عزبة الخديوى (مكتملة)

الفصل الثالث " خدعة أدهم"

جاسر طلع صوت قليل الربايه وشتم أدهم ومبروك ... فطردته بره القصر وحرمت عليه دخوله لمدة سنه ولو خالف أمرى يضرب بالنار ويتدفن بره السور .

المشكله بقت عويصه عليا والنرد فاجأنا كلنا وبعد ما أموت العزبه هيحكمها مجنون !!!

Lina Basyouni

ياريتنى ماسمعت كلام أدهم ووافقت مبروك يدخل فى النرد .

بس رجعت وقولت لنفسى دى وصية أبويا والنرد أختار وبين لينا كلنا أنه لما قعد يلف كتير أنه هو اللى أختار , وأخاف من اللعنه لو خالفت وصيه أبويا ورغبة النرد.

صرفت كل اللى فى قاعه القصر ماعدا مبروك وأدهم ورحيم.
.
مبروك كان قاعد بعيد بيحاول يفتح بوق كلبه .

بصيت عليهم وقولتلهم :

النرد غدر بينا وغدر بالعزبه كلها وخلا أخوكم مبروك ..يبقى ملك العزبه .. الخبر هيجرى فى العزبه وكل الناس هتعرفه وممكن هيبة العايله تروح .. والرعاع يقوموا علينا , ويا ريتها هتيجى على أد كده .

اخوكم جاسر مش هيسكت وهيولعها نار ويقلبها دمار . عاهدونى ياولادى .. عاهدنى يا أدهم متسبش مبروك لوحده .. تديله النصيحه وتساعده فى الحكم لما أموت
أنت مخك متعلم ومتنور .

عاهدنى يارحيم يبقى قلبك على قلب أخوك وفى ضهره وتحميه .

رحيم باس على أيدى وعلى راسى وقالى :

أعاهدك يا نينه .. أعاهدك ياجلالة الملكه ناظله.

بصيت لادهم اللى كان متردد وقولتله :

عاهدنى يا أدهم

باس على أيدى وراسى وقال وهو بيهز راسه بالموافقه :

ربنا يديكى طولة العمر ياجلالة الملكه .. أوعدك.

Lina Basyouni

مديت ايدى وقلعت سلسلتى من على رقبتى واللى فى أخرها مفتاح العزبه . قولتلهم :

ده مفتاح العزبه وهسلمه لمبروك الليله زى ماعمل جدكم يوم ماأختارنى النرد.

وناديت على مبروك . ...فجه وهو شايل كلبه

ولفيت على رقبته السلسه اللى فيها المفتاح.

وقولتهم :

عاهدونى ياولادى.

قالولى :

نعاهدك يا جلالة الملكه..

فى نفس الليله رحيم أتسحب وفى أيده البنت الفلاحه وراح على مبروك .. وحاول ياخد السلسله من فوق رقبته .. مبروك مكانش راضى يديله السلسله فأخدها منه بالعافيه .. بس أتفاجأ أن السلسله مفيهاش المفتاح !!!

سأل مبروك على المفتاح مبروك قاله :

أدهم خد المفتاح .

وقعد يضحك وهو بيقول :