عزبة الخديوى (مكتملة)

الفصل الثامن " خفيف الروح"

ونزل من الحصان وفضل  يطبطب عليه علشان يهديه وهو بيقول لجاسر :

Lina Basyouni

ممكن تبعد عن بشير ... بشير لسه فاكرلك اللى عملته فيه !!!

أدهم بص  على حرق فى رجل حصانه بشير

جاسر ساب اللجام وقال لأدهم :

انا مش جاى علشان أضايقك ولا أضايق بشير ، أنا جاى أقولك أن مبروك أخويا الصغير وانا الاولى أنى أكون وصى عليه ..

خاصة بعد ماسمعت أن ناظله بقت تلازم السرير كتير .. وخلاص أيامها بقت معدوده وأنا جيت أحذرك وأنبهك أنى بعد موتها أنا اللى همسك العزبه  ... قصدى يعنى هبقى الوصى على جلالة الملك مبروك ..... صح يا أدهم ؟!

أدهم قاله :                   Lina Basyouni

طبعا بالتأكيد ياجاسر .. أنت عارف أنى مش بطمح فى السلطه خالص ومكنتش عايز يترمى عليا النرد.

جاسر أبتسم ليه وقاله :

جدع ... عفارم عليك يابن عمى .. 

جاسر شاور عليا وقاله :

مين دى ؟.                   
       Lina Basyouni

أدهم نط على حصانه تانى وشد لجامه وهو بيقوله :

ماتشغلش بالك ياجاسر .. هو انا بسألك على الستات اللى بيبقوا معاك !!؟

أدهم هز اللجام وأنطلق بحصانه بشير بعيد عن جاسر وصلنا القصر ونزل من الحصان ومدلى أيده ونزلنى من الحصان .

قولتله :
Lina Basyouni
مين الشرير ده ؟

قالى وهو بيضحك :

أوام عرفتى أنه شرير !!؟ ... ده حفيد  الملكه ناظله , جاسر اللى قولتلك فى المورستان أنه هيقلبها دمار .

قولتله :

ومين مبروك ده ؟!!... لا بقولك أيه أنت تقعد معايا وتفهمنى التيته كلها فاهم ؟

قالى بأستغراب :

التيته ؟

قولتله :

الحكايه يا أدهم ... التيت والشريط ياحبيبى

قالى :

هحكيلك على كل حاجه بس لما تشوفى مفاجأتى الاول وجزء من رد جميلك وبالمره رد الدين ال10تلاف جنيه .
قولتله :

انت صدقت .. أنا كنت بهزر والله أنا مصرفتش عشر تلاف جنيه.

الصراحه هما كانوا 5 بس ومش شقى عمرى ولا حاجه
.
أبتسم وانحنى فى وقار أمير ومد أيده ,فحطيت كف أيدى فوق كف أيده
Lina Basyouni

مادخلناش القصر !! وفضل ماشى بيا فى الجنينه الكبيره اللى ورا القصر  لحد لما لمحت حاجه زى قبه فى وسط الجنينه !!!

قربنا منها فبانت أكتر كانت عباره عن بيت  على شكل قبه   معمول من خشب الارابيسك
و حوالين  البيت لافف شجرة لبلاب !!!