لين: اياااااااااااد انت يلاا اصحى بسرعه
ايادبفزع اي في اي البيت بيقع ولا في حريقه
لين: لا ياخويا في اني اتأخرت علي الجامعه وعايزه امشي وكمان بابا سبقق علي الشغل وعايزك
اياد: وهو يضربها بالوساده امشي من وشي يالين في حد يصحي حد كده حرام عليكي قطعت الخلف روحي ياشيخه منك لله
لين: بحزن مصطنع يعني مش هتوصلني اهئ اهئ
إياد بغضب: لا انا مش سواق الهانم انا مامشيتي لي مع بابا
لين: بحزن مصطنع كده يابودي وانا بقول انك اخويا الكبير وسندي واللي هيخاف عليا فين الاخوه فين النخوه والشهامه ضاعوا خلاص اهيء اهيء🥺
اياد: بقولك اي بلاش الدرامه دي و اطلعي خليني اغير لبسي استغفر الله هو يوم باين من اوله
لين: هاي هاي كبتن ثم ذهبت الي الخارج
________________ندي محمد______________
البطله لين الانصاري
( فتاه مرحه ومشاكسه ذات بشره بيضاء وعيون زيتونيه واسعه في السنه الاخيره كليه طب قسم اطفال وتحب الرسم)
اياد الانصاري (شاب في اواخر العشرينيّات تخرج من كليه الهندسه ويعمل في شركه والده شاب ذو بشره قمحيه وعيون عسليه وذو جسم رياضي ويحب لعبه الملاكمه)
_____________ندي محمد_______________
بعد ان انتهي اياد من ارتداء ملابسه نزل الي الاسفل وجد والدته في المطبخ صباح الخير ياست الكل ثم قبل راسها
ندي: صباح النور ياحبيبي يلا روح كل مع اختك علشان ما تتأخر علي شغلك علشان بباك سبقك وقال ان في اجتماع مهم
اياد: يانهار ابيض تصدقي نسيت الاجتماع دا الحج هينفخني
ندي: طيب يلا بسرعه اختك هتخلص الاكل انت عارفها مفجوعه
اياد: هههههههه عندك حق يلا الحق انا اخر الطبق
ذهب اياد لتناول الطعام مع اخته
لين: ما تكلش معايا
اياد: وليه ياختي ان شاء الله
لين: علشان ما صحيت تصلي الفجر معانا وانا قعدت اصحي فيك كتير وعلي فكره اعمل حسابك المره الجايه لو ماصحتش علي كول هتلاقي الثلج في قفاك انا زوري وجعني من الكلام معاك
اياد:معلش يا لولو اخر مره والله كنت تعبان
لين: طيب هسامحك المره دي بس انت لازم تصلي الفجر علشان لما بتصلي الفجر وتقعد تدعي وتذكر الله كتير ربنا بيحفظك من كل سوء وغير كده صلاه الفجر بتريح القلب وتقربك اكتر من ربنا علشان انت قمت من نومك علشان تقرب منه فا ربنا بيقرب منك علشان كده الاذان الوحيد اللي بيقولوا فيه الصلاه خير من النوم هو اذان الفجر لان بيبقي معظم الناس نايمين وهنيئا ليه بقي اللي يقوم ويصليه ☺️
اياد: ياه يالين علي الرغم من انك اصغر مني بس بستفيد منك كتير ربنا يبارك فيكي ياحبيبتي وما يحرمني منك ابدا ومن نصايحك الحلوه دي وان شاء الله هصلي الفجر ولو ما صحيت ياستي رشي مايه عليه
لين: هههههههه حاضر بس كده وبعدين الكبير مش شرط يكون بالسن الكبير بيبقي كبير بالعلم والعقل وربنا يهدينا جميعا ويثبتنا علي طريقه
اياد: امين يارب
يلا ناكل بقي علشان ما نتأخر
أنت تقرأ
للحلال مذاق خاص
Randomنحن دائما نبحث عن الحب في كل مكان ولكن الحب انواع حب محرم يأخذك الي طريق الظلام والخروج من طاعه الله وهذا ليس حبا بل تسليه بمشاعر الاخرين وحبا حلال وهو الحب الذي يبقي بداخلنا ونخرجها لمن يستحق ولكن في الحلال عندما يكون من نصيبك وزوجا لكي او زوجه لك...
