عندما كانت لين تنتظر اياد رأت زميلتها من الثانويه تقف مع بنت ومجموعه من الشباب وتضحك معهم حزنت لين كثيرا علي زميلتها وكانت تريد ان تذهب لتنصحها ولكن قالت في نفسها هنصحها بس لما اشوفها لوحدها وربنا يصلح حالنا وحالها
جاء اياد وقال لها الجميل سرحان في اي
لين: ها لا ابدا يلا خلينا نمشي
ذهبوا الي المنزل
دخلت لين السلام عليكم ياهل المنزل انا جيت نورت البيت
اياد: من خلفها لا يا حبيبتي دا انتي ضلمتيه وانا اللي نورته
نظرت له لين بشر وقربت منه وهي تضع يديها علي وسطها وقالت بتقول اي يابودي ياحبيبي
اياد: بخوف مصتنع انا بقول انك نورتي البيت ياختي يا حبيبتي وانا اللي ضلمته
لين ايوه كده رجاله ما بتجي غير بالعين الحمره
جاء والدهم وقال انتو هتفضلوا كده كتير يلا كل واحد يغير ويجي علشان نتغدي سوا
لين واياد في صوت واحد حاضر يا كابتن
ثم صعد كلا منهم لغرفته وابدل ملابسه ونزلوا لتناول الغداء مع بعضهم
لين: الله تسلم ايدك يانودي ياحبيبتي 😘
ايهاب والدهم: ما فيش حد بيعرف يطبخ زي مراتي حبيبتي
اياد: الله الله علي الرومانسيه
جلسوا جميعهم يضحكون ويتحدثون
______________ندي محمد____________
بعد ان انتهت أميره من محاضرتها قامت بالاتصال علي زين لكي يذهبوا سويا
أميره: الو يا زيزو انا خلصت
زين: اسمها السلام عليكم
أميره:السلام عليكم يادكتور انا خلصت
زين: وعليكم السلام تمام خمس دقائق وكون عندك
خرج زين من مكتبه وقابل اخته وذهبوا سويا الي المنزل
دخلوا المنزل زين السلام عليكم يا اهل الدار
الام ملك: وعليكم السلام ياحبيبي حمدلله علي السلامه
زين:الله يسلمك ياحبيبتي
أميره: امممم حبيبي وحبيبتي وانا رحت فين يا حجه هو انا مش بنتك اهىء اهيء 🥺
ضحكت ملك وقالت لا دا انتي حبيبتي وحياتي كمان
اخرجت لين لسانها لزين مثل الاطفال وقالت شفت ماما ما تقدرش تعيش منغيري علشان انا حياتها
ضحك زين وملك علي هذه الفتاه وقال زين دي بتجاملك بس
نظرت أميره لملك وقالت مثل الاطفال صح الكلام ده ياماما 🥺
ملك: لا ياعيون ماما زين بيهزر معاكي والله مش عارفه انتي هتتخرجي الزاي وانتي عامله زي الاطفال كده
جاء حسين والدهم من الخلف وقال الله الله شيفاكي عماله توزعي الحب وانا ماليش من الحب نصيب
ضحكت ملك وقالت: ازاي بس ياحج دا انت اللي في القلب
( المقطع ده ينفع اغنيه 😹)
أميره: تيرارا تيرارا لو سمحت يا زين اثنين لميون وشجره
ضحك زين وهو يضربها علي رأسها ويقول يابت اتلمي بقي انتي خلاص هتتخرجي وبعدين اظبطي لسانك اي لميون دي اسمها ليمون
أميره: لا يابابا وانت اي يعرفك في اللغه اسمها لميون وبعدين مين قالك اني هكبر انا ايوه قربت اتخرج بس هفضل صغيره وغايظه الكل
زين: لميون لميون دا انتي دخلتي طب غلط ياام لغه بايظه
أميره: دا انت اللي لغتك بايظه دا انا طالبه مجتهده انت ماتعرفش حاجه
حسين:خلاص اهدوا انا مش عارف هتتجوزي ازاي دا انتي هتجننيه
أميره: هو يطول ياخدني وبعدين انتو عايزين تخلصوا مني اهيء اهيء ما كانش العشم والعيش والجبنه اللي اكلناها سوا
ملك: خلاص انتو هتفضلوا ترغو كتير كده يلا روحوا غيروا خلينا نتغدا
صعد كلا منهما الي الغرفته وابدلوا ملابسهم ونزلوا وتناولوا الغداء مع بعضهم
_______________ندي محمد______________
ليلا في فيلا الانصاري
لين: هات الريموت يا اياد علشان سندريلا هيبدأ
اياد: يابت انتي كبرتي سندريلا مين هنتفرج علي الملاكمه حلوه حتي تتعلمي ودافعي علي نفسك
