You don't need to find a reason [Completed]

0.1 (Unicode)

ရိ​ပေါ် ​ရှောင်းကျန့်ကို စ​တွေ့​​တော့ သူတက္ကသိုလ်​ပထမနှစ်​။
​ရှောင်းကျန့်က ရိ​ပေါ့်ထက်​သုံးနှစ်​ကြီးတဲ့ စီနီယာအစ်​ကိုကြီး​ပေါ့။ ရိ​ပေါ့်အ​နေနဲ့ ​ရှောင်းကျန့်ကို ချစ်​မိ​နေ​ကြောင်းသေချာဖို့ အချိန်​သုံးရက်​ပဲ ယူခဲ့ရတယ်​။

​နည်းနည်းပါးပါးတီး​ခေါက်​ပြီး​နောက်​မှာ ​ရှောင်းကျန့်ဟာ စီးပွား​ရေး​မေဂျာက လူသိနည်းတဲ့ခပ်အေးအေး ကျောင်းသားတစ်​​ယောက်​မှန်း သိလာရတယ်​။ သူငယ်​ချင်းမရှိဘူး။ တစ်​​ယောက်​ထဲ​နေတတ်​ပြီး မျက်​နှာကအမြဲတည်​​နေတာပဲ။

******
"Zhan Ge Wo Ai Ni"
ရိ​ပေါ်က ခင်​မလို့၊ရင်းနှီးချင်​လို့ပါနဲ့ တစ်​ဆင့်ချင်းတက်​ပြီး ရှုပ်​ရှုပ်​ရှက်​ရှက်​​တွေ ကြိုက်​တဲ့လူစားမျိုးမဟုတ်​ဘူး။ အဲ့​တော့တစ်​ခါမှ စကားမ​ပြောဖူးတဲ့​ ရှောင်းကျန့်ရှေ့က ပိတ်​ရပ်​ပြီး ခပ်​တည်​တည်​နဲ့ဖွင့်ပြောလိုက်​တယ်​။

​ဒေါသထွက်​မှန်း သိသာတယ်​။ ယုန်​သွား​တွေနဲ့ နှုတ်​ခမ်းပါးပါးကို ဖိကိုက်လိုက်​တာ တင်းခနဲပဲ။ နှုတ်​ခမ်းအောက်​က ခပ်​​သေး​သေးမှဲ့​လေးပေါ်လာတယ်​။ ရှောင်းကျန့်ရဲ့ မှဲ့နက်လေးကိုကြည့်ရင်း ရိပေါ်ကအူတွေယားလာတယ်။ သွားတွေယားပြီး တစ်ခုခုကိုကိုက်ဆွဲချင်လာသလို။ ခွေးရူးတွေတစ်ခုခုကို ကိုက်ချင်တဲ့ခံစားချက်က ဒီလိုလားလို့ရိပေါ်တွေးမိတယ်။ အူတွေ၊အသည်းတွေယားကျိယားကျိ၊ကလိကလိဖြစ်လာတာလေ။

ဒါပေမယ့် ရိပေါ်ကတော့ မြင်မြင်ရာကိုက်ဆွဲချင်ခဲ့တာမဟုတ်ဘဲ မှဲ့နက်လေးရဲ့အပေါ်မှာရှိတဲ့ နှုတ်ခမ်းပါးလေးကိုပဲ ကိုက်ဆွဲချင်ခဲ့တာဖြစ်ကြောင်း... ။

အဲ့အချိန်​တုန်းက ​ရှောင်းကျန့်ပြန်​​ပြောခဲ့တဲ့ စကားကနှစ်​ခွန်းထဲ။

"ငါက gay မဟုတ်​ဘူး။ ငါ့ကိုရယ်​စရာလို လာမလုပ်နဲ့။"

ဒါဆို ရိ​ပေါ်က​ရော?
ငါက​ရော gay လားလို့ ရိ​ပေါ်​ဖြတ်ခနဲ​တွေးလိုက်​မိတယ်​။ မ​ပြောတတ်​ဘူး။ သူဒီအချိန်​ထိ ရင်​ခုန်​ဖူး၊စိတ်​လှုပ်​ရှားဖူးတဲ့လူက ​ရှောင်းကျန့်တစ်​​ယောက်​ပဲ ရှိတာမို့။ ​ရှောင်းကျန့်ကိုကြိုက်​လို့ gay ဆို... အင်း သူက gay ​ပေါ့။