(Unicode)
အဲ့ဒီလူက ရှောင်းကျန့်အကြောင်းတွေအများကြီးသိတယ်။
ပြီးတော့ သူက ရှောင်းကျန့်ကို တအားသဘောကျပါတယ်လို့လဲ စာတွေတိုင်းမှာ ထည့်ရေးတတ်တယ်။
လိုချင်တာရှိရင် စာပြန်နိုင်ကြောင်းရေးတတ်ပြီး အိပ်ရေးဝဝအိပ်ဖို့လည်း သေချာမှာတတ်တယ်။
တစ်နေ့ကို သုံးလေးကြောင်းပုံမှန်ရေးတတ်တဲ့စာတိုတွေထဲမှာ သူက ဘယ်သူပါ ဆိုတဲ့ဖော်ပြချက်က ဘယ်သောအခါမှ ပါမလာတတ်ဘူး။
....
ဒီနေ့ ရှောင်းကျန့်က စျေးကို ပထမဆုံးအကြိမ်ရောက်တာ။
ဘာလို့ရယ်မသိ လူရှုပ်တဲ့နေရာတွေရောက်ရင် သတိလစ်သွားတတ်တာမို့ အတတ်နိုင်ဆုံး မြို့ထဲကို မသွားဘူး။
ဦးလေးက တစ်ပါတ်တခါ ဝယ်ခြမ်းပေးတတ်တယ်။
ဂေဟာမှာရှိတဲ့ Sister တွေက အခြောက်အခြမ်းတွေအပြင် သစ်သီးယိုတွေပါထိုးပေးတတ်သေးတာမို့ စျေးသွားဖို့ဆိုတာ မဖြစ်နေကိစ္စတော့မဟုတ်ဘူး။
ရုတ်တရက် ကျောမလုံသလိုခံစားချက်နဲ့အတူ ရှောင်းကျန့်ကနောက်လှည့်ကြည့်တယ်။
ဘယ်သူမှရှိမနေဘူး။
ဒါဖြစ်နေကျပဲ.. ။
ဘယ်ပဲသွားသွား နောက်က တစ်ယောက်ယောက်ကစောင့်ကြည့်နေသလိုခံစားရတယ်။
ခဏခဏ သတိလစ်လဲကျသွားတတ်တဲ့ သူ့ကိုစောင့်ကြည့်ဖို့များလွှတ်ထားသေးလားလို့ ဦးလေးကိုမေးဖူးပေမယ့် မဟုတ်ဘူးဆိုတဲ့ အဖြေပဲ ပြန်ရတယ်။
အရမ်းအာရုံစိုက်ရင် ထိုးကိုက်လာတတ်တဲ့ ခေါင်းကြောင့် စိတ်လျော့ထားလိုက်ပြီး စျေးထဲက ပြန်ထွက်ဖို့လုပ်တယ်။
ရုတ်တရက် ဘေးက ဖျတ်ကနဲ ဝင်တိုးတိုက်သွားမှုနဲ့အတူ လက်ထဲက ပစ္စည်းတွေက တစ်ခုစီလွတ်ကျတယ်။
ဒေါသထွက်သွားတာမို့ ရုတ်တရက်လှည့်ကြည့်တုန်းခဏမှာ အာရုံထဲ မြင်လာတာက အနက်ရောင်ဝတ်စုံပြည့်ဝတ်ထားတဲ့ အမျိုးသားတစ်ယောက်။
ပြီးတော့ ရှောင်းကျန့်က အဲ့နားလေးမှာပဲ ခွေကျသွားပြန်တယ်။
...
"လိုက်ကြည့်တဲ့လူတွေက သိပ်ဝေးတယ်မထင်ဘူးလား။ Video ထဲမှာတောင်အဝေးကြီးပဲ.. အန္တရာယ်ရှိတဲ့နားမှာ လဲကျခဲ့ရင် ခင်ဗျားတို့ ဘယ်မှီမလဲ။"
