_اسد: تكذبي مش صح ... اياد ... تزوجتو صح ...
كلامه هذا خلاها تفشل ... آخر شي توقعاتو منو انو ردة فعله تكون باردة كيف هاك ... واش تفهم من كلامه انو مش مصدقها ... ولا واش ...
هزت روحها وقفت وقربت منه هزت يده حطتها على قلبها تحكي ...
_سيرين: هذا القلب عمرو خانك ... ولا صاحبة القلب هذا خانتك حتى في احلامها ماتعملهاش ... هذا ولدنا ... انا ونتا ... حملت بيه 9 اشهر ... وانا مصبره روحي .. على بعدك وعلى الذل لي عشته ... كيفاه تخمم هاك ... كيفاه يخليك قلبك تحكي هاك ...
هزت يديها زوج شدت وجهه تحكي ...
_سيرين: شوف ليااا ... انا سيرين .. سيرين مش غيرها ... انا حبك نسيت ... كيفاه تخمم انو الولد مش ولدنا ...
_اسد: اياد ... كنتو متزوجين كيفاه صرا هاك ...
_سيرين: تزوجنا ... باش يحميني .. مش خاطر شي ... اسد اسمعني نتا مش فاهم واش صرااا ...
_تلفتو على صوت طونوبيل لي وقفت عملت صوت ... ووراها طونوبيلات نتاع لبوليس ...
_نزلو ومشاو جيهة اسد وبيلسان لي شدت فيه خايفة ...
_سيرين: هذو علاه هنا ... حابين يهزوني ... واش صرا ...
_اسد: ماتتقلقيش دوك نفهمو واش صرااا ...
_الشرطي: مادام راح تتفضلي معانا للمركز ...
_اسد : السبب ...
_الشرطي : وقت توصل لتم تعرف السبب ...
نزلو دموعها وشدت في اسد مش حابة تمشي معاهم ...
_تلفت ليها يحكي ..
_اسد: ماتخافيش امشي معاهم وراح نلحقك ولتم نفهمو واش صرا ...
_قربو منه هزوها دموعها على خدها ... رجعت شافت لولدها واقف يبكي وشافت لاسد ...
_سيرين: ولدنا في امانتك ... ماتخليهش وحده ...
هزلها راسه وشاف فلصغير لي واقف يبكي على امه ....
كريم كان قريب منهم وقت هزوها نزل من طونوبيل تاعه ... جات عينه في عينها .. رجع تبسم على جنب وفات عليها رايح جيهة اسد ورا ...