لين: بزعل مصتنع اهيء اهيء انا عايزه سندريلا ماليش دعوة والله هقول لبابا 🥺
يابابا يابابا انت ياحج
ايهاب:اي في اي يالين
لين: مثل الاطفال شوفت يابابا ابنك عايز يفرج بنتك الكيوت علي ملاكمه وانا بقوله لا هنتفرج علي سندريلا 🥺
ايهاب يارب صبرني هو انتو بتكبروا ولا بتصغروا
ثم قال: تعالا يا اياد وسيب التلفزيون علشان عايزك في شغل
نظر اياد الي لين التي ابتسمت بنصر واخرجت له لسانها مثل الاطفال😛
وقال بغيظ حاضر يا بابا جي وراك
ذهب ايهاب الي مكتبه وامسك اياد المخده وضرب بها لين وهو يقول بقي انا اللي تطلعيلوا لسانك ماشي انا هقص لسانك ده قريب
لين: عاااااااا الحقوني عايز يقص لساني عاااااا هبقي من غير لسان ومش هعرف اتكلم عاااااااا
اياد: يابت اخرصي ثم سمع صوت والده ينادي من المكتب
حاضر ياحج جي اهو ثم القي عليها المخده وذهب
لين بضحكه انتصار هاااااا لقد انتصرت لما اتفرج بقي علي سندريلا
(تصدقوا احنا البنات مهما كبرنا بنفضل تفهين وصغيرين 😹)
______________ندي محمد______________
في فيلا الحديدي
كان زين يجلس هو واميره في حديقه الفيلا ينظرون الي النجوم
أميره: زين هو انت لي ما حبيت لحد دلوقتي او اتجوزت
زين: علشان اللي انا هحبها هتجوزها وتكون حلالي
أميره:طيب وفيها اي لو شفت وحده وتتعرف عليها الاول ولو عجبتك اتجوزوا ولو كده خلاص
زين: بصي ياميرو حكايه اتعرف علي وحده وقعد اتكلم معاها وجو العيال ده حرام لان ما ينفع اعترف بحبي الا في الحلال وكمان لو عملت فترة خطوبه لازم يكون في حدود في الكلام ما بنا علشان انا هكون بالنسبه ليها لسه اجنبي فهمتي علشان كده لازم تحافظي علي نفسك ولو حبيتي شخص تخلي الحب ده جوه قلبك وتدعي ربنا لو فيه خير ليكي يجمعكم في الحلال فهمتي يا حبيبتي وبعدين مافي حاجه اسمها لو عجبتي اجوزها ولو كده اسبها كده انا بعلقها بيا وممكن لو سبتها اجرح مشاعرها واكسرها علشان كده ربنا حرم العلاقات دي وكمان احنا عملنا فتره خطوبه علشان التعارف بس بردوا يكون في حدود وماعلقهاش بيا علشان لو ماحصلش نصيب ماتتجرحش
أميره: اه فهمت وربنا يرزقك ببنت الحلال اللي تسعد قلبك يا زيزو ياحبيبي وشوفك احلي عريس يارب
بس تصدقك انت تفكيرك نفس تفكير لين صحبتي دي حتي ما شفتهاش بتتكلم مع ولد ولو اتكلمت معاه بيبقي في حدود الدراسه علشان انا كده بحبها ومصحباها من اول الجامعه
زين: طيب الحمدلله انك مصاحبه صحبه خير وعلي فكره انا كنت براقبك انتي وهي من بعيد وفعلا هي انسانه محترمه وتستاهل كل خير
أميره: امممم قولتلي علشان كده ما جت في يوم وسألتني علي اصحابي وانت مراقبني
زين: اكيد حبيبتي مش انتي اختي ولازم اعرف اصحابك علشان ما يكون في رفقه سوء ويبعدوكي عن طريق ربنا بس الحمد لله ربنا رزقك بالصحبه الصالحه ثم قال في نفسه واتمني تكون زوجه صالحه ليا بردو
وجلسوا يضحكون سويا وفجأة سمعوا صوت والدتهم وهي تصرخ...........
#للحلال_مذاق_خالص
_____________
ياتري اي اللي حصل دا اللي هتعرفوا الفصل القادم 🤭
بقلمي ندي محمد
#Nody
أنت تقرأ
للحلال مذاق خاص
Diversosنحن دائما نبحث عن الحب في كل مكان ولكن الحب انواع حب محرم يأخذك الي طريق الظلام والخروج من طاعه الله وهذا ليس حبا بل تسليه بمشاعر الاخرين وحبا حلال وهو الحب الذي يبقي بداخلنا ونخرجها لمن يستحق ولكن في الحلال عندما يكون من نصيبك وزوجا لكي او زوجه لك...
