بعد انتهاء لين واميرة من يومهم وقفت اميره مع لين تنتظر اخيها
لين: انا مش عارفه هما اخروا لي والله بس لما يجيلي
أميره: اهدي شويه يامجدي زمانه جي
وبعد دقائق خرج زين من الكليه وقال معلش يااميره اخرت عليكي كان العميد عايزني
أميره: عادي ولا يهمك انا اصلا كنت واقفه مع لين صحبتي
نظر زين اليها وهو يقول زيك يا آنسه لين
لين: بخجل مع ابتسامة صغيرة بخير والحمدلله يادكتور
تاه زين في عيونها الزيتونيه وبرائتها ثم سرعان ما اخفض رأسه واستغفر الله
زين: طيب انتي هتفضلي واقفه كده تعالي اوصلك في طريقي
لين: معلش حضرتك اصل اخويا جي وهمشي معاه
زين: تمام واحنا هنستني معاكي
بعد بضع دقائق وصل اياد
اياد: معلش ياجميل اخرت عليكي باباكي بقي مستلمني في الشغل وكان لازم اخلص تصميم المبني اللي في ايدي
لين: خلاص ماشي هسامحك المره دي علشان خاطر البوب حبيبي
اياد: كله من ذوق حضرتك
ثم سمع اياد صوت زين لا مش معقول البشمهندس اياد الانصاري والله وحشتني ياراجل
اياد: اي الصدفه الحلوه دي الدكتور زين تعالي في حضن اخوك يافوزي
ضحك زين وهي يحتضنه وقال لسه زي ما انت ما تغيرت
اياد: واتغير لي انت ناسي ان انا اللي كنت بفرفشكم ووقفوا يتحدثون ويتذكرون ايام الدراسه قبل دخولهم للجامعه
وكانت كلا من لين واميرة ينظرون الى بعضهم ولا يفهمون شيئا
وبعد ان انتهوا من الحديث
زين: عايزين نشوفك تاني وهات رقمك علشان الرقم اللي معايا لما رنيت عليك كذا مره كان بيديني مغلق
اياد: اه معلش اصل الفون باظ مني وغيرته وغيرت الخط ثم قام باعطائه رقمه الجديد و ان شاء الله هنتقابل تاني ما انا اصلا شغال سواق الهانم بجيبها واروحها كل يوم اعمل اي شغلي جنب الجامعه
ضحك زين وقال زي اخوك بس الفرق اني بشتغل في الجامعه نفسها ودي اختي اميرة
نظر اياد الي أميره وهو مبتسم ازيك يا آنسه أميره
أميره: بخجل الحمد لله بخير
اياد: يارب ديما يلا استأذن انا بقي
زين: ماشي مع سلامه الله
اياد الله يسلمك
وذهب كلا منهم الي منزله
________________ندى محمد_____________
ليلا في فيلا الانصاري
كان لين واياد راقضون علي عشب الحديقه وينظرون الي السماء جلستهم المفضله بقي
لين: انت تعرف دكتور زين منين
اياد: ده يا ستي كان زميلي في الثانوية وبعد ما دخلنا الجامعه طبعا كل واحد فينا راح كليه مختلفه بس كنت بقابلوا كل فتره ونقعد مع بعض وبعدين انا طبعا اتخرجت قبله بس المشكلة ان الارقام كلها ضاعت مني لما الفون باظ
لين:امممممم طيب
اياد: بس بصراحه صحبتك دي قمر يخربيت حلوتها
ضربته لين علي كتفه وهي تقول احترم نفسك ياواد انت
اولا انت المفروض تغض بصرك علشان حرام ثانيا دي اخت صاحبك يعني المفروض تحافظ عليها زيي وتعتبرها اختك ولو انت اعجبت بيها يبقي تدخل البيت من بابه زي الشاطر وتتقدم ولا انت حابب حد يعمل معايا كده علشان كما تدين تدان ياشاطر ثم قامت بمسك اذنه وهي تقول فهمت ولا افهمك بمعرفتي
اياد: مصتنع الخوف لا خلاص فهمت يامس وبعدين انا عمري ما هعمل كده علشان انا عارف كويس ان ده حرام وانا ان شاء الله لما اتأكد من مشاعري اتجاه وحده وهحبها هتقدم ليها على طول
ضحكت لين وهي تقول ايوه كده شطور يا بودي وربنا يرزقك ببنت الحلال اللي تسعدك وتحافظ علي بيتها
