خرج زين من غرفه العمليات وكانت علامات الحزن علي وجهه
ايهاب: خير يابني طمني
زين: الحمدلله احنا قدرنا نوقف النزيف بس للاسف هي دخلت في غيبوبه وكمان احتمال يحصلها فقدان ذاكره مؤقت وعندها كسر في الرجل الشمال
اياد: يعني اي هي كده هتقوم امتي وكمان مش هيرجع ليها الذاكره
زين: احنا مش هنعرف نشخص الحاله ونعرف غير لما تفوق وانا بقول احتمال فقدان ذاكره وكمان مؤقت يعني هيرجع لها بسرعه بس لما انتو تقعدوا معاها وتحكولها ودلوقتي هي بين ادين ربنا ودعولها
بكت ندي بشده علي طفلتها حتي فقدت وعيها
أميره: طنط فوقي ياطنط
جري اياد وحملها الي احد الغرف وقام زين بتعليق المحلول لها واعطائها حقنه مهدئه
زين: سبوها تستريح هي جالها انهيار عصبي
خرج الجميع وكانت أميره تجلس وتبكي بشده
وخرجت لين من غرفه العمليات وتم ادخالها الي العنايه المركزه
ايهاب: يارب احنا مالينا غيرك اشفيها وعافيها يارب 😔
جاءت نسرين وقالت اخبار لين اي ياعمو
ايهاب: انتي مين يابنتي
جاءت اميره وقالت بكل حقد دي وحده مش بييجي من وراها غير المصايب انتي اي اللي جابك هنا ياحقيره انتي اصلا ما تستاهلي ان لين كلمتك وانا حظرتها بس اعمل اي ماسمعتش الكلام ثم صرخت بها وهي تقول ليا اطلعي من هنا ومش عايزه اشوف وشك ويبقي تقولي لحبيب القلب بتاعك برافو عليك ختطك نجحت بس مش هتفلت من ادين ربنا وحسبي الله ونعم والوكيل فيكم امشي يلا من وشي بررررره
حزنت نسرين كثيرا ولم تنطق بكلمه واحده للدفاع عن نفسها فهي تعلم انها اخطأت في حق لين عندما سمعت من طرف واحد ولم تسمع لها
اياد: اهدي بس يا انسه أميره وقوليلي في اي دي جيه تسأل علي لين
أميره: بغضب خليها تمشي من وشي الاول وبعدين ابقي احكيلكم
جاء زين وقال معلش يا آنسه نسرين ممكن تمشي دلوقتي علشان انتي عارفه ان الظروف ما تسمح للكلام
نسرين: خلاص انا آسفه وماشيه بس كنت عايزه اطمن على لين وهمش ومش هتشوفوا وشي تاني
زين: هي دلوقتي كويسه بس دخلت في غيبوبة ومش هنقدر نعمل اي حاجه غير اننا ندعي ربنا
نسرين: بحزن ربنا يشفيها ويقومها بالسلامه عن اذنكم ثم خرجت من المشفي وهي تبكي بشده لانها السبب فيما حدث لها بعد ما علمت من انس الحقيقه ولكن بعد فوات الاوان
اياد: ها احكي اللي حصل هي مشيت اهي
أميره: قصت عليهم كل ما حدث وهي منهاره ثم فقدت وعيها وقاموا بادخالها الغرفه واعطاها زين حقنه مهدئه
__________________ندي محمد_____________
خارج المشفي قامت نسرين بالاتصال على وليد ولكنه لم يجب قررت الاتصال ولكن لا يوجد اي استجابه وفي المره الاخيره قام بغلق الهاتف
نسرين:اه ياكلب ياواطي والله لو شفتك لاموتك دا انت واحد حقير ومش هسيبك في حالك وهاخد حقي وحق لين منك
(لا ياشيخه مش ده حبيب القلب بتاعك يلا احسن 😒🙄)
______________ندى محمد__________________
في شقه ما كان يجلس وليد مع انس ويقول
بقي انا اترفد من الجامعه بسبب وحده عاملالي فيها محترمه
انس: بقولك اي ياوليد انت وانا غلطنا وده جزائنا والمفروض تتعلم من الغلط ده وتبطل اللي انت بتعملوا ده علشان مش كل البنات شبه بعض
وليد بضحكه تملأها الحقد اتعلم فعلا انا اتعلمت واتعلمت اني ما اسيب حقي والابله اللي عامله فيها شريفه دي انا هوريها
انس: والله انا حظرتك واللي انت عايزوا اعملوا بس انا مش هساعدك يبقي تشوف حد غيري وانا ندمت علي اليوم اللي عرفتك فيه يلا سلام ومش عايز اعرفك تاني وانا ماشي وربنا يسامحني ويهديك
وليد: لا والله وده كان من امتي ياستاذ انس انت ناسي انك كنت ماشي مع نص بنات الجامعه
انس:لا مش ناسي بس انا عمري ما عملت علاقه قزره زيك بس الحمدلله اني فقت قبل ما يفوت الاوان واخسر كل حاجه انا اول ما كنت في مكتب العميد والدكتور زين قعد ينصح فينا حسيت اد اي ان انا واحد حقير وضيعت دنيتي علي حاجات تافهه وانا خلاص هقرب من ربنا وهدعي انه يسامحني ويغفرلي ويقربني ليه وياريت انت كمان تفوق يا...صحبي علشان ماتندم في الاخر