إياد: يارب آمين
ثم قاموا وذهبوا لكي يناموا
________________ندي محمد_______________
صباح يوم جديد في الجامعة
كانت لين واميرة يجلسان سويا في كافتريا الجامعه ينتظرون محاضره التشريح
أميره: انا هقوم اجيب حاجه اشربها اجبلك معايا
لين: ياريت هوت شوكليت
أميره: ماشي ياجميل ثم ذهبت لاحضار المشروبات
كان يقف من بعيد وليد وصديقه
وليد: هي دي يلا روح واعمل اللي انا قولتلك عليه
انس: تصدق دي مزه اوى يخربيت حلوتها اشطا يلا بينا
ذهب انس باتجاه لين
انس بابتسامه: الجميل قاعد لوحده لي
نظرت له لين وقالت: افندم انت عايز اي
انس وهو يجلس بجانبها: لا اصل شوفتك قاعده لوحدك قولت اجي اونسك ثم قام بمسك يدها وقال تصدقي عيونك حلوه اوي
قامت لين بسحب يدها وهي غاضبه بشده وقالت انت قليل الادب ازاي تمسك ايدي كده يا حيوان وقامت بسرعه فاكادت ان تقع فأمسك بها انس من خسرها وقال حاسبي ياجميل
انتفضت لين ووقفت بسرعه وبدون اي كلمه قامت بصفعه قلم خماسي جميل وقالت انت قليل الأدب
وتركته ورحلت وهي غاضبه بشده
ذهب انس الي وليد وقال البت دي طلعت جامده اوي بس بصراحه عجبتني 😉
ضحك وليد وقال تمام كده الخطه ماشيه يبقي توريني هترفع وشها ازاي قدام الدفعه ودكتور زين لما يشوف الصور الحلوه دي ثم ضحك ضحكه نصر وقال انا هوريكي يابطه علشان يبقي تدخلي في اللي مالكيش فيه تاني وهاخليكي ما تطلعيش من بيتكم تاني عملالي فيها محترمه ها
ثم قام بالاتصال علي نسرين
وليد: ازيك ياجميل
نسرين: عايز اي ياوليد مش قلتلك ما نتكلمش تاني وامسح رقمي
وليد:تعالي بس هوريكي حاجه وبعد كده يبقي تحكمي نتكلم تاني ولا لا
نسرين: اي هي انا مش فاضه ورايه محاضرات
وليد: مش هينفع اقولك في الفون لازم تيجي وتشوفي ومش هأخرك
نسرين: طيب خمس دقائق وهكون في الكافتريا
وليد: طيب مستنيكي ياقمر
ذهبت نسرين اليه خير عايز اي
وليد: طيب اقعدي وشوفي الصور دي كده ثم اعطي لها الهاتف
نسرين بصدمه لا مش معقول لين ما تعمل كده انا اعرفها من زمان ايوه احنا اتفرقنا بس بردوا هي وحده محترمه وعمري ما شفتها بتكلم ولد الصور دي متفبركه اكيد
( اصيله يابنتي انك ما صدقتي ويارب تفضلي علي كده)
ضخك وليد وقال ولي ما تكلم شباب اكيد بتكلم وكمان الدليل اهو انا كنت واقف بتكلم مع واحد صحبي وشفتها قاعده مع انس وبيتكلموا وبيضحكوا ولو مش مصدقه انتي عارفه انس روحي قوليله
ذهبت نسرين من امامه وهي لا تصدق ما رأته
وضحك وليد وقال هفضل وراكي يا نسرين انتي ولين لحد ما اخد حقي منك يالين واخد اللي انا عايزه من نسرين وبعد كده يبقي توروني هترفعوا وشكم تاني ازاي وضحك ضحكه شريره
يتبع.............
#للحلال_مذاق_خاص
_____________________
ياتري اي رد فعل زين ولين لما يشوفوا الصور🤔
ده اللي هنعرفوا الفصل القادم 🤭
بقلمي ندي محمد
#Nody
أنت تقرأ
للحلال مذاق خاص
Randomنحن دائما نبحث عن الحب في كل مكان ولكن الحب انواع حب محرم يأخذك الي طريق الظلام والخروج من طاعه الله وهذا ليس حبا بل تسليه بمشاعر الاخرين وحبا حلال وهو الحب الذي يبقي بداخلنا ونخرجها لمن يستحق ولكن في الحلال عندما يكون من نصيبك وزوجا لكي او زوجه لك...