وليد: براحتك يا انس بس خليك فاكر ان انت اللي بدأت العب ولو وقفت في طريقي مش هرحمك
انس: وانا مش خايف منك ادام واقف مع الحق ولو عملت حاجه للين او نسرين تاني مش هرحمك انت فاهم يلا سلام
وخرج انس من الشقه دون سماع اي كلمه اخري
________________ندى محمد_________________
في المشفي وبعد ان اقنع زين عائله لين بالذهاب لكي يستريحوا ويأتون في الغد وهو سوف يهتم بالين ذهب الجميع وقال له اياد خلي بالك منها ياصحبي وانا هاجي ان شاء الله الصبح اطمن عليها قبل ما اروح الشغل
زين: عيب عليك دي زي اختي ما تخاف عليها وكمان انا دكتور انت نسيت ولا اي وان شاء الله هتقوم بالف سلامه
اياد: لا ياصحبي ما نسيت يلا سلام
زين: سلام
في العنايه المركزه
كانت لين نائمه في عالمها المظلم لا تشعر بشيئ دخلت عليها أميره بعدما فاقت وهي تبكي
ليه يالين ليه سبتيني يلا فوقي علشان خاطري يلا فوقي حتي لو نسيتيني انا هافكرك يلا علشان نتخرج انا وانتي ونعملهم المفاجأة زي ما اتفقنا ثم قامت بمسح دموعاها وقالت علي فكره انا ماقولتش لحد علي مفاجأتنا وكمان عايزه اقولك على سر هقلك وانتي اكيد سمعاني بس انا عايزاكي لما تصحي تساعديني بصي انا بصراحه اعجبت بإياد اخوكي يلا بقي اصحي علشان انتي تاخدي زين اخويا هو اصلا شكلوا بيحبك بس مش راضي يقول وانا اخد اياد وامري لله علشان نبقي سلايف ونطلع عنيهم ثم بكت بشده مره اخري وقالت يلا بقي انتي مش راضيه تفوقي لي انتي عايزه تعرفي غلاوتك عندنا يعني والله احنا كلنا بنحبك
جاء من خلفها زين الذي كان يسمع لحديث اخته وقال لها مش كده يا اميره ياحبيبتي انتي لازم تكوني اقوي من كده وتدعيلها ويلا بقي علشان نسيبها تستريح
احتضنته أميره وقالت انا مش قادره يازين مش قادره اشوفها كده دي هي اختي وصحبتي انا بحبها اوي دي هي اللي بتنصحني لما اغلط وهي اللي اخدت بإيدي علشان اقرب من ربنا والتزم في الصلاة لي بس يحصل معاها كده لي يعني هي عملت اي يعني علشان يحصلها كل ده
وضع زين يده علي ظهرها وبدأ في تهديتها وقال خلاص ياحبيبتي ان شاء الله هتقوم بالسلامه طيب اي رأيك تقعدي جنبي ونقرأ ليها شويه قرآن
مسحت أميره دموعها وابتسمت ابتسامه صغيره وقالت ماشي يلا
جلست أميره وزين بجانبها وهو ممسك بمصحفه وبدأ يقرأ القرآن بصوته العذب الي ان انتهي وقال لاميره يلا علشان نروح نسترح شويه في الاوضه اللي جنبها
علشان نبقي فايقين بكره
أميره: ماشي يلا
خرج زين واميره وذهبوا الي الغرفه المجاورة للين وذهبوا في نوم عميق من شده التعب
_________________ندى محمد______________
في شقه ما في حي صغير
جلست نسرين وهي تفكر في لين وقالت انا مش هسامح نفسي لو حصلها حاجه قامت بالاتصال على وليد مره اخري فقام بالرد عليها
نسرين: اي مش بترد عليا لي
وليد: بكل برود ورد علي وحده زيك لي روحي ياشاطره شوفي غيري
نسرين: بغضب اه ياحقير ياواطي والله لاندمك علي اليوم اللي عرفتني فيه
وليد: بضحكه مستفزه يعني هتعملي اي ياحلوه هتفضحي نفسك
قامت نسرين بغلق الهاتف ورميه ووقفت امام المرآه وهي تقول عندك حق مش هعرف اعمل حاجه انا استاهل كل اللي يجري ليا ثم قامت بكسر المرآه واخذت قطعه منها وقطعت يدها
وكانت والدتها في الخارج تدق الباب بشده بعد سماعها لكسر الزجاج جرت والدتها الي الخارج تستنجد بالجيران قام احد الجيران بكسر الباب فصرخت والدتها بشده لانها رأت ابنتها الوحيده تغرق في دمائها................
يتبع...........
#للحلال_مذاق_خاص
_________________
ياتري اي اللي هيحصل لنسرين 🤔 ده اللي هنعرفوا في الفصل القادم 🤭
بقلمي ندي محمد
#Nody
أنت تقرأ
للحلال مذاق خاص
Diversosنحن دائما نبحث عن الحب في كل مكان ولكن الحب انواع حب محرم يأخذك الي طريق الظلام والخروج من طاعه الله وهذا ليس حبا بل تسليه بمشاعر الاخرين وحبا حلال وهو الحب الذي يبقي بداخلنا ونخرجها لمن يستحق ولكن في الحلال عندما يكون من نصيبك وزوجا لكي او زوجه لك...